ବ୍ୟାଟିଂରେ ଫ୍ଲପ ରନ ମେସିନ: ଡ୍ରେସିଙ୍ଗ ରୁମରେ ମ୍ୟାକ୍ସୱେଲଙ୍କୁ ମସାଜ କରୁଥିବା ନଜର ଆସିଲେ କୋହଲି

ନୂଆଦିଲ୍ଳୀ: କ୍ରିକେଟର ସବୁ ଫର୍ମାଟରୁ ଅଧିନାୟକ ପଦ ଛାଡିବା ପରେ ଚର୍ଚ୍ଚାରେ ରହିଛନ୍ତି କିଙ୍ଗ କୋହଲି । ପ୍ରତ୍ୟେକ ମ୍ୟାଚରେ କିଛି ନା କିଛି ଅଲଗା କରି ଦର୍ଶକଙ୍କ ନଜରରେ ରହୁଛନ୍ତି ବିରାଟ । ସେହିଭଳି ଏକ ଘଟଣା ଦେଖିବାକୁ ମିଳିଛି ଗତକାଲି ରାଜସ୍ଥାନ-ବାଙ୍ଗାଲୋର ମ୍ୟାଚରେ । ଦଳର ସୁପର ଅଲରାଉଣ୍ଡର ଗ୍ଲେନ ମ୍ୟାକ୍ସୱେଲଙ୍କୁ ମସାଜ କରୁଥିବାର ଏକ ଭିଡିଓ ସୋଶିଆଲ ମିଡିଆରେ ଖୁବ ଭାଇରାଲ ହେବାରେ ଲାଗିଛି ।

୨୦୧୩ ପରେ ଚଳିତ ସିଜନରେ ପ୍ରଥମ ଥର ପାଇଁ ବିରାଟଙ୍କୁ ଜଣେ ବ୍ୟାଟ୍ସମ୍ୟାନ ରୂପରେ ଦେଖାଯାଇଛି । କିନ୍ତୁ ୫ ତାରିଖରେ ଖେଳାଯାଇଥିବା ରାଜସ୍ଥାନ ବିପକ୍ଷ ମ୍ୟାଚରେ ବିରାଟଙ୍କ ଆଉ ଏକ ରୂପ ଦେଖିଛନ୍ତି କୋଟି କୋଟି ଫ୍ୟାନ୍ସ । ମ୍ୟାଚ ସମୟରେ ଦଳର ଷ୍ଟାର ଅଲରାଉଣ୍ଡର ଗ୍ଲେନ ମ୍ୟାକ୍ସୱେଲଙ୍କୁ ବିରାଟ କୋହଲି ମସାଜ କରୁଥିବାର ଏକ ଭିଡିଓ ଏବେ ସୋଶିଆଲ ମିଡିଆରେ ଖୁବ ଭାଇରାଲ ହେବାରେ ଲାଗିଛି । ସାଥୀ ଖେଳାଳିଙ୍କ ସହ କୋହଲିଙ୍କର ଏମିତି ମଜାକିଆ ଅନ୍ଦାଜ ଦର୍ଶକଙ୍କୁ ଖୁବ ମନୋରଞ୍ଜନ ଯୋଗାଇଛି ।

ଚଳିତ ସିଜନରେ ରୋୟଲ ଚାଲେଞ୍ଜର୍ସ ବାଙ୍ଗାଲୋର ତରଫରୁ ୩ଟି ମ୍ୟାଚ ଖେଳିସାରିଥିବା ବିରାଟଙ୍କ ବ୍ୟାଟ ଏବେ ବି ଶାନ୍ତ ରହିଛି । ବାରମ୍ବାର ଫେଲ ମାରିବା ପରେ ମଧ୍ୟ ସେ ନିଜ ଷ୍ଟାଇଲ ଏବଂ ନିଆରା ଅନ୍ଦାଜରେ ଲୋକଙ୍କ ମନରେ ଜାଗା କରି ପାରିଛନ୍ତି । ରାଜସ୍ଥାନ ବିପକ୍ଷ ମ୍ୟାଚରେ ମାତ୍ର ୫ ରନ କରି ପାଭିଲିୟନ ଫେରିଥିଲେ ବିରାଟ । ଏହାପରେ ରାଜସ୍ଥାନ କମବ୍ୟାକ କରିବାକୁ ସୁଯୋଗ ପାଇଥିଲା । କିନ୍ତୁ ଶହବାଜ ଅହମଦ ଏବଂ ଦୀନେଶ କାର୍ତ୍ତିକ ପୁଣି ଥରେ ମ୍ୟାଚର ମୋଡ ବଦଳାଇ ବିଜୟ ହାସଲ କରି ନେଇଛନ୍ତି ।