Video; ରାସ୍ତା ସଫା କରୁଥିଲେ ବ୍ୟକ୍ତି, ହଠାତ୍ ପଛପଟୁ ଟେକି ଫୋପାଡ଼ିଦେଲା ଷଣ୍ଢ
ନୂଆଦିଲ୍ଲୀ: ପ୍ରତ୍ୟେକ ଦିନ ସୋସିଆଲ ମିଡିଆରେ ପଶୁ ପକ୍ଷୀଙ୍କ ଲଢେଇ ଏବଂ ମଣିଷ ଉପରେ ସେମାନଙ୍କ ଆକ୍ରମଣର ଅନେକ ଭିଡିଓ ଦେଖିବାକୁ ମିଳେ । ବେଳେବେଳେ, ଏପରି କିଛି ଭିଡିଓ ଅଛି ଯାହା ଆମର ହୋସ ଉଡ଼େଇ ଦିଏ । ଏପରି ଏକ ଭିଡିଓ ବର୍ତ୍ତମାନ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି, ଯେଉଁଥିରେ ଏକ ଷଣ୍ଢ ଜଣଙ୍କୁ ଏପରି ଆକ୍ରମଣ କରିଥିଲା ଯେ ଏହାକୁ ଦେଖିବା ପରେ ଆପଣ ମଧ୍ୟ ଦୂରରୁ ଷଣ୍ଢକୁ ଦେଖିଲେ ଭୟଭୀତ ହୋଇଯିବେ ।
ଭାଇରାଲ ହେଉଥିବା ଏହି ଭିଡିଓରେ ଆପଣ ଦେଖିପାରିବେ ଯେ ଜଣେ ବ୍ୟକ୍ତି ରାସ୍ତା କଡ଼ରେ ପଡ଼ିଥିବା ଅଳିଆ ସଫା କରୁଛନ୍ତି । କିଛି ଦୂରରେ, ଏକ ଷଣ୍ଢ ରାସ୍ତାରେ ଧୀରେ ଧୀରେ ଆସୁଛି । କିଛି ସମୟ ପରେ, ଷଣ୍ଢଟି ଆସି ସେହି ବ୍ୟକ୍ତିଙ୍କ ପଛରେ ଠିଆ ହୋଇ ହଠାତ୍ ସେହି ବ୍ୟକ୍ତିଙ୍କୁ ଶିଙ୍ଗ ସାହାଯ୍ୟରେ ଉଠାଇ ଫୋପାଡି ଦେଇଛି । ଏପରି ଭାବେ ଫୋପାଡିଛି ଯେ ବ୍ୟକ୍ତି ଜଣଙ୍କ ଅଳିଆ ଆବର୍ଜନାରେ ପଡ଼ିଯାଇଛନ୍ତି । ଆପଣ ଭିଡିଓ ଦେଖି ଅନୁମାନ କରିପାରିବେ ଯେ ସେହି ବ୍ୟକ୍ତି ନିଶ୍ଚିତ ଭାବରେ ବହୁତ ଆଘାତ ପାଇଥିବେ ।
Whoa what's wrong with him? pic.twitter.com/mbJkRAqtAE
— Figen (@TheFigen_) December 19, 2022
ଏହି ଭିଡିଓ ଟ୍ୱିଟରରେ “ଦ ଫିଜେନ’ ନାମକ ଏକ ଆକାଉଣ୍ଟରୁ ସେୟାର କରାଯାଇଛି । ଏହି ଭିଡିଓକୁ ଏପର୍ଯ୍ୟନ୍ତ ୩ ଲକ୍ଷରୁ ଅଧିକ ଥର ଦେଖାଯାଇଛି । ଏହି ଭିଡିଓ ଦେଖିବାକୁ ସମସ୍ତେ ଡରି ଯାଇଛନ୍ତି । ଲୋକମାନେ ଭିଡିଓରେ ସେମାନଙ୍କର କମେଣ୍ଟ ମଧ୍ୟ ଦେଇଛନ୍ତି ।
