ଏୟାରପୋର୍ଟରେ ହେବ ସଂସ୍କୃତ ଭାଷାରେ ଆନାଉନ୍ସମେଣ୍ଟ; ଯାତ୍ରୀଙ୍କୁ ଦିଆଯିବ କୋଭିଡ ସୁରକ୍ଷା ବାର୍ତ୍ତା
ରେଳ ଷ୍ଟେସନ ହେଉ ବା ଏୟାରପୋର୍ଟ କୌଣସି ଘୋଷଣାକୁ ଇଂରାଜୀ, ହିନ୍ଦୀ ଓ ଆଞ୍ଚଳିକ ଭାଷାର ହିଁ ବ୍ୟବହାର କରାଯାଇଥାଏ । କିନ୍ତୁ ଦେଶରେ ଏଭଳି ଏକ ଏୟାରପୋର୍ଟରେ ଇଂରାଜୀ ହିନ୍ଦୀ ସହ ତୃତୀୟ ଭାଷା ଭାବେ ସଂସ୍କୃତ ଭାଷାରେ ଘୋଷଣା କରାଯିବା ନେଇ ନିଷ୍ପତ୍ତି ନିଆଯାଇଛି । ସଂସ୍କୃତ ଭାଷାର ଆଦର କମିଯାଉଥିବା ବେଳେ ଏହି ପ୍ରୟାସ ମାଧ୍ୟମରେ ଲୋକମାନଙ୍କ ମଧ୍ୟରେ ସଂସ୍କୃତ ଭାଷାକୁ ପୁଣି ପ୍ରଚଳନ କରାଯାଇ ପାରିବ ବୋଲି ଏଭଳି ନିଷ୍ପତ୍ତି ନିଆଯାଇଛି ।
ବାରଣାସୀର ଲାଲ ବାହାଦୁର ଶାସ୍ତ୍ରୀ ଅନ୍ତର୍ରାଷ୍ଟୀୟ ଏୟାରପୋର୍ଟରେ ଏଣିକି କୋଭିଡ-୧୯ ସୁରକ୍ଷା ବାର୍ତ୍ତା ସଂସ୍କୃତ ଭାଷାରେ ଶୁଣିବାକୁ ମିଳିବ । ରିପୋର୍ଟ ଅନୁଯାୟୀ, ଶୁକ୍ରବାର ଠାରୁ ଏହି ଏୟାରପୋର୍ଟରେ କୋଭିଡ-୧୯ର ସମସ୍ତ ତଥ୍ୟ ସଂସ୍କୃତ ଭାଷାରେ ଘୋଷଣା କରାଯାଉଛି । ବନାରସ ହିନ୍ଦୁ ବିଶ୍ୱବିଦ୍ୟାଳୟର ମିଳିତ ସହଯୋଗରେ ବିମାନ ବନ୍ଦର କର୍ତ୍ତୃପକ୍ଷ ଏହି ଗୁରୁତ୍ୱପୂର୍ଣ୍ଣ ପଦକ୍ଷେପ ନେଇଛନ୍ତି ।
ବାରଣାସୀ ଏୟାରପୋର୍ଟ ଟ୍ୱିଟ୍ ମାଧ୍ୟମରେ ଏହି ଆନାଉନ୍ସମେଣ୍ଟର ସୂଚନା ଦେଇଥିଲେ । ଏହି ଏୟାରପୋର୍ଟରେ କୋଭିଡ-୧୯ର ସମସ୍ତ ସୂଚନା ଇଂରାଜୀ ଓ ହିନ୍ଦୀ ପରେ ସଂସ୍କୃତ ଭାଷାରେ ଘୋଷଣା କରାଯିବାର ନିଷ୍ପତ୍ତି ନିଆଯାଇଛି । ଯାତ୍ରୀମାନେ ଏୟାରପୋର୍ଟରେ ପହଞ୍ଚିବା ପରେ ସେମାନଙ୍କୁ ଏଭଳି ଲାଗିବ ଯେ ସେମାନେ କାଶୀ-ସଂସ୍କୃତ ଭାଷାର ପୀଠରେ ପ୍ରବେଶ କରିବାର ଅନୁଭବ କରି ପାରିବେ । ଏୟାରପୋର୍ଟ ନିର୍ଦ୍ଦେଶକ ଆର୍ୟମା ସାନ୍ୟାଳ ସୂଚନା ଦେଇ କହିଛନ୍ତି ଭାଷାକୁ ସମ୍ମାନ ଦେବା ପାଇଁ ସଂସ୍କୃତ ଭାଷାରେ ଘୋଷଣା କରାଯିବାର ନିଷ୍ପତ୍ତି ନିଆଯାଇଛି । ତେବେ କର୍ତ୍ତୃପକ୍ଷଙ୍କ ଏଭଳି ପଦକ୍ଷେପକୁ ଅନେକ ପ୍ରଶଂସା କରିଛନ୍ତି ।
अब #भाविप्रा वाराणसी विमानतल पर अंग्रेजी और हिंदी के बाद संस्कृत में भी कोविड मानदंडों की घोषणा की जा रही है|
हमारे सम्मानित यात्रियों को विमानतल पर
आते ही महसूस हो जाएगा कि वे काशी – संस्कृत भाषा के पीठ स्थान में प्रवेश कर चुके हैं|@AAI_Official @aaiRedNR pic.twitter.com/E0RcD3LfSS— VARANASI AIRPORT (@AAIVNSAIRPORT) June 17, 2022
