ଶସ୍ତା ସୁନା କିଣିବାର ଶେଷ ସୁଯୋଗ: ୧୦ ଗ୍ରାମରେ ୨୧୮୬ ଟଙ୍କାର ଫାଇଦା ଦେଉଛନ୍ତି ମୋଦୀ ସରକାର
ନୂଆଦିଲ୍ଲୀ: ମୋଦୀ ସରକାରଙ୍କଠାରୁ ଶସ୍ତା ସୁନା କିଣିବାର ଆଜି ହେଉଛି ଶେଷ ସୁଯୋଗ । ସାବଭୌମ ଗୋଲ୍ଟ ବଣ୍ଡ (ଏସଜିବି) ରେ ଆଜି ଆପଣ ୧୦ ଗ୍ରାମ ପିଛା ଗୁରୁବାର ୫୨୦୯୪ ଟଙ୍କା ମୂଲ୍ୟରେ ବନ୍ଦ ହୋଇଥିବା ସୁନାକୁ ୫୧୪୭୦ ଟଙ୍କାରେ କିଣିପାରିବେ । ଯଦି ଆପଣ ଗୋଟିଏ ଗ୍ରାମ ସୁନା ନେବାକୁ ଚାହୁଁଛନ୍ତି, ତେବେ ଆପଣଙ୍କୁ ୫,୧୪୭ ଟଙ୍କା ଦେବାକୁ ପଡିବ । ତେବେ ରିଜର୍ଭ ବ୍ୟାଙ୍କ ଅଫ୍ ଇଣ୍ଡିଆ (ଆରବିଆଇ) ଅନୁଯାୟୀ, ସାର୍ବଭୌମମ ଗୋଲ୍ଡ ବଣ୍ଡର ଦ୍ୱିତୀୟ ସିରିଜ୍ ଅନ୍ତର୍ଗତ ବଣ୍ଡର ଇସୁ ମୂଲ୍ୟ (ସୁନା ମୂଲ୍ୟ) ୟୁନିଟ୍ ପିଛା ୫,୧୯୭ ଟଙ୍କା ସ୍ଥିର କରାଯାଇଛି । ଆସନ୍ତୁ ଜାଣିବା କିପରି ୬୨୪ ଟଙ୍କା ତୁରନ୍ତ ଲାଭ ପାଇବେ …
ଯଦି ଆପଣ ଅନଲାଇନରେ ନିବେଶ କରନ୍ତି ଏବଂ ସାର୍ବଭୌମ ଗୋଲ୍ଡ ବଣ୍ଡ ପାଇଁ ଅନଲାଇନରେ ଦେୟ ଦିଅନ୍ତି, ତେବେ ଆପଣଙ୍କୁ ସୁନା ମୂଲ୍ୟରେ ଗ୍ରାମ ପିଛା ୫୦ ଟଙ୍କା ରିହାତି ଦିଆଯିବ । ଅର୍ଥାତ୍ ସରକାର ୧୦ ଗ୍ରାମ ଉପରେ ୫୦୦ ଟଙ୍କା ରିହାତି ଦେଉଛନ୍ତି ଏବଂ ଗୁରୁବାର ବନ୍ଦ ହାର ତୁଳନାରେ ବଣ୍ଡ ହାର ୧୨୪ ଟଙ୍କା କମ୍ ରହିଛି । ଏହି ଉପାୟରେ, ଆପଣ ୬୨୪ ଟଙ୍କା ଲାଭ କରୁଛନ୍ତି ଏବଂ ଯଦି ଆପଣ ସର୍ରାଫା ବଜାରରୁ ସୁନା କିଣିବାରେ ୩ ପ୍ରତିଶତ ଜିଏସ୍ଟି ଯୋଗ କରନ୍ତି, ତେବେ ଆପଣ ମୋଦୀ ସରକାରଙ୍କ ସୁନା ୨୧୮୬ ପାଇବେ ।
ସାର୍ବଭୌମ ଗୋଲ୍ଡ ବଣ୍ଡ ସ୍କିମର ଦ୍ୱିତୀୟ ସିରିଜ୍ ୨୨ ଅଗଷ୍ଟରୁ ଆରମ୍ଭ ହୋଇଥିଲା ଏବଂ ଆଜି ଅର୍ଥାତ୍ ୨୬ ଅଗଷ୍ଟ ହେଉଛି ଶେଷ ଦିନ । ଆରବିଆଇର ପ୍ରଥମ ସିରିଜ୍ ଚଳିତ ବର୍ଷ ଜୁନ୍ ୨୦ ରୁ ୨୪ ଜୁନ୍ ମଧ୍ୟରେ ଆରମ୍ଭ ହୋଇଥିଲା ।
ସାବଭୌମ ଗୋଲ୍ଡ ବଣ୍ଡ କ’ଣ?
ଏହା ଏକ ସରକାରୀ ବଣ୍ଡ । ଯଦି ଆପଣ ଅନଲାଇନ୍ ଦେଇ ସୁନା କିଣୁଛନ୍ତି, ତେବେ ଆପଣ ଗ୍ରାମ ପିଛା ୫୦ ଟଙ୍କା ରିହାତି ପାଇବେ ।୨୦୨୨-୨୩ ବର୍ଷ ପାଇଁ ଏମଜିବିଏସର ଏହା ହେଉଛି ଦ୍ୱିତୀୟ ସିରିଜ୍ । ସୋଭରେନ ଗୋଲ୍ଡ ବଣ୍ଡରେ ସରକାର ନିବେଶକମାନଙ୍କୁ ଫିଜିକାଲ ସୁନା ଦିଅନ୍ତି ନାହିଁ, ବରଂ ସୁନାରେ ଟଙ୍କା ନିବେଶ କରିବାର ସୁଯୋଗ ଦିଅନ୍ତି । ଏଥିରେ ଜଣେ ବ୍ୟକ୍ତି ଆର୍ଥିକ ବର୍ଷରେ ଗୋଟିଏ ଗ୍ରାମରୁ ଚାରି କିଲୋଗ୍ରାମ ପର୍ଯ୍ୟନ୍ତ ସୁନା କିଣି ପାରିବେ । ଯଦି ଆମେ ରିଟର୍ନ ବିଷୟରେ କହିବା, ତେବେ ଗତ ଏକ ବର୍ଷ ମଧ୍ୟରେ ସୁନା ଏହାର ନିବେଶକମାନଙ୍କୁ ୭.୩୭ ପ୍ରତିଶତ ଲାଭ ଦେଇଛି ।
କିଏ ବିନିଯୋଗ କରିପାରିବେ?
ନଭେମ୍ବର ୨୦୧୫ ରେ ସୋଭରେନ ଗୋଲ୍ଡ ବଣ୍ଡ ଯୋଜନା ଆରମ୍ଭ କରାଯାଇଥିଲା । ଆରବିଆଇ ସରକାରଙ୍କ ତରଫରୁ ଏହି ବଣ୍ଡ ଜାରି କରାଯାଉଛି । ଏହି ବଣ୍ଡଗୁଡିକ ବାସିନ୍ଦା ବ୍ୟକ୍ତିଗତ, ଅବିଭାଜିତ ହିନ୍ଦୁ ପରିବାର (ଏଚୟୁଏଫ୍), ଟ୍ରଷ୍ଟ, ବିଶ୍ୱବିଦ୍ୟାଳୟ ଏବଂ ଦାନକାରୀ ଅନୁଷ୍ଠାନ ଦ୍ୱାରା କିଣାଯାଇପାରିବ । ସୋଭରେନ ଗୋଲ୍ଡ ବଣ୍ଡ ଯୋଜନାରେ ଜଣେ ବ୍ୟକ୍ତି ଆର୍ଥିକ ବର୍ଷରେ ସର୍ବାଧିକ ୪ କିଲୋଗ୍ରାମ ସୁନା ବଣ୍ଡ କିଣି ପାରିବେ । ସର୍ବନିମ୍ନ ନିବେଶ ହେଉଛି ଏକ ଗ୍ରାମ । ସେହିପରି ଟ୍ରଷ୍ଟ କିମ୍ବା ସମାନ ସଂସ୍ଥା ୨୦ କିଲୋଗ୍ରାମ ପର୍ଯ୍ୟନ୍ତ ବଣ୍ଡ କିଣି ପାରିବେ ।
ଏହି ବଣ୍ଡଗୁଡିକ ସମସ୍ତ ବ୍ୟାଙ୍କ, ଷ୍ଟକ ହୋଲ୍ଡିଂ କର୍ପୋରେସନ ଅଫ ଇଣ୍ଡିଆ ଲିମିଟେଡ ବା ଏସଏଚସିଆରଏଲ, ଡାକଘର ବା ମାନ୍ୟତାପ୍ରାପ୍ତ ଷ୍ଟକ୍ ଏକ୍ସଚେଞ୍ଜ, ଏନଏସଇ ଓ ବିଏସଇ ମାଧ୍ୟମାରେ ବିକ୍ରି ହେବ । ଏହା ସହ ବଣ୍ଡର ଅବଧି ୮ ବର୍ଷ ରହିବ । ଆବେଦନ ଅତି କମରେ ୧ ଗ୍ରାମ ଓ ତାର ମଲଟିପଲରେ ଜାରି ହେବ । ବଣ୍ଡର ପ୍ରାଇସ୍ ଇଣ୍ଡିଆନ୍ ବୁଲିୟନ ଏବଂ ଜୁଏଲର୍ସ ଆସୋସିଏସନ୍ ନେଇଛି । ଆଇବିଜେଏ ଦ୍ୱାରା ୯୯୯ ଶୁଦ୍ଧତା ସୁନାକୁ କ୍ଲୋଜିଙ୍ଗ ମୂଲ୍ୟ ଆଧାରରେ ସ୍ଥିର କରାଯାଇଛି । ଯଦି ଗ୍ରାହକମାନେ ଏଥିରେ ନିବେଶ କରିବାକୁ ଚାହୁଁଛନ୍ତି, ତେବେ http://onlinesbi.com ୱେବସାଇଟକୁ ଯାଆନ୍ତୁ ।
