କାହାର ମୃତ୍ୟୁ ପରେ ତାଙ୍କ ଫିଙ୍ଗର ପ୍ରିଣ୍ଟ ସହିତ ଫୋନକୁ ଅନଲକ୍ କରାଯାଇପାରିବ କି? କିଭଳି କାମ କରେ ଫିଙ୍ଗରପ୍ରିଣ୍ଟ ଆସନ୍ତୁ ଜାଣିବା
ନୂଆଦିଲ୍ଲୀ:ଯେପରି ସମସ୍ତଙ୍କର ଡିଏନ୍ଏ ଅଲଗା, ସେହିପରି ସମସ୍ତଙ୍କର ଆଙ୍ଗୁଠି ଛାପ(ଫିଙ୍ଗର ପ୍ରିଣ୍ଟ) ମଧ୍ୟ ଅଲଗା । ଏହି ଫିଙ୍ଗର ପ୍ରିଣ୍ଟ ବ୍ୟକ୍ତିର ପରିଚୟ ପାଇଁ ବହୁତ ସାହାଯ୍ୟକାରୀ ।ଆଧାର ଏବଂ ପାସପୋର୍ଟ ସହିତ ଅନେକ ଗୁରୁତ୍ୱପୂର୍ଣ୍ଣ ଡକ୍ୟୁମେଣ୍ଟ ପାଇଁ ଫିଙ୍ଗର ପ୍ରିଣ୍ଟ ବ୍ୟବହାର କରାଯାଏ। ଆମର ପରିଚୟ ଏବଂ ସୁରକ୍ଷା ଦୃଷ୍ଟିରୁ ଫିଙ୍ଗର ପ୍ରିଣ୍ଟ ଏକ ଗୁରୁତ୍ୱପୂର୍ଣ୍ଣ ଜିନିଷ। କିନ୍ତୁ ଆପଣ ଜାଣନ୍ତି କି ଜଣେ ବ୍ୟକ୍ତିଙ୍କ ମୃତ୍ୟୁ ପରେ ତାଙ୍କ ଆଙ୍ଗୁଠି ଚିହ୍ନ ବଦଳିଯାଏ?
ଜଣେ ବ୍ୟକ୍ତିଙ୍କ ମୃତ୍ୟୁ ପରେ ତାଙ୍କ ଆଙ୍ଗୁଠି ଛାପ ପୂର୍ବ ପରି ବିଶ୍ୱାସଯୋଗ୍ୟ ନୁହେଁ । ମୃତ୍ୟୁ ପରେ ଶରୀର ଅଦରକାରୀ ବା ନିର୍ଜୀଵ ହେଇଯାଏ। ଏଭଳି ପରିସ୍ଥିତିରେ ଆମର ଆଙ୍ଗୁଠି ମଧ୍ୟ ଅନ୍ୟ ଅଙ୍ଗ ପରି ସବୁଥିରେ ରକ୍ତ ସଞ୍ଚାଳନ ଅଟକିଯାଏ । ମୃତ୍ୟୁ ପରେ ଆଙ୍ଗୁଠି ଛାପ ପାଇବା ପାଇଁ ବହୁତ ପରିଶ୍ରମ କରିବାକୁ ପଡେ । ମୃତ୍ୟୁ ପରେ ମନୁଷ୍ୟର ଆଙ୍ଗୁଠି ଚିହ୍ନ ବଦଳିଯାଏ । ଏହାକୁ କେବଳ ଫୋରେନସିକ୍ ବିଶେଷଜ୍ଞ କିମ୍ବା ଏକ ଲ୍ୟାବରେ ଚିହ୍ନଟ କରାଯାଇପାରିବ । କେବଳ ବିଶେଷଜ୍ଞମାନେ ହିଁ ସଠିକ୍ ଆଙ୍ଗୁଠି ଛାପ ନେଇପାରନ୍ତି ।
ଜୀବନ୍ତ ଏବଂ ମୃତ ବ୍ୟକ୍ତିଙ୍କ ଆଙ୍ଗୁଠି ଚିହ୍ନ ଚିହ୍ନିବାରେ ଫୋରେନସିକ୍ ବିଶେଷଜ୍ଞମାନେ ଅଧିକ ଅସୁବିଧାର ସମ୍ମୁଖୀନ ହୁଅନ୍ତି ନାହିଁ । ଏହି ଲୋକମାନେ ସେମାନଙ୍କୁ ସହଜରେ ଚିହ୍ନଟ କରିପାରନ୍ତି । ଫୋରେନସିକ୍ ଲ୍ୟାବରେ, ମୃତ ବ୍ୟକ୍ତିଙ୍କ ଆଙ୍ଗୁଠି ଛାପ ନେବା ପାଇଁ ସିଲିକନ୍ ପୁଟି ବ୍ୟବହାର କରାଯାଏ ।ସିଲିକନ୍ ପୁଟିରେ ଫିଙ୍ଗର ପ୍ରିଣ୍ଟ ସ୍ପଷ୍ଟ ଭାବରେ ଆସିଥାଏ, ଯାହା ଏକ ଚିତ୍ର ଉଠାଇ ଚିହ୍ନଟ ହୋଇପାରିବ ।
କିନ୍ତୁ ମୃତ୍ୟୁ ପରେ, ଜଣେ ବ୍ୟକ୍ତିଙ୍କ ମୋବାଇଲ୍ କୁ ତାଙ୍କ ଆଙ୍ଗୁଠି ଚିହ୍ନ ସହିତ ଅନଲକ୍ କରାଯାଇ ପାରିବ ନାହିଁ । ବାସ୍ତବରେ, ମୋବାଇଲ୍ ଫୋନର ସେନ୍ସର ମଣିଷ ଆଙ୍ଗୁଠିରେ ଚାଲୁଥିବା ଇଲେକ୍ଟ୍ରିକ୍ କଣ୍ଡକ୍ଟାନ୍ସ ଆଧାରରେ କାମ କରେ। ଯେହେତୁ, ମୃତ୍ୟୁ ପରେ ଶରୀରରେ ଥିବା ବୈଦ୍ୟୁତିକ ଚାଳନା ବନ୍ଦ ହେଇଯାଏ । ସେଥିପାଇଁ ମୋବାଇଲ୍ ଫୋନର ସେନ୍ସରଗୁଡ଼ିକ ବୈଦ୍ୟୁତିକ ଚାଳନା ବିନା ଏହାକୁ ଚିହ୍ନଟ କରିବାରେ ସକ୍ଷମ ହେଇପାରନ୍ତି ନାହିଁ ।
