(Video) ମିଳୁନି ଆମ୍ବୁଲାନ୍ସ: ସାନଭାଇର ଶବକୁ କୋଳରେ ଧରି ରାସ୍ତା କଡ଼ରେ ବସିଛି ୮ବର୍ଷର ଶିଶୁ
ନୂଆଦିଲ୍ଲୀ: ମଧ୍ୟପ୍ରଦେଶର ମୁରୈନାରୁ ସାମ୍ନାକୁ ଆସିଛି ଏକ ହୃଦୟ ବିଦାରକ ଦୃଶ୍ୟ । ଭିଡିଓରେ ଏକ ୮ ବର୍ଷର ଶିଶୁ ନିଜ ୨ ବର୍ଷ ସାନଭାଇର ଶବକୁ କୋଳରେ ଧରି ବସିଥିବା ଦେଖିବାକୁ ମିଳିଛି । ଶିଶୁର ପିତା ପୂଜାରାମ ଜାଟୱ ନିଜର ମୃତ ଶିଶୁକୁ ଘରକୁ ନେଇ ଯିବା ପାଇଁ ଆମ୍ବୁଲାନ୍ସ ଖୋଜିବାରେ ଲାଗିଛନ୍ତି । ପ୍ରଶାସନ ପକ୍ଷରୁ ସ୍ୱାସ୍ଥ୍ୟ କ୍ଷେତ୍ର ପ୍ରତି ଏବେ ବ୍ୟବସ୍ଥା ଥାଇ ମଧ୍ୟ ପିତାକୁ ନିଜ ପୁଅ ପାଇଁ ଆମ୍ବୁଲାନ୍ସଟିଏ ମିଳୁନାହିଁ ।
ତେବେ ରାସ୍ତାକଡ଼ରେ ଶବ ସହିତ ବାଳକକୁ ଦେଖି ଲୋକଙ୍କ ଭିଡ଼ ବଢ଼ିଥିଲା ଓ ଅଧିକାରୀଙ୍କୁ ଏହାର ସୂଚନା ଦେଇଥିଲେ । ମିଳିଥିବା ସୂଚନା ଅନୁସାରେ, ପୂଜାରାମ ଜାଟୱଙ୍କ ୨ ବର୍ଷର ପୁଅର ସ୍ୱାସ୍ଥ୍ୟ ଅଚାନକ୍ ଖରାପ ହୋଇଥିଲା । ଆରମ୍ଭରେ ପୂଜାରାମ ନିଜ ପୁଅକୁ ଘରେ ସୁସ୍ଥ କରିବାକୁ ଚେଷ୍ଟା କରିଥିଲେ । କିନ୍ତୁ ପେଟର ଯନ୍ତ୍ରଣା ଅସହ୍ୟ ହେବାରୁ ସେ ମୁରୈନ ଜିଲ୍ଲା ମେଡିକାଲକୁ ନେଇଯାଇଥିଲେ । ପୂଜାରାମଙ୍କ ସହ ତାଙ୍କ ବଡ଼ ପୁଅ ଗୁଲସନ ମଧ୍ୟ ମେଡିକାଲ ଯାଇଥିଲେ ।
କିନ୍ତୁ ମେଡିକାଲରେ ସାନ ପୁଅ ରାଜାଙ୍କ ମୃତ୍ୟୁ ହୋଇଥିଲା । ଗରିବ ଓ ଅସହାୟ ପୂଜାରାମ ଶବକୁ ଘରକୁ ନେବା ପାଇଁ ଆମ୍ବୁଲାନ୍ସର ବ୍ୟବସ୍ଥା କରିବାକୁ ଅଧିକାରୀଙ୍କ ନିକଟରେ ଗୁହାରି କରିଥିଲେ । କିନ୍ତୁ ଗରିବ ପିତାଙ୍କ କଥା କିଏ ବା ଶୁଣିବ । ମେଡିକାଲର ଅଧିକାରୀମାନେ ଆମ୍ବୁଲାନ୍ସ ଦେବାକୁ ମନା କରିବାରୁ ବ୍ୟକ୍ତି ଜଣକ ନିଜ ପୁଅର ଶବ ସହ ବାହାରକୁ ପଳାଇ ଆସିଥିଲେ ଓ ରାସ୍ତାକଡ଼ରେ ବସିପଡ଼ିଲେ ।
ଗରିବ ପିତା ଶବକୁ ନେବା ପାଇଁ ଘରକୁ ଯିବା ପାଇଁ ନିଷ୍ପତ୍ତି ନେଇଥିଲେ । ଫଳରେ ସେ ବଡ଼ ପୁଅ ଗୁଲସନଙ୍କ ସହ ଶବକୁ ମେଡିକାଲ ଆଗରେ ଛାଡ଼ି ଘରକୁ ଯାଇଥିଲେ । ପୂଜାରାମଙ୍କ ପଡ଼ ପୁଅ ଗୁଲସନ ନିଜ ପିତାଙ୍କ ଫେରିବା ପର୍ଯ୍ୟନ୍ତ ପ୍ରାୟ ୩୦ମିନିଟ୍ ପର୍ଯ୍ୟନ୍ତ ସାନ ଭାଇର ଶବକୁ କୋଳରେ ଧରି ରାସ୍ତା କଡ଼ରେ ବସିରହିଥିଲେ । ଭିଡ଼ ଜମାଇଥିବା ଲୋକ ଅଧିକାରୀଙ୍କୁ ଏବିଷୟରେ ସୂଚନା ଦେବାକୁ ପୋଲିସ ଏକ ଆମ୍ବୁଲାନ୍ସର ବ୍ୟବସ୍ଥା କରିଥିଲା ଓ ଡ୍ରାଇଭରକୁ ପୂଜାରାମଙ୍କ ଘରକୁ ଯିବା ପାଇଁ କହିଥିଲା ।
#WATCH : झकझोर कर रख देने वाली ये तस्वीर मध्यप्रदेश, मुरैना की है। यहां 2 साल के भाई के शव को 8 साल का बच्चा करीब दो घंटे तक गोद में लेकर बैठा रहा। कारण एंबुलेंस वाले ने शव ले जाने के लिए 1500 रुपये मांगे, मगर बच्चे के पिता के पास इतने पैसे नहीं थे।@chitraaum @ranvijaylive pic.twitter.com/LUjMd7rms0
— Bishwajeet Maurya (@bishwamaurya) July 10, 2022
