Govt Jobs : SBI ରେ ହେବ ୧୦୦୦ରୁ ଅଧିକ ନିଯୁକ୍ତି, ଦରମା ୪୧୦୦୦
ନୂଆଦିଲ୍ଲୀ : ଦେଶର ସର୍ବବୃହତ ସାର୍ବଜନୀନ କ୍ଷେତ୍ର ବ୍ୟାଙ୍କରେ ସରକାରୀ ଚାକିରିର ସୁଯୋଗ ରହିଛି । ଷ୍ଟେଟ ବ୍ୟାଙ୍କ ଅଫ୍ ଇଣ୍ଡିଆ ଚ୍ୟାନେଲ ମ୍ୟାନେଜର ଫାସିଲିଟେଟର, ଚ୍ୟାନେଲ ମ୍ୟାନେଜର ସୁପରଭାଇଜର ଏବଂ ସପୋର୍ଟ ଅଫିସର ପଦ ପାଇଁ ନିଯୁକ୍ତି ହେବାକୁ ଯାଉଛି। ରିପୋର୍ଟ ଅନୁଯାୟୀ, ଏସବିଆଇରେ ମୋଟ ୧୦୩୧ ଟି ପଦବୀ ଖାଲି ରହିଛି ।
ବିଜ୍ଞପ୍ତି ଅନୁଯାୟୀ ଚ୍ୟାନେଲ ମ୍ୟାନେଜର ପାଇଁ ୮୨୧ ଟି ପଦବୀ ଖାଲି ଅଛି। ଚ୍ୟାନେଲ ମ୍ୟାନେଜର ସୁପରଭାଇଜର ପଦ ପାଇଁ ୧୭୨ ଟି ଏବଂ ସପୋର୍ଟ ଅଫିସର ବା ସହାୟତା ଅଧିକାରୀ ପଦ ପାଇଁ ୩୮ ଟି ପଦବୀ ରେ ନିଯୁକ୍ତି ହେବ ।
ଦରମା କେତେ
ଚ୍ୟାନେଲ ମ୍ୟାନେଜର୍ ଫାସିଲିଟେଟର – ୩୬୦୦୦ ଟଙ୍କା
ଚ୍ୟାନେଲ ମ୍ୟାନେଜର ସୁପରଭାଇଜର – ୪୧୦୦୦ ଟଙ୍କା
ସହାୟତା ଅଧିକାରୀ – ୪୧୦୦୦ ଟଙ୍କା
ଚୟନ କିପରି ହେବ
ଏସବିଆଇରେ ନିଯୁକ୍ତି ପାଇଁ ପ୍ରାର୍ଥୀ ଚୟନ ଇଣ୍ଟରଭ୍ୟୁ ମାଧ୍ୟମରେ କରାଯିବ। ପ୍ରାପ୍ତ ଆବେଦନଗୁଡିକ ମଧ୍ୟରୁ ଇଣ୍ଟରଭ୍ୟୁ ପାଇଁ ପ୍ରାର୍ଥୀମାନଙ୍କୁ ସର୍ଟଲିଷ୍ଟ କରାଯିବ । ସାକ୍ଷାତକାର ୧୦୦ ମାର୍କ ହେବ । ସାକ୍ଷାତକାରରେ ମିଳିଥିବା ମାର୍କ ଆଧାରରେ ଅନ୍ତିମ ତାଲିକା ପ୍ରସ୍ତୁତ ହେବ ।
