୧୭,୦୦୦ ନଡ଼ିଆ ପ୍ରସ୍ତୁତ ଇକୋ-ଫ୍ରେଣ୍ଡଲି ଗଣେଶ ପ୍ରତିମା, ଦେଖିବାକୁ ଜମୁଛି ଭକ୍ତଙ୍କ ଭିଡ଼
ହାଇଦ୍ରାବାଦ: ଗଣେଶ ପୂଜା ଉତ୍ସବକୁ ଟିକିଏ ନିଆରା କରିବାକୁ ହାଇଦ୍ରାବାଦର ଲୋକମାନେ ୧୭,୦୦୦ ନଡ଼ିଆ ବ୍ୟବହାର କରି ଏକ ପରିବେଶ ଅନୁକୂଳ ଗଣେଶ ପ୍ରତିମା ତିଆରି କରିଛନ୍ତି। କେରଳର ଜଣେ କଳାକାର ନଡ଼ିଆରେ ନିର୍ମିତ ଗଣେଶ ମୂର୍ତ୍ତିକୁ ପ୍ରସ୍ତୁତ କରିଛନ୍ତି। “ନଡ଼ିଆରେ ନିର୍ମିତ ଗଣେଶ ପ୍ରକୃତରେ ହାଇଦ୍ରାବାଦବାସୀଙ୍କୁ ଆକୃଷ୍ଟ କରୁଛି। ଆମ ଚାରିପାଖରେ ଏକ ସୁରକ୍ଷିତ ପରିବେଶ ରହିବା ପାଇଁ ଆମ ସମସ୍ତଙ୍କ ପାଇଁ ଇକୋ-ଫ୍ରେଣ୍ଡଲି ପ୍ରତିମା କ୍ରୟ କରିବା ଜରୁରୀ ବୋଲି ପୂଜା ମଣ୍ଡପ ପକ୍ଷରୁ କୁହାଯାଇଛି।
“ଲୋକଙ୍କ ମଧ୍ୟରେ ନଡ଼ିଆ ସହିତ ବିଭିନ୍ନ ଭାବନା ସହିତ ଜଡିତ। ଅନେକ ସମୟରେ ଶୁଭ କାର୍ଯ୍ୟରେ ନଡ଼ିଆ ବ୍ୟବହାର କରାଯାଏ। ଏହାକୁ ଦୃଷ୍ଟିରେ ରଖି ଆମେ ପ୍ରଭୁ ଗଣେଶଙ୍କୁ ନଡ଼ିଆ ମୂର୍ତ୍ତି କରିଛୁ। ଆମେ ୧୭,୦୦୦ ନଡ଼ିଆ ବ୍ୟବହାର କରି ଏହି ଗଣେଶ ତିଆରି କରିଛୁ ଏବଂ ଏହାକୁ ସମ୍ପୂର୍ଣ୍ଣ କରିବାକୁ ୮ ଦିନ ସମୟ ଲାଗିଛି ବୋଲି ପ୍ରସ୍ତୁତକର୍ତାଙ୍କ ପକ୍ଷରୁ କୁହାଯାଇଛି।
ଜଣେ ସ୍ଥାନୀୟ ବାସିନ୍ଦା ଅନୁପ କହିଛନ୍ତି ଯେ ସହର ପ୍ରତିବର୍ଷ ପରିବେଶ ଅନୁକୂଳ ଗଣେଶ ପ୍ରତିମାକୁ ପ୍ରୋତ୍ସାହିତ କରିଥାଏ ଏବଂ ଅନ୍ୟ ସ୍ଥାନରୁ ପର୍ଯ୍ୟଟକମାନେ ଏହି ପ୍ରତିମା ଦେଖିବା ପାଇଁ ଏଠାକୁ ଆସିଥାନ୍ତି। ଚଳିତ ବର୍ଷ ମଧ୍ୟ ସମାନ ଭାବରେ ପରିବେଶ ଅନୁକୂଳ ମୂର୍ତି ନିର୍ମାଣ ହୋଇଛି।
