ଭାରତରେ ଆଗାମୀ ବର୍ଷରେ ଏତିକି ହାରରେ ବଢିବ ଦରମା, ଜାଣନ୍ତୁ କ’ଣ କହୁଛି ସର୍ଭେ

ନୂଆଦିଲ୍ଲୀ: କରୋନା ମହାମାରୀ ଏବଂ ଋଷ-ୟୁକ୍ରେନ୍ ମଧ୍ୟରେ ଜାରି ରହିଥିବା ଯୁଦ୍ଧ ପ୍ରଭାବରେ ବିଶ୍ୱ ବଜାରରେ ଅହେତୁକ ଭାବେ ନିତ୍ୟ ବ୍ୟବହାର୍ଯ୍ୟ ଜିନିଷର ଦରଦାମ୍ ଆକାଶଛୁଆଁ ରହିଛି। ଏହାରି ମଧ୍ୟରେ ଏକ ସଦ୍ୟତମ ସର୍ଭେରୁ ଜଣାପଡ଼ିଛି ଯେ, ୨୦୨୩ ବର୍ଷର ଦ୍ୱିତୀୟାର୍ଦ୍ଧରେ ବିଶ୍ୱର ପ୍ରାୟ ୩୭% ଦେଶ ଦରମା ବୃଦ୍ଧି କରିବେ ବୋଲି ଆଶା କରାଯାଉଛି। ର୍କଫୋର୍ସ କନସଲଟାନ୍ସି ECA ଇଣ୍ଟରନାସନାଲ ଅନୁସାରେ ଜାରି ରହିଥିବା ମୁଦ୍ରାସ୍ପିତି ଦ୍ୱାରା ଇଉରୋପୀୟ ଦେଶ ଗୁଡ଼ିକ ସର୍ବାଧିକ ପ୍ରଭାବିତ ହୋଇଛନ୍ତି। ଯେଉଁଠାରେ ମଜୁରୀ ବୃଦ୍ଧି ମୁଦ୍ରାସ୍ପିତି ହାରରେ ୧.୫% ବୃଦ୍ଧି ପାଇଛି।

ବର୍ଷ ୨୦୦୦ ପରେ ଆରମ୍ଭ ହୋଇଥିବା ସର୍ଭେ ପରଠୁ ବ୍ରିଟେନର କର୍ମଚାରୀମାନେ ସର୍ବାଧିକ କ୍ଷତି ସହିଥିଲେ। ବ୍ରିଟେନରେ, ହାରାହାରି ନାମମାତ୍ର ମଜୁରୀ ୩.୫। ୩.୫% ବୃଦ୍ଧି ସତ୍ତ୍ୱେ ମୁଦ୍ରାସ୍ଫୀତି ୯.୧% ରେ ପ୍ରକୃତ ମଜୁରୀ ସ୍ତର ୫.୬% ହ୍ରାସକୁ ପାଇଛି। ତେବେ ଆକଳନ ଅନୁଯାୟୀ ୨୦୨୩ ମସିହାରେ, ବ୍ରିଟେନର ନିଯୁକ୍ତ ଲୋକଙ୍କ ଦରମା ଆଉ ୪% ହ୍ରାସ ହୋଇପାରେ। ଅନ୍ୟପଟରେ ସର୍ବେକ୍ଷଣ ଅନୁଯାୟୀ, ଚଳିତ ବର୍ଷ ମୁଦ୍ରାସ୍ଫୀତି ହ୍ରାସ ତୁଳନାରେ ଆମେରିକାରେ ୪.୫% ହ୍ରାସ ଘଟିବ ବୋଲି ଆଶା କରାଯାଉଛି।

ଏଥି ସହିତ ବେତନ ବୃଦ୍ଧି ସହିତ ୮ ଟି ଏସୀୟ ଦେଶ ଶ୍ରେଷ୍ଠ ୧୦ ଦେଶ ତାଲିକାରେ ସ୍ଥାନ ପାଇଛନ୍ତି। ଏଥିରେ ପ୍ରଥମ ସ୍ଥାନ ଭାରତର ରହିଛି। ୪.୦% ବେତନ ବୃଦ୍ଧି ସହିତ ଭିଏତନାମ ଦ୍ୱିତୀୟ ଏବଂ ୩.୮% ବେତନ ବୃଦ୍ଧି ସହିତ ଚାଇନା ତୃତୀୟ ସ୍ଥାନରେ ରହିଛି। ଏହା ପରେ ବ୍ରାଜିଲ (୩.୪%), ସାଉଦି ଆରବ (୨.୩%) ରହିଛନ୍ତି। ଏସିଆ ଇଣ୍ଟରନ୍ୟାସନାଲ୍ ର ଆଞ୍ଚଳିକ ନିର୍ଦ୍ଦେଶକ ଲି କ୍ୱାନ୍ କହିଛନ୍ତି ଯେ ୨୦୨୩ ମସିହାରେ ବିବିଶ୍ଵବ୍ୟାପୀ ଶ୍ରମିକମାନଙ୍କ ପାଇଁ ଆମର ସର୍ଭେ ଆଉ ଏକ କଷ୍ଟକର ବର୍ଷକୁ ସୂଚିତ କରିଛି। ସର୍ବେକ୍ଷଣ କରାଯାଇଥିବା ଦେଶମାନଙ୍କ ମଧ୍ୟରୁ କେବଳ ଏକ ତୃତୀୟାଂଶ ପ୍ରକୃତ ମଜୁରୀ ବୃଦ୍ଧି ହେବାର ଆଶା କରାଯାଉଛି। ଯଦିଓ ଏହା ବର୍ଷ ୨୦୨୨ ଠାରୁ ଅଧିକ ରହିବ। ତେବେ ECA ର ଦରମା ସର୍ଭେ ୬୮ ଦେଶ ଏବଂ ସହରରେ ୩୬୦ ରୁ ଅଧିକ MNC ରୁ ସଂଗୃହିତ ସୂଚନା ଉପରେ ଆଧାରିତ ବୋଲି ରିପୋର୍ଟରେ ଉଲ୍ଲେଖ ରହିଛି।