ଅନ୍ତଃସତ୍ତ୍ବା ମା’ ଉପରେ ମାଡ଼ିଗଲା ଟ୍ରକ, ଗର୍ଭରୁ ବାହାରି ୫ ଫୁଟ ଦୂରରେ ପଡ଼ିଲା ଜୀବନ୍ତ ଶିଶୁ

ଫିରୋଜାବାଦ: ୯ ମାସ ଗର୍ଭବତୀ ସ୍ତ୍ରୀ ଉପରେ ମାଡ଼ିଗଲା ଟ୍ରକ। ପେଟ ଭିତରୁ ବାହାରିଗଲା ଜୀବନ୍ତ ଶିଶୁ। ଏଭଳି ହୃଦୟ ବିଦାରକ ଦୁର୍ଘଟଣା ଘଟିଛି ଉତ୍ତରପ୍ରଦେଶ ଫିରୋଜାବାଦ ନରଖୀ ଥାନା ଅଞ୍ଚଳରେ। ମୃତ ମହିଳାଙ୍କ ସ୍ୱାମୀ କାନ୍ଦି କାନ୍ଦି କହିଛନ୍ତି ‘ପତ୍ନୀ ୯ ମାସ ଗର୍ଭବତୀ ଥିଲା ସେ ଆଜି ସକାଳେ ମୋତେ ତାଙ୍କ ବାପା ଘରକୁ ନେଇଯିବାକୁ କହିଥିଲେ। ‘ମୋତେ ମୋ ଘର କଥା ବହୁତ ମାନେ ପଡୁଛି। ମୁଁ ସନ୍ତାନ ଜନ୍ମ ପରେ ୪ ମାସ ପର୍ଯ୍ୟନ୍ତ ଯାଇ ପାରିବି ନାହିଁ ବୋଲି ସେ କହିଥିଲେ।’ ମୋ ପତ୍ନୀଙ୍କ କଥା ମାନି ମୁଁ ତାଙ୍କୁ ମୋ ବାଇକରେ ନେଇ ରାତି ୯ ଟାରେ ଘରୁ ବାହାରିଗଲି।’

‘କିଛି ବାଟ ଯିବା ପରେ କାମିନି ଚା ମାଗିଥିଲେ। ଆମେ ଢାବାରେ ଚା ପିଇଥିଲୁ। ଏହା ପରେ, ସେ ୫ କିଲୋମିଟର ବାଟ ଯିବା ପରେ ଦ୍ରୁତ ଗତିରେ ଆସୁଥିବା ଏକ ଟ୍ରକ ପଛ ପଟରୁ ବାଇକକୁ ଧକ୍କା ଦେଇଥିଲା। ଧକ୍କା ହେତୁ କାମିନୀ ବାଇକରୁ ଖସିପଡିଥିଲେ ଏବଂ ଟ୍ରକ କାମିନୀଙ୍କ ଉପରେ ଚଢ଼ିଯାଇଥିଲା। ମୋ ପତ୍ନୀ ମୋ ସାମ୍ନାରେ ଯନ୍ତ୍ରଣାରେ ମରିଗଲେ ବୋଲି କାନ୍ଦି କାନ୍ଦି କାମିନୀଙ୍କ ସ୍ୱାମୀ କହିଥିଲେ। ତା ଶରୀରରେ ଆଉ କିଛି ରହିରହିନଥିଲା। ସେଠାରୁ କିଛି ଦୂରରେ ମୋ ଛୁଆ କାନ୍ଦିବାର ଦେଖିବାକୁ ମିଳିଥିଲା। ବାଟରେ ଯାଉଥିବା ଲୋକମାନେ ମୋ ପିଲାକୁ ଉଠାଇ ନେଇଥିଲେ। ସେମାନେ ତାଙ୍କୁ ଜିଲ୍ଲା ଡାକ୍ତରଖାନାକୁ ନେଇଥିଲେ। ଆମ୍ବୁଲାନ୍ସ ପହଞ୍ଚିବା ପରେ ମୁଁ ମୋ ପତ୍ନୀଙ୍କ ମୃତଦେହ ନେଇ ଡାକ୍ତରଖାନାରେ ପହଞ୍ଚିଲି।’

୩ ବର୍ଷ ହେଲା ଦୁହେଁ ବିବାହ କରିଥିଲେ। ଏହା ସେମାନଙ୍କର ପ୍ରଥମ ସନ୍ତାନ। ‘ନରଖୀ ଥାନାଧକ୍ଷ କହିଛନ୍ତି, ‘ଦୁର୍ଘଟଣା ପରେ ଡମ୍ପର ଡ୍ରାଇଭର ଘଟଣାସ୍ଥଳରୁ ପଳାଇ ଯାଇଥିଲେ। ଗାଡିଟି ଜବତ କରାଯାଇଛି। ଅଭିଯୁକ୍ତଙ୍କ ପାଇଁ ଖୋଜା ଚାଲିଛି। ମୃତଦେହକୁ ପୋଷ୍ଟମର୍ଟମ ପାଇଁ ପଠାଯାଇଛି। ଶିଶୁଟି ଏହା ସମ୍ପୂର୍ଣ୍ଣ ସୁରକ୍ଷିତ। ଶିଶୁଟିକୁ ବର୍ତ୍ତମାନ ଡାକ୍ତରଙ୍କ ତତ୍ତ୍ୱବଧାନରେ ରଖାଯାଇଛି।’