ଅର୍ପିତା ମୁଖାର୍ଜୀ କିଏ? ଯାହାଙ୍କ ଘରୁ ଇଡିକୁ ମିଳିଛି ଟଙ୍କାର ପାହାଡ଼, ଓଡ଼ିଆ ଫିଲ୍ମରେ ବି…
କୋଲକାତା: ପଶ୍ଚିମବଙ୍ଗରେ ଶିକ୍ଷକ ଭର୍ତ୍ତି ଘୋଟାଲା ମାମଲାରେ ମନ୍ତ୍ରୀ ପାର୍ଥ ଚାଟାର୍ଜୀଙ୍କ ସମେତ କିଛି ମନ୍ତ୍ରୀ, ସରକାରୀ ଅଧିକାରୀ, ଦଲାଲି ଓ ତାଙ୍କ ସମ୍ପର୍କୀୟଙ୍କ ଘରେ ରେଡ କରିଛି ପ୍ରବର୍ତ୍ତନ ନିର୍ଦ୍ଦେଶାଳୟ ବା ଇଡି । ମମତା ବାନାର୍ଜୀଙ୍କ ସରକାରରେ ଥିବା ମନ୍ତ୍ରୀ ପାର୍ଥଙ୍କ ସମ୍ପର୍କୀୟ କୁହାଯାଉଥିବା ଅର୍ପିତ ମୁଖାର୍ଜୀଙ୍କ ଘରେ ଇଡି ରେଡ କରିବାରୁ ପ୍ରାୟ ୨୦ କୋଟି ଟଙ୍କାର କ୍ୟାସ ଜବତ ହୋଇଛି । ପାର୍ଥଙ୍କ ଘରେ ମଧ୍ୟ ଶୁକ୍ରବାରଠାରୁ ଚଢ଼ାଉ ଜାରି ରହିଛି । ଏହାରି ମଧ୍ୟରେ ପ୍ରଶ୍ନ ଉଠୁଛି କି ଅର୍ପିତା ମୁଖାର୍ଜୀ କିଏ ଓ ସେ ପାର୍ଥ ଚାଟାର୍ଜୀଙ୍କ ସର୍ମ୍ପକୀୟ କିପରି ହେଲେ?
ଇଡିରେ ଚଢ଼ାଉ ପରେ ଚର୍ଚ୍ଚାକୁ ଆସିଥିବା ଅର୍ପିତା ମୁଖାର୍ଜୀ ବଙ୍ଗଳା ଫିଲ୍ମରେ କାମ କରିଛନ୍ତି । ଅବଶ୍ୟ ସେ ଫିଲ୍ମରେ ବହୁତ କମ୍ କାମ କରିଛନ୍ତି । ଅର୍ପିତା ନିଜ ଫିଲ୍ମ କ୍ୟାରିୟରରେ ଅଧିକାଂଶ ସାଇଡ ରୋଲ କରିଛନ୍ତି । ସେ ବଙ୍ଗଳା ଫିଲ୍ମ ବ୍ୟତୀତ ଓଡ଼ିଆ ଓ ତାମିଲ ଫିଲ୍ମରେ ବି କାମ କରିଛନ୍ତି ।
ଅର୍ପିତା ମୁଖାର୍ଜୀ ବଙ୍ଗଳା ଫିଲ୍ମର ସୁପରଷ୍ଟାର ପ୍ରେସେନଜିତ ଓ ଜିତର ଲିଡ ରୋଲ ଥିବା କିଛି ଫିଲ୍ମରେ ସରାଇଡ ରୋଲ କରିଛନ୍ତି । ଅର୍ପିତ ଏବେ ଇଡି ରେଡରୁ ମିଳିଥିବା ୨୦ କୋଟିକୁ ନେଇ ଚର୍ଚ୍ଚାରେ ଅଛନ୍ତି । କେନ୍ଦ୍ର ଏଜେନ୍ସି ଅନୁସାରେ, ଶିକ୍ଷା ଭର୍ତ୍ତି ଘୋଟାଲାର ଯାଞ୍ଚ ସମୟରେ ଏଥିରେ ଅର୍ପିତାଙ୍କ ସମ୍ପୃକ୍ତି ସାମ୍ନାକୁ ଆସିଥିଲା ।
ଅର୍ପିତାଙ୍କୁ ନେଇ କୁହାଯାଉଛି ଯେ, ପଶ୍ଚିମବଙ୍ଗ ସରକାରଙ୍କ ମନ୍ତ୍ରୀ ପାର୍ଥ ଚାଟାର୍ଜୀଙ୍କର ସେ ସମ୍ପର୍କୀୟ । ମମତାଙ୍କ ନେତୃତ୍ୱ ଥିବା ସରକାରରେ ଶିକ୍ଷାମନ୍ତ୍ରୀ ଅଛନ୍ତି ପାର୍ଥ ଚାଟାର୍ଜୀ । ଏବେ ପ୍ରଶ୍ନ ଉଠୁଛି କି, ବଙ୍ଗଳା ଫିଲ୍ମରେ ସାଇଡ ରୋଲରେ ଅଭିନୟ କରୁଥିବା ଅର୍ପିତା ମୁଖାର୍ଜୀ ବରିଷ୍ଠ ନେତା ଭାବେ ଜଣାଶୁଣା ପାର୍ଥ ଚାଟାର୍ଜୀଙ୍କର ସମ୍ପର୍କୀୟ କିପରି ହେଲେ?
ତେବେ ତୃଣମୂଳ କଂଗ୍ରେସର ବରିଷ୍ଠ ନେତା ଓ ବଙ୍ଗଳା ସରକାରଙ୍କ ମନ୍ତ୍ରୀ ପାର୍ଥ ଚାଟାର୍ଜୀ ଦକ୍ଷିଣ କୋଲକାତାରେ ଲୋକପ୍ରିୟ ଦୁର୍ଗା ସମିତି ନକଟଳ ଉଦୟନକୁ ପରିଚାଳନା କରୁଛନ୍ତି । ଏହା କୋଲକାତାର ସବୁଠାରୁ ବଡ଼ ଦୁର୍ଗା ସମିତିରୁ ଗୋଟିଏ । ଅର୍ପିତ ମୁଖାର୍ଜୀ ୨୦୧୯ ଓ ୨୦୨୦ରେ ପାର୍ଥ ଚାଟାର୍ଜୀଙ୍କ ଦୁର୍ଗା ପୂଜା ସମାରୋହରେ ନଜର ଆସିଥିଲେ । ଦୁର୍ଗ ପୂଜା ସମୟରେ ଜାରି କରାଯାଇଥିବା ପୋଷ୍ଟରରେ ପାର୍ଥଙ୍କ ନାମ ସଂଘର ଅଧ୍ୟକ୍ଷ ଭାବରେ ଲେଖାଯାଇଥିଲା । ଅନ୍ୟପଟେ ଟିମସି ସଫେଇ ଦେଇଛି କି, ଟଙ୍କା ସହ ଦଳର କୌଣସି ସମ୍ପୃକ୍ତି ନାହିଁ । ଘଟଣାକୁ ନେଇ ଇଡି ଖୋଳତାଡ଼ ଜାରି ରଖିଛି ।
