ଆସିଲା ଖୁସି ଖବର, ୧୫୧ ଟଙ୍କାରେ ଡାଟା ସହ ଡିଜନୀ+ ହଟଷ୍ଟାର

ଟେଲିକମ କମ୍ପାନୀ ଭୋଡ଼ାଫୋନ ଇଣ୍ଡିଆ ୟୁଜର୍ସ ମାନଙ୍କୁ ବହୁ ଗୁଡ଼ିଏ ପ୍ରିପେଡ଼ ପ୍ଲାନ ଅଫର କରୁଛି । ଏଥି ମଧ୍ୟରୁ ଅନ୍ୟତମ ହେଉଛି ଭୋଡାଫୋନ- ଆଇଡିଆର ୧୫୧ ଟଙ୍କା ରିଚାର୍ଜ ପ୍ଲାନ । ଏହି ଡାଟା ପ୍ୟାକ ସେହିମାନଙ୍କ ପାଇଁ ଲାଭ ଦାୟକ ଯେଉଁମାନେ କମ ଟଙ୍କାରେ ଡାଟା ଏବଂ ଏଣ୍ଟରଟେନମେଣ୍ଟ ଚାହୁଁଥିବେ । ଏହି ପ୍ୟାକରେ ୩୦ଦିନ ଭ୍ୟାଲିଡିଟି ରହିବା ସହ ଇଣ୍ଟରନେଟ ବ୍ୟବହାର ପାଇଁ ୮ଜିବି ଡାଟା ମିଳୁଛି । ସବୁଠାରୁ ଖୁସି ଖବର ହେଉଛି ଏଥିରେ ୩ ମାସ ପାଇଁ ଡିଜନୀ+ ହଟଷ୍ଟାର ଫ୍ରି ରହୁଛି ।

ଏହି ଅଫରକୁ କମ୍ପାନୀ ମାତ୍ର ୧୪ ଦିନ ପାଇଁ ଦେଉଛି । ଏହି ପ୍ଲାନରେ ଆପଣଙ୍କୁ ଇଣ୍ଟରନେଟ ୟୁଜ କରିବା ପଇଁ ୪ଜିବି ଦିଆଯିବ । ୨୮ ଦିନ ପର୍ଯ୍ୟନ୍ତ ଆପଣ ସୋନୀ ଲାଇଭ ମଧ୍ୟ ଦେଖିପାରିବେ । ଭୋଡାଫୋନ-ଆଇଡିଆ ୬୯୮ ଟଙ୍କାରେ ସୋନି ଲାଇଭର ଫ୍ରି ସବସ୍କ୍ରିପସନ ଦେଉଛି । ଯାହା ଏକ ବର୍ଷ ପର୍ଯ୍ୟନ୍ତ ଚାଲୁ ରହୁଛି । ଏଥିରେ ଆପଣଙ୍କୁ ୧୦ ଜିବି ଡାଟା ସହ ୨୮୯ ଦିନ ଭ୍ୟାଲିଡିଟି ରହିବ ।

ଭୋଡାଫୋନ-ଆଇଡିଆ ପୋର୍ଟଫୋଲିଓରେ ୧୯ଟଙ୍କା, ୨୯ଟଙ୍କା ଏବଂ ୩୯ଟଙ୍କାର ମଧ୍ୟ ଡାଟା ପ୍ୟାକ ରହିଛି । ୧୯ଟଙ୍କା ପ୍ଲାନରେ କମ୍ପାନୀ ୨୪ଘଣ୍ଟା ଫ୍ରି ଦେବା ସହ ୧ଜିବି ଡାଟା ଦେଉଛି । ୨୯ଟଙ୍କା ପ୍ଲାନରେ ଆପଣଙ୍କୁ ୨ଦିନ ଭ୍ୟାଲିଡିଟି ଦେବା ସହ ୨ଜିବି ଡ଼ାଟା ଦେଉଛି । ସେହିପରି ୩୯ ଟଙ୍କା ପ୍ଲାନରେ ୭ଦିନର ଭ୍ୟାଲିଡିଟି ସହ ୩ଜିବି ଡାଟା ଅଫର ଦେଉଛି ।