ନୌସେନାରେ ବାହାରିଲା ନିଯୁକ୍ତିର ସୁଯୋଗ ,ଏସସି / ଏସଟି ପ୍ରାର୍ଥୀଙ୍କ ପାଇଁ ଶୁଳ୍କ ଛାଡ଼
ନୂଆଦିଲ୍ଲୀ :ଆସିଷ୍ଟାଣ୍ଟ କମାଣ୍ଡାଣ୍ଟ ବ୍ୟାଚ୍ ନିଯୁକ୍ତି ପାଇଁ ଇଣ୍ଡିଆନ୍ କୋଷ୍ଟଗାର୍ଡ (ଆଇସିଜି) ଅନଲାଇନ୍ ଆବେଦନ ପ୍ରକ୍ରିୟା ଆରମ୍ଭ କରିଛି। ଯୋଗ୍ୟ ପ୍ରାର୍ଥୀମାନେ ୯ ଫେବୃଆରୀ ୨୦୨୩ ପର୍ଯ୍ୟନ୍ତ ଆବେଦନ କରିପାରିବେ। ଏଠି ପାଇଁ ତାଙ୍କୁ joinindiancoastguard.cdac.in ପୋର୍ଟାଲରେ ଅନଲାଇନରେ ଆବେଦନ କରିବାକୁ ପଡିବ । ଇଣ୍ଡିଆନ୍ କୋଷ୍ଟଗାର୍ଡ ଆସିଷ୍ଟାଣ୍ଟ କମାଣ୍ଡାଣ୍ଟ ୦୧/୨୦୨୪ ବ୍ୟାଚ୍ ବିଜ୍ଞପ୍ତିରେ ଜେନେରାଲ୍ ଡ୍ୟୁଟି ଏବଂ ବାଣିଜ୍ୟିକ ପାଇଲଟ୍ ଏଣ୍ଟ୍ରି ପାଇଁ ୫୦ ଟି, ବୈଷୟିକ ଇଞ୍ଜିନିୟରିଂ ଏବଂ ଇଲେକ୍ଟ୍ରିକାଲ୍ ପାଇଁ ୨୦ ଟି ଏବଂ ଆଇନ ଅଧିକାରୀଙ୍କ ପାଇଁ ଗୋଟିଏ ପୋଷ୍ଟ ଖାଲି ରହିଛି। ଜେନେରାଲ୍ ଡ୍ୟୁଟି ଏବଂ ଟେକ୍ନିକାଲ୍ ପାଇଁ ଖାଲିଥିବା ପଦବୀ ଉଭୟ ଶାଖା ପାଇଁ ଇଣ୍ଡିଆନ୍ କୋଷ୍ଟଗାର୍ଡ ଆସିଷ୍ଟାଣ୍ଟ କମାଣ୍ଡାଣ୍ଟ ପାଇଁ ଆବେଦନ କରୁଥିବା ପ୍ରାର୍ଥୀମାନେ ନିଶ୍ଚିତ ଭାବରେ ଜୁଲାଇ ୧, ୧୯୯୮ ରୁ ଜୁନ୍ ୩୦, ୨୦୦୨ ମଧ୍ୟରେ ଜନ୍ମ ହୋଇଥିବା ଆବଶ୍ୟକ ।
ଯୋଗ୍ୟତା :ତେବେ ଏହି ପଦ ପାଇଁ ଯେକୌଣସି ସ୍ୱୀକୃତିପ୍ରାପ୍ତ ବିଶ୍ୱବିଦ୍ୟାଳୟରୁ ସର୍ବନିମ୍ନ ୬୦% ମାର୍କ ସହିତ ସ୍ନାତକ ଡିଗ୍ରୀ ହାସଲ କରିଥିବା ଆବଶ୍ୟକ ।
ଚୟନ :ଅଧିକାରୀ ନିଯୁକ୍ତି ଚୟନ ଅଲ ଇଣ୍ଡିଆ ଅର୍ଡର ଅଫ ମେରିଟ ଉପରେ ଆଧାରିତ । ଏହା ସହିତ ପରୀକ୍ଷାର ବିଭିନ୍ନ ପର୍ଯ୍ୟାୟରେ ପ୍ରାର୍ଥୀଙ୍କ ପ୍ରଦର୍ଶନ ଏବଂ ଏହି ପଦବୀ ପାଇଁ ଉପଲବ୍ଧ ପଦବୀ ସଂଖ୍ୟା ଉପରେ ଆଧାରିତ ହେବ । ଏହି ପର୍ଯ୍ୟାୟରେ ପ୍ରଥମ ପର୍ଯ୍ୟାୟ (CGCAT), ଦ୍ୱିତୀୟ ପର୍ଯ୍ୟାୟ ପ୍ରାଥମିକ ଚୟନ ବୋର୍ଡ (PSB), ତୃତୀୟ ପର୍ଯ୍ୟାୟ ଚୂଡ଼ାନ୍ତ ଚୟନ ବୋର୍ଡ (FSB), ଚତୁର୍ଥ ପର୍ଯ୍ୟାୟ (ଡାକ୍ତରୀ ପରୀକ୍ଷା) ଏବଂ ପଞ୍ଚମ ପର୍ଯ୍ୟାୟ(ଆଡମିଶନ) ଅନ୍ତର୍ଭୁକ୍ତ ।
ଶୁଳ୍କ : ପରୀକ୍ଷା ପାଇଁ ଆବେଦନକାରୀ ପ୍ରାର୍ଥୀଙ୍କୁ ଅନ୍ଲାଇନ୍ ମୋଡ୍ ମାଧ୍ୟମରେ ୨୫୦ ଟଙ୍କା ଆବେଦନ ଶୁଳ୍କ ଦେବାକୁ ପଡିବ । ଏସସି / ଏସଟି ପ୍ରାର୍ଥୀଙ୍କୁ କୌଣସି ଶୁଳ୍କ ଦେବାକୁ ପଡିବ ନାହିଁ ।
