ପାଟନାରେ ଚପଲମାର ହୋଲି! ୱାଟରପାର୍କରେ ରଙ୍ଗ ବଦଳରେ ଉଡ଼ିଲା ଜୋତା-ଚପଲ, ସାମ୍ନାକୁ ଆସିଲା Video
ପାଟନା: ହୋଲିର ପର୍ବରେ ଲୋକମାନେ ନିଜ ନିଜ ଉପାୟରେ ରଙ୍ଗ ଲଗାନ୍ତି । କିଏ ଲାଠିମାର ହୋଲି ଖେଳନ୍ତି ତ କିଏ ଫୁଲ ଓ ରଙ୍ଗ ସହ ଖେଳନ୍ତି । କିନ୍ତୁ ବିହାରର ରାଜଧାନୀ ପାଟନାରେ ଏପରି ଖୋଳି ଖେଳାଯାଇଛି, ଯେଉଁଥିରେ ଚପଲ,ଜୋତା ଉଡ଼ିବାରେ ଲାଗିଥିଲା । ଚାହୁଁ ଚାହୁଁ ପୁରା ସୁପିଂ ପୁଲ ଜୋତା ଓ ଚପଲରେ ପୁରିଗଲା ।
ପାଟନାର ଚପଲମାର ହୋଲି ସାମ୍ପତଚକ୍ ଅଞ୍ଚଳରେ ଥିବା ୱାଟର ପାର୍କରେ ହୋଇଥିଲା । ଏଠାରେ ଆୟୋଜିତ ହୋଲି ମିଳନ କାର୍ଯ୍ୟକ୍ରମ ସମୟରେ ଲୋକମାନେ ରଙ୍ଗକୁ ଉପଭୋଗ କରୁଥିଲେ, କିନ୍ତୁ ଏହି ସମୟ ମଧ୍ୟରେ ଦୁଇ ଗୋଷ୍ଠୀ ମଧ୍ୟରେ ତୀବ୍ର ସଂଘର୍ଷ ହୋଇଥିଲା । ତା’ପରେ ଏହି ସଂଘର୍ଷ ଚପଲରୁ ଆରମ୍ଭ ହୋଇ ଧିରେ ଧିରେ ଭୟଙ୍କର ହେବାକୁ ଲାଗିଲା । ପରସ୍ପର ମଧ୍ୟରେ ଚପଲମାର ପରେ ବିଶୃଙ୍ଖଳା ପରିସ୍ଥିତି ସୃଷ୍ଟି ହୋଇଥିଲା ।
ଶିଶୁ ଏବଂ ମହିଳାମାନେ କୌଣସି ପ୍ରକାରେ ସେଠାରୁ ପଳାଇ ଯାଇଥିଲେ । ପରିସ୍ଥିତି ଏତେ ଖରାପ ହୋଇଗଲା ଯେ, ଯେଉଁମାନେ ଏହି କାର୍ଯ୍ୟକ୍ରମର ଆୟୋଜକ ଥିଲେ ସେମାନଙ୍କୁ ବାରମ୍ବାର ଘୋଷଣା କରିବାକୁ ପଡ଼ିଥିଲା । କିନ୍ତୁ ପରିସ୍ଥିତି ସ୍ୱାଭାବିକ ହୋଇପାରିଲା ନାହିଁ । ଏହା ପରେ ଆୟୋଜକମାନଙ୍କୁ ଏୟାର ଫାୟାରିଂ କରିବାକୁ ପଡିଲା । କିଛି ସମୟ ପରେ ପରିସ୍ଥିତିକୁ ନିୟନ୍ତ୍ରଣ କରାଯାଇଥିଲା । ପାଟନାର ୱାଟର ପାର୍କରେ ଘଟିଥିବା ଏହି ଘଟଣାର ଭିଡିଓ ବର୍ତ୍ତମାନ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।
#WATCH पटना : वाटर पार्क में होली के जश्न के दौरान लोग एक-दूसरे पर चप्पल फेंकते दिखे। pic.twitter.com/eFAY65wsU7
— ANI_HindiNews (@AHindinews) March 17, 2022
