ତ୍ରୁଟି ସ୍ୱୀକାର କଲେ ଉତ୍ତରାଖଣ୍ଡ ସରକାର : ପତଞ୍ଜଳିର ୫ଟି ମେଡିସିନ୍ ଉପରେ ଲାଗିଥିବା ପ୍ରତିବନ୍ଧକ ପ୍ରତ୍ୟାହାର

ଡେରାଡୁନ୍: ୩୦ ବର୍ଷର ନିରନ୍ତର ପ୍ରୟାସ ଏବଂ ଅନୁସନ୍ଧାନ ମାଧ୍ୟମରେ, ପତଞ୍ଜଳି ଅନୁଷ୍ଠାନଗୁଡ଼ିକ ବିଶ୍ୱରେ ପ୍ରଥମ ଥର ପାଇଁ ଅନୁସନ୍ଧାନ ଏବଂ ପ୍ରମାଣ ଭିତ୍ତିକ ମେଡିସିନ୍ ପ୍ରସ୍ତୁତ କରିଛନ୍ତି ଯାହାକୁ ଆୟୁର୍ବେଦିକ ଚିକିତ୍ସା ଭାବେ ଗ୍ରହଣ କରାଯାଇଛି । ଆମ ଦେଶର ପ୍ରାଚୀନ ଐତିହ୍ୟକୁ ଉଜ୍ଜୀବିତ ତଥା ଗର୍ବିତ କରିବା ପାଇଁ ପ୍ରଧାନମନ୍ତ୍ରୀ ନିରନ୍ତର ଉଦ୍ୟମ ଜାରି ରଖିଛନ୍ତି । ଦୁର୍ଭାଗ୍ୟବଶତଃ ଉତ୍ତରାଖଣ୍ଡର ଆୟୁର୍ବେଦ ଲାଇସେନ୍ସ ଅଧିକାରୀଙ୍କ କିଛି ଅଜ୍ଞ, ଅସମ୍ବେଦନଶୀଳ ତଥା ଅଯୋଗ୍ୟ ଅଧିକାରୀ ଆୟୁର୍ବେଦର ସମ୍ପୂର୍ଣ୍ଣ ବୈଦିକ ପରମ୍ପରାକୁ କଳଙ୍କିତ କରିବାକୁ ଚେଷ୍ଟା କରିଛନ୍ତି । ଜଣେ ଅଧିକାରୀଙ୍କ ଏଭଳି ତ୍ରୁଟି, ଆୟୁର୍ବେଦର ପରମ୍ପରା ଏବଂ ପ୍ରାମାଣିକ ଅନୁସନ୍ଧାନ ଉପରେ ପ୍ରଶ୍ନଚିହ୍ନ ଲଗାଇବା ତଥା ଉଦ୍ଦେଶ୍ୟମୂଳକ ଭାବେ ପତଞ୍ଜଳିଙ୍କୁ ବଦନାମ କରିବା ପାଇଁ ଏକ ନିନ୍ଦନୀୟ କାର୍ଯ୍ୟ କରାଯାଇଥିଲା ।

ଯୋଗ-ଆୟୁର୍ବେଦ ଏବଂ ଭାରତୀୟ ପରମ୍ପରାକୁ ଦୃଢ଼ ବିରୋଧ କରୁଥିବା ଲୋକମାନେ ଏଭଳି ଷଡଯନ୍ତ୍ର ଏବଂ ଅଭିଯୋଗ ଜାରି ରଖିଛନ୍ତି । ବୈଜ୍ଞାନିକ ଭାବରେ ଅନୁସନ୍ଧାନ କରାଯାଇଥିବା ତଥ୍ୟ ଏବଂ ପ୍ରମାଣ ସହିତ ଏହି ଷଡଯନ୍ତ୍ର ଏବଂ ଅଭିଯୋଗକୁ ପ୍ରତିହତ କରି ଆୟୁର୍ବେଦକୁ ଆଗକୁ ନେବା ଆମର କର୍ତ୍ତବ୍ୟ । ଏହା ଅତ୍ୟନ୍ତ ଦୁର୍ଭାଗ୍ୟଜନକ ଏବଂ ଦୁଃଖର ବିଷୟ ଯେ ଯେଉଁ ବିଭାଗର କେନ୍ଦ୍ରୀୟ କାର୍ଯ୍ୟ ଆୟୁର୍ବେଦକୁ ଜାତୀୟ ଚିକିତ୍ସା ପ୍ରଣାଳୀ ଭାବରେ ପ୍ରତିଷ୍ଠା କରିବାର ଥିଲା ତାହା ଆୟୁର୍ବେଦକୁ ବଦନାମ କରିବାରେ ନିୟୋଜିତ ଥିଲା । ଏଭଳି ନିନ୍ଦନୀୟ କାର୍ଯ୍ୟକୁ ଆମେ କଦାପି ଗ୍ରହଣ କରିପାରିବୁ ନାହିଁ । ଆୟୁର୍ବେଦ ଏବଂ ଯୋଗ କ୍ଷେତ୍ରରେ ସର୍ବାଧିକ ସଂଖ୍ୟକ ଗବେଷଣା କାଗଜ ପ୍ରକାଶିତ ହେବା ପାଇଁ ପତଞ୍ଜଳି ହେଉଛି ବିଶ୍ୱର ଅଗ୍ରଣୀ ସଂଗଠନ । ଆୟୁର୍ବେଦକୁ ବଦ୍ନାମ କରିବାର ଏଭଳି ଅବିବେକୀ କାର୍ଯ୍ୟକୁ ବିଶେଷ ଧ୍ୟାନ ଦେଇ ଉତ୍ତରାଖଣ୍ଡ ସରକାର ଯେଭଳି ତ୍ରୁଟି ସୁଧାର କରିଛନ୍ତି ସେଥିାଇଁ ସରକାରଙ୍କ ପ୍ରତି ପତଞ୍ଜଳି କୃତଜ୍ଞତା ଜଣାଇଛି ।