ଉପକୃତ ହେଉଛନ୍ତି ଅନେକ ଲୋକେ: ପ୍ରଧାନମନ୍ତ୍ରୀ ସୁରକ୍ଷା ବୀମା, ଜୀବନଜ୍ୟୋତି ବୀମା ଓ ଅଟଳ ପେନସନ୍ ଯୋଜନାକୁ ପୂରିଲା ୮ ବର୍ଷ
ନୂଆଦିଲ୍ଲୀ: ପ୍ରଧାନମନ୍ତ୍ରୀ ସୁରକ୍ଷା ବୀମା ଯୋଜନା, ପ୍ରଧାନମନ୍ତ୍ରୀ ଜୀବନଜ୍ୟୋତି ବୀମା ଯୋଜନା ଓ ଅଟଳ ପେନସନ୍ ଯୋଜନା ଭଳି ସାମାଜିକ ସୁରକ୍ଷା ଯୋଜନାଗୁଡ଼ିକୁ ଆଜି ୮ ବର୍ଷ ପୂରଣ ହୋଇଛି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ୨୦୧୫ ମସିହା ଆଜିର ଦିନରେ ଏହି ଯୋଜନା ଶୁଭାରମ୍ଭ କରିଥିଲେ। ପ୍ରଧାନମନ୍ତ୍ରୀ ଜୀବନଜ୍ୟୋତି ବୀମା ଯୋଜନାରେ ଏ ପର୍ଯ୍ୟନ୍ତ ୧୬ କୋଟି ହିତାଧିକାରୀ ପଞ୍ଜୀକୃତ ହୋଇଥିବାବେଳେ ପ୍ରଧାନମନ୍ତ୍ରୀ ସୁରକ୍ଷାବୀମା ଯୋଜନା ୩୪ କୋଟି ହିତାଧିକାରୀ ପଞ୍ଜୀକୃତ ହୋଇଛନ୍ତି ।
ପିଏମଏସବିୱାଇକୁ 8 ବର୍ଷ ପୂରଣ ହେଉଛି! #PMSBY ବାର୍ଷିକ ମାତ୍ର 20 ଟଙ୍କା ପ୍ରିମିୟମରେ ଦୁର୍ଘଟଣା ଜନିତ ମୃତ୍ୟୁ ଏବଂ ଅକ୍ଷମତା କ୍ଷେତ୍ରରେ ଆର୍ଥିକ ସୁରକ୍ଷା ପ୍ରଦାନ କରିଥାଏ। ବ୍ୟାଙ୍କ/ଡାକ ଘରେ ଖାତା ଥିବା 18-70 ବର୍ଷ ବୟସ୍କ ସବୁ ବ୍ୟକ୍ତିବିଶେଷ #PMSBYରେ ସାମିଲ ହେବାକୁ ଯୋଗ୍ୟ ଅଟନ୍ତି।#8YearsofPMSBY #JanSuraksha pic.twitter.com/UvviYvtzBc
— PIB in Odisha (@PIBBhubaneswar) May 9, 2023
ସେହିପରି ୫ କୋଟିରୁ ଅଧିକ ହିତାଧିକାରୀ ଅଟଳ ପେନସନ୍ ଯୋଜନାରେ ପଞ୍ଜୀକୃତ ହୋଇଛନ୍ତି । ଦେଶର ନାଗରିକଙ୍କ କଲ୍ୟାଣ ଓ ଆର୍ଥିକ ସୁରକ୍ଷା ପ୍ରଦାନ କରିବାକୁ ଏହି ଜନାଭିମୁଖୀ ଯୋଜନା କାର୍ଯ୍ୟକାରୀ କରାଯାଇଥିଲା । ଅର୍ଥମନ୍ତ୍ରୀ ନିର୍ମଳା ସୀତାରମଣ କହିଛନ୍ତି, ଏହି ତିନୋଟି ଜନସୁରକ୍ଷା ଯୋଜନା ଦେଶର ସାଧାରଣ ଜନତାଙ୍କ କଲ୍ୟାଣ ଏବଂ ମାନବ ଜୀବନକୁ ସୁରକ୍ଷା ପ୍ରଦାନ କରିବା ସହ ଜୀବନହାନୀ କ୍ଷେତ୍ରରେ ପରିବାର ଲୋକଙ୍କୁ ଆର୍ଥିକ ସୁରକ୍ଷା ପ୍ରଦାନ କରୁଛି । ସେହିପରି ଅର୍ଥ ରାଷ୍ଟ୍ରମନ୍ତ୍ରୀ ଡକ୍ଟର ଭଗବତ କରାଡ଼ କହିଛନ୍ତି, ତୃଣମୂଳସ୍ତରରେ ଏହି ଜନସୁରକ୍ଷା ଯୋଜନାକୁ ଅଧିକ ବ୍ୟାପକ କରିବାର ଆବଶ୍ୟକତା ରହିଛି ।
ଅସୁରକ୍ଷିତଙ୍କୁ ସୁରକ୍ଷା!
ପିଏମଜେଜେବିୱାଇ 18-50 ବର୍ଷ ବୟସ ବର୍ଗର ଲୋକମାନଙ୍କ ପାଇଁ 436 କୋଟି ଟଙ୍କାର ଶସ୍ତା ବାର୍ଷିକ ପ୍ରିମିୟମରେ କୌଣସି କାରଣରୁ ମୃତ୍ୟୁ ଘଟିବା କ୍ଷେତ୍ରରେ 2 ଲକ୍ଷ ଟଙ୍କାର ଜୀବନ ବୀମା ସୁରକ୍ଷା ମାଧ୍ୟମରେ #financial #security ପ୍ରଦାନ କରିଥାଏ।#8YearsofPMJJBY #JanSuraksha pic.twitter.com/RkWwFCqv1o
— PIB in Odisha (@PIBBhubaneswar) May 9, 2023
