NDTVରୁ ଇସ୍ତଫା ଦେଲେ ରବିଶ କୁମାର, ପୂର୍ବରୁ ପ୍ରଣୟ-ରାଧିକା ରାୟ ବୋର୍ଡ ଛାଡିଥିଲେ

ନୂଆଦିଲ୍ଲୀ: ଏନଡିଟିଭି’ରୁ ଇସ୍ତଫା ଦେବା ପ୍ରକ୍ରିୟା ଜାରି ରହିଛି। ଗତକାଲି ପ୍ରଣୟ ରାୟ ଏବଂ ତାଙ୍କ ପତ୍ନୀ ମିଡିଆ ହାଉସକୁ ବିଦାୟ ଦେଇଥିଲେ। ଏହାପରେ ଚ୍ୟାନେଲର ବରିଷ୍ଠ ସାମ୍ବାଦିକ ରବିଶ କୁମାର ଆଜି ଇସ୍ତଫା ଦେଇଛନ୍ତି। ଚ୍ୟାନେଲର ଫ୍ଲାଗସିପ୍ ସୋ ‘ହମ୍ ଲୋଗ୍, ରବିଶ୍ କି ରିପୋର୍ଟ, ଦେଶ କି ବାତ ଏବଂ ପ୍ରାଇମ୍ ଟାଇମ୍’ ସହିତ କୁମାର ଅନେକ କାର୍ଯ୍ୟକ୍ରମ ଆୟୋଜନ କରୁଥିଲେ।

ରବିଶ କୁମାରଙ୍କ ଇସ୍ତଫା ଘୋଷଣା କରି ଚ୍ୟାନେଲ ଏକ ମେଲ ପଠାଇ କହିଛି ଯେ, ତାଙ୍କ ଇସ୍ତଫା ତୁରନ୍ତ କାର୍ଯ୍ୟକାରୀ ହେବ। ଏହାର ଅର୍ଥ ବର୍ତ୍ତମାନ ରବିଶ କୁମାରଙ୍କୁ ଏନଡିଟିଭି ପାଇଁ ଶୋ ‘କରୁଥିବା ଦେଖିବାକୁ ମିଳିବ ନାହିଁ।’ ତାଙ୍କ ସାମ୍ବାଦିକତା ପାଇଁ ରବିଶ କୁମାରଙ୍କୁ ଦୁଇଥର ରାମନାଥ ଗୋଏଙ୍କା ଉତ୍କର୍ଷତା ଏବଂ ୨୦୧୯ ରେ ରାମନ୍ ମ୍ୟାଗ୍ସାଇ ପୁରସ୍କାର ପ୍ରଦାନ କରାଯାଇଛି।