ଭୟଙ୍କର ଟ୍ରେନ ଟ୍ରାଜେଡି: ଆସନ୍ତାକାଲି ପାଇଁ ଏକାଧିକ ଟ୍ରେନ ବାତିଲ କଲା SER

ବାଲେଶ୍ୱର: ବାହାନଗା ଭୟଙ୍କର ଟ୍ରେନ ଦୁର୍ଘଟରା ପରେ ଏକାଧିକ ଟ୍ରେନକୁ ବାତିଲ କରିଛି ଏସଇଆର । ଦୁର୍ଘଟଣା ଯୋଗୁଁ ସେହି ରୁଟରେ ରାସ୍ତା ଅବରୋଧ ହୋଇଥିବାରୁ ଗାଡି ଯିବା ସମ୍ଭବ ହୋଇ ପାରବନାହିଁ । ତେଣୁ ବିଭିନ୍ନ ଟ୍ରେନକୁ ବାତିଲ କରିଛି ଏସଇଆର । ଏଥିମଧ୍ୟରେ ହାୱଡା-ପୁରୀ ସୁପରଫାଷ୍ଟ, ହାୱଡା-ଏସଏମଭିବି ସୁପରଫାଷ୍ଟ ଇତ୍ୟାଦି ଟ୍ରେନକୁ ବାତିଲ କରାଯାଇଛି ।

ଏହାସହିତ ହାୱଡା-ଚେନ୍ନାଇ ମେଲ୍, ସାଲିମାର-ପୁରୀ ସୁପରଫାଷ୍ଟ, ସାଲିମାର-ସମ୍ବଲପୁର, ସାନ୍ତ୍ରାଗାଚି-ପୁରୀ ସ୍ପେଶାଲ ଟ୍ରେନ ଆଦି ମଧ୍ୟ ବାତିଲ କରିଛି ଏସଇଆର । ଏହାବ୍ୟତୀତ କାଲି ପାଇଁ ସିଆଲଦା-ପୁରୀ ଦୁରନ୍ତୋ ଏକ୍ସପ୍ରେସ ମଧ୍ୟ ଦୁର୍ଘଟଣା ଯୋଗୁଁ ବାତିଲ ହୋଇଛି । ସେହିପରି ପୁରୀ-ହାୱଡା, ପୁରୀ-ସାଲିମାର ଶ୍ରୀଜଗନ୍ନାଥ ଏକ୍ସପ୍ରେସ ଏବଂ ପୁରୀ-ଭଞ୍ଜପୁର ସ୍ପେଶାଲ ଟ୍ରେନ ଇତ୍ୟାଦିକୁ ବାତିଲ କରିବା ପାଇଁ ଏସଇଆର ନିର୍ଦ୍ଦେଶ ଦେଇଛି । ଏହା ବ୍ୟତୀତ ୯ଟି ଟ୍ରେନର ଗତିପଥ ସମ୍ପୂର୍ଣ୍ଣ ବଦଳି ଯାଇଥିଲା ବେଳେ ଅନ୍ୟ ୬ଟି ଟ୍ରେନର ଆଂଶିକ ଗତିପଥ ପରିବର୍ତ୍ତନ ହୋଇତିବା ସୂଚନା ମିଳିଛି ।