ଆଜି ଚେନ୍ନାଇ-ମୁମ୍ବାଇ ଐତିହାସିକ ମ୍ୟାଚ: IPLର ୧୦୦୦ତମ ମ୍ୟାଚରେ ଲଢିବେ ଦୁଇ ଦଳ
ମୁମ୍ବାଇ: ଇଣ୍ଡିଆନ ପ୍ରିମିୟର ଲିଗରେ ଆଜି ଖେଳାଯିବ ଏକ ଐତିହାସିକ ମ୍ୟାଚ । ଏହି ଐତିହାସିକ ମ୍ୟାଚରେ ମୁହାଁମୁହିଁ ହେବେ ଦୁଇ ସର୍ବଶ୍ରେଷ୍ଠ ଦଳ ଚେନ୍ନାଇ ସୁପର କିଙ୍ଗସ ଏବଂ ମୁମ୍ବାଇ ଇଣ୍ଡିଆନ୍ସ । ଉଭୟଙ୍କ ମଧ୍ୟରେ ଖେଳାଯିବାକୁ ଥିବା ଆଇପିଏଲ ୨୦୨୩ ସିଜନର ଦ୍ୱାଦଶ ମ୍ୟାଚ ଲିଗର ଏକ ହଜାରତମ ମ୍ୟାଚ ହେବାକୁ ଯାଉଛି । ତେଣେୁ ଏହି ମ୍ୟାଚ ଆଇପିଏଲ ଇତିହାସର ଏକ ଐତିହାସିକ ମ୍ୟାଚ ଭାବେ ଲିପିବଦ୍ଧ ହୋଇ ରହିବ ।
୨୦୦୮ ମସିହାରେ ଆରମ୍ଭ ହୋଇଥିବା ଇଣ୍ଡିଆନ ପ୍ରିମିୟର ଲିଗ୍ ଚଳିତ ସିଜନର ଦ୍ୱାଦଶ ମ୍ୟାଚରେ ନିଜର ୧୦୦ତମ ମ୍ୟାଚରେ ପହଞ୍ଚିବ । ତେବେ ଏହି ମ୍ୟାଚରେ ଲିଗର ଦୁଇ ସଫଳ ଫ୍ରାଞ୍ଚାଇଜି ମୁମ୍ବାଇ ଇଣ୍ଡିଆନ୍ସ ଏବଂ ଚେନ୍ନାଇ ସୁପର କିଙ୍ଗସ ଆମନା ସାମନା ହେବାକୁ ଯାଉଛନ୍ତି । ଗୋଟିଏ ପଟେ ଟିମ ଇଣ୍ଡିଆର ଅଧିନାୟକ ରୋହିତ ଶର୍ମା ଏବଂ ଜୋଫ୍ରା ଆର୍ଚର ଥିବା ବେଳେ ଅନ୍ୟ ପଟେ ରହିଛନ୍ତି ବିଶ୍ୱର ସର୍ବଶ୍ରେଷ୍ଠ ଅଦିନାୟକ ମହେନ୍ଦ୍ର ସିଂହ ଧୋନୀ ଏବଂ ଷ୍ଟାର ଅଲରାଉଣ୍ଡର ରବିନ୍ଦ୍ର ଜାଡେଜା । ତେବେ ଧୋନୀଙ୍କ ସିଏସକେ ଏହି ସିଜନରେ ଦୁଇଟି ମ୍ୟାଚ ଖେଳି ଗୋଟିଏରେ ବିଜୟ ହାସଲ କରିଥିବା ବେଳେ ମୁମ୍ବାଇ ପ୍ରଥମ ମ୍ୟାଚରେ ବାଙ୍ଗାଲୋରଠୁ ପରାସ୍ତ ହୋଇଛି । ତେବେ ପ୍ରାୟ ଏକ ସପ୍ତାହର ବିରତୀ ପରେ ଦ୍ୱିତୀୟ ମ୍ୟାଚରେ ଚେନ୍ନାଇକୁ ଭେଟିବ ରୋହିତ ସେନା ।
ଆଜିର ଏହି ଐତିହାସିକ ମ୍ୟାଚରେ ଉଭୟ ଦଳର ପ୍ଲେଇଙ୍ଗ ୧୧ ଉପରେ ରହିବ ସମସ୍ତଙ୍କ ନଜର । ତେବେ ୱାନଖେଡେ ଷ୍ଟାଡିୟମରେ ମୁମ୍ବାଇକୁ ସାମନା କରିବା ପାଇଁ ଚେନ୍ନାଇ ସୁପର କିଙ୍ଗସ ନୂଆ ପ୍ଲାନ କରିପାରେ । ତେଣୁ ଦକ୍ଷିଣ ଆଫ୍ରିକାର ଷ୍ଟାର ବୋଲର ସିସଣ୍ଡା ମଗାଲା ଏହି ମ୍ୟାଚରେ ସ୍ଥାନ ପାଇ ପାରନ୍ତି । ତେବେ ଅଲରାଉଣ୍ଡର ବେନ ଷ୍ଟୋକ୍ସଙ୍କ ଖେଳିବା ନେଇ ସନ୍ଦେହ ଦେଖା ଦେଇଛି । ତେବେ ଆସନ୍ତୁ ଦେଖିବା କ’ଣ ହୋଇପାରେ ଉଭୟ ଦଳର ପ୍ଲେଇଙ୍ଗ ୧୧
🔥 1st home game. El Clásico. Back at Wankhede. 💙
Awaaz yeu dya, Paltan! 🗣️👇#OneFamily #MumbaiMeriJaan #MumbaiIndians #IPL2023 #TATAIPL @ImRo45 @TilakV9 @surya_14kumar pic.twitter.com/dKXTKFpEde
— Mumbai Indians (@mipaltan) April 8, 2023
ମୁମ୍ବାଇ ଇଣ୍ଡିଆନ୍ସ: ରୋହିତ ଶର୍ମା(ଅଧିନାୟକ), ଇଶାନ କିଶାନ, ସୂର୍ଯ୍ୟକୁମାର ଯାଦବ, କାମରନ୍ ଗ୍ରୀନ, ତିଲକ ବର୍ମା, ନେହାଲ ବଢେରା, ଟିମ ସାଉଦି, ଋତିକ ଶୌକିନ, ଅରଶଦ ଖାନ, କୁମାର କାର୍ତ୍ତିକେୟ/ପିୟୁସ ଚାୱଲା ଏବଂ ଜୋଫ୍ରା ଆର୍ଚର
Konjam Anga Paaru Kanna! The Baasha boys have lined up for El Clasico! 💥#MIvCSK #WhistlePodu #Yellove 🦁💛 pic.twitter.com/1nnxQPZrys
— Chennai Super Kings (@ChennaiIPL) April 8, 2023
ଚେନ୍ନାଇ ସୁପର କିଙ୍ଗସ: ଏମ.ଏସ ଧୋନୀ(ଅଧିନାୟକ), ଡେଭନ କନୱେ, ଋତୁରାଜ ଗାଏକ୍ୱାଡ, ମୋଇନ ଅଲୀ, ବେନ ଷ୍ଟୋକ୍ସ, ଶିବମ ଦୁବେ, ଅମ୍ବାତି ରାୟୁଡୁ, ରବିନ୍ଦ୍ର ଜାଡେଜା, ଦୀପକ ଚହର, ମିଚେଲ ସାଣ୍ଟନର/ସିସନ୍ଦା ମଗାଲା, ରାଜବର୍ଦ୍ଧନ ହଙ୍ଗରଗେକର ।
