ନିର୍ବାଚନରେ ଜିତିବା ପାଇଁ ଏଥର ମୋଦୀ କରିବେ ପ୍ରଚାର, ୪୦ ଜଣିଆ ଷ୍ଟାର ପ୍ରଚାରକଙ୍କ ତାଲିକା ଘୋଷଣା କଲା ବିଜେପି
ବାଙ୍ଗାଲୋର: କର୍ଣ୍ଣାଟକରେ ହେବାକୁ ଥିବା ବିଧାନସଭା ନିର୍ବାଚନ ପାଇଁ ଏବେ ଠାରୁ ସବୁ ଦଳ ତାର ପ୍ରସ୍ତୁତି ଜୋରସୋର କରିଛନ୍ତି । ନିର୍ବାଚନରେ ଜିତିବାକୁ ରାଜନୈତିକ ଦଳ ପ୍ରସ୍ତୁତ ହୋଇଛନ୍ତି। ପ୍ରଥମେ ପ୍ରାର୍ଥୀଙ୍କ ତାଲିକା ଏବଂ ବର୍ତ୍ତମାନ ଷ୍ଟାର ପ୍ରଚାରକଙ୍କ ତାଲିକା ମଧ୍ୟ ଜାରି କରିଛି। ଏହି ଧାରାବାହିକରେ ଭାରତୀୟ ଜନତା ପାର୍ଟି ତାର ତାରକା ପ୍ରଚାରକଙ୍କ ତାଲିକା ବୁଧବାର ପ୍ରକାଶ କରିଛି। ଏହି ତାଲିକାରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ, କେନ୍ଦ୍ର ଗୃହମନ୍ତ୍ରୀ ଅମିତ ଶାହା, ବିଜେପି ରାଷ୍ଟ୍ରୀୟ ସଭାପତି ଜେପି ନଡ୍ଡା , କେନ୍ଦ୍ର ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ, ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ, କେନ୍ଦ୍ର ମନ୍ତ୍ରୀ ସ୍ମୃତି ଇରାନୀଙ୍କ ସମେତ ୪୦ ଜଣଙ୍କ ନାମ ରହିଛି।
କର୍ଣ୍ଣାଟକରେ ୨୬ ଏବଂ ୩୦ ଏପ୍ରିଲ୍ ବ୍ୟତୀତ ସିଏମ୍ ଯୋଗୀ ଆଦିତ୍ୟନାଥ ୬ ମଇରେ କର୍ଣ୍ଣାଟକରେ ଏକ ରାଲି ପାଇଁ ପ୍ରସ୍ତୁତ ହେଉଛନ୍ତି। ଷ୍ଟାର ପ୍ରଚାରକଙ୍କ ତାଲିକାରେ କର୍ଣ୍ଣାଟକର ପୂର୍ବତନ ସିଏମ୍ ବିଏସ୍ ୟେଦୁରୁପ୍ପା, କର୍ଣ୍ଣାଟକ ବିଜେପି ସଭାପତି ନଲିନ କୁମାର କୁଟିଲ, କର୍ଣ୍ଣାଟକ ମୁଖ୍ୟମନ୍ତ୍ରୀ ବାସଭାରାଜ ବମ୍ମାଇ, କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣ, କେନ୍ଦ୍ର ମନ୍ତ୍ରୀ ପ୍ରଧାନ ଜୋଶୀ, କେନ୍ଦ୍ର ମନ୍ତ୍ରୀ ସ୍ମୃତି ଇରାନୀ, କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ ଧର୍ମେନ୍ଦ୍ର ପ୍ରଧାନ, ମାନସୁଖ ମାଣ୍ଡଭିଆଙ୍କ ନାମ ମଧ୍ୟ ଅନ୍ତର୍ଭୁକ୍ତ।
ଏହା ବ୍ୟତୀତ ମଧ୍ୟପ୍ରଦେଶ ମୁଖ୍ୟମନ୍ତ୍ରୀ ଶିବରାଜ ସିଂ ଚୌହାନ, ଆସାମ ମୁଖ୍ୟମନ୍ତ୍ରୀ ହିମନ୍ତ ବିଶ୍ୱ ଶର୍ମା ଏବଂ ମହାରାଷ୍ଟ୍ର ଡେପୁଟି ସିଏମ ଦେବେନ୍ଦ୍ର ଫଡନାଭିସଙ୍କ ନାମ ଏହି ତାଲିକାରେ ଅନ୍ତର୍ଭୁକ୍ତ ଅଛି । ସୂଚନାମୁତାବକ ଗୋଟିଏ ପର୍ଯ୍ୟାୟରେ କର୍ଣ୍ଣାଟକର ୨୨୪ ବିଧାନସଭା ଆସନରେ ନିର୍ବାଚନ ହେବାକୁ ଯାଉଛି। ମେ ୧୦ ରେ ମତଦାନ ହେବ ଏବଂ ଭୋଟ୍ ଗଣନା ମେ ୧୩ ରେ ହେବ। କର୍ଣ୍ଣାଟକରେ ୫.୨୧ କୋଟି ଭୋଟର ଅଛନ୍ତି। ଯେଉଁଥିରେ ପୁରୁଷ ଭୋଟରଙ୍କ ସଂଖ୍ୟା ୨.୬ କୋଟି ଥିବାବେଳେ ମହିଳା ଭୋଟରଙ୍କ ସଂଖ୍ୟା ୨.୫ କୋଟି। ଅତି କମରେ ପ୍ରଧାନମନ୍ତ୍ରୀ ମୋଦୀ ଏଥର ତିନୋଟି ରାଲି କରିବାକୁ ଯୋଜନା କରିଛନ୍ତି। ଏହା ସହିତ କର୍ଣ୍ଣାଟକ ବିଧାନସଭା ନିର୍ବାଚନ ପାଇଁ ଦଳର ଷ୍ଟାର ପ୍ରଚାରକ ଭାବରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଅତି କମରେ ୨୦ ଟି ରାଲିରେ ସମ୍ବୋଧିତ କରିବାର ସମ୍ଭାବନା ରହିଛି।
