ଟ୍ରେନ୍ ଦୁର୍ଘଟଣାକୁ ନେଇ ମମତାଙ୍କ ବଡ ଘୋଷଣା : ମୃତକ ଓ ଆହତଙ୍କ ପରିବାର ସଦସ୍ୟଙ୍କୁ ଦେବେ ଚାକିରୀ
କୋଲକାତା : ଓଡ଼ିଶା ଟ୍ରେନ୍ ଦୁର୍ଘଟଣାରେ ପଶ୍ଚିମବଙ୍ଗର ଅନେକ ଲୋକ ପ୍ରାଣ ହରାଇଥିବାବେଳେ ଅନେକ ଆହତ ହୋଇ ଚିକିତ୍ସାଧୀନ ଅବସ୍ଥାରେ ରହିଛନ୍ତି । ସେମାନଙ୍କ ଦୁଃଖ ଯନ୍ତ୍ରଣା ସହି ପାରିନାହାନ୍ତି ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ମମତା ବାନାର୍ଜୀ । ଆଜି ସେମାନଙ୍କ ପାଇଁ ବଡ ଘୋଷଣା କରିଛନ୍ତି। ମୃତକଙ୍କ ପରିବାରର ଜଣେ ସଦସ୍ୟଙ୍କୁ ଚାକିରି ଦିଆଯିବ ବୋଲି ମମତା ବାନାର୍ଜୀ ଘୋଷଣା କରିଛନ୍ତି । କେବଳ ସେତିକି ନୁହେଁ ଆହତଙ୍କ ପରିବାରଙ୍କୁ ମଧ୍ୟ ଚାକିରୀ ଦିଆଯିବ ବୋଲି ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବନାର୍ଜୀ କହିଛନ୍ତି । ଉଭୟ ମୃତକ ଓ ଆହତଙ୍କ ପରିବାର ସଦସ୍ୟଙ୍କୁ ସ୍ପେସାଲ ହୋମଗାର୍ଡ ଭାବରେ ନିଯୁକ୍ତି ଦିଆଯିବ ।
बालासोर दुर्घटना में कुछ लोगों ने अपने हाथ, पैर खो दिए। ऐसे लोगों के लिए हमारी सरकार ने फैसला लिया है कि हम इनके परिवार के किसी एक सदस्य को स्पेशल होमगार्ड की नौकरी देंगे: पश्चिम बंगाल की मुख्यमंत्री ममता बनर्जी, हावड़ा https://t.co/mD0F3ywkUn pic.twitter.com/86f7nk67cP
— ANI_HindiNews (@AHindinews) June 5, 2023
ମୁଖ୍ୟମନ୍ତ୍ରୀ ମମତା ବାନାର୍ଜୀ କହିଛନ୍ତି ଯେ ଓଡିଶା ଟ୍ରେନ୍ ଦୁର୍ଘଟଣାରେ ଆହତ ହୋଇଥିବା ଅଧିକାଂଶ ଯାତ୍ରୀ ପଶ୍ଚିମବଙ୍ଗର ରହିଛନ୍ତି । ପଶ୍ଚିମବଙ୍ଗର ପ୍ରାୟ ୨୦୬ ଆହତ ଯାତ୍ରୀଙ୍କୁ ଓଡିଶାର ବିଭିନ୍ନ ଡାକ୍ତରଖାନାରେ ଭର୍ତ୍ତି କରାଯାଇଛି। ଡାକ୍ତରଖାନାରେ ଚିକିତ୍ସିତ ହେଉଥିବା ଆହତ ଯାତ୍ରୀଙ୍କୁ ଭେଟିବା ପାଇଁ ମଙ୍ଗଳବାର ମୁଖ୍ୟମନ୍ତ୍ରୀ ମମତା ବାନାର୍ଜୀ ଭୁବନେଶ୍ୱର ଏବଂ କଟକଗସ୍ତରେ ଆସିବେ । କଟକ ଏସସିବି ମେଡିକାଲାରେ ୩୬ ଜଣ ଆହତ ଚିକିତ୍ସାଧୀନ ଅବସ୍ଥାରେ ରହିଛନ୍ତି । ସେମାନଙ୍କ ପରିବାରକୁ ସହାୟତା ଓ ନିଯୁକ୍ତି ପତ୍ର ବଣ୍ଟନ କରାଯିବ ।
ମମତା ବାନାର୍ଜୀ କହିଛନ୍ତି ଯେ, ମୁଁ କୌଣସି ରାଜନୀତିରେ ପଶିବାକୁ ଚାହୁଁନାହିଁ । ଆହତ ଯାତ୍ରୀ ଓ ସେମାନଙ୍କ ପରିବାରଲୋକଙ୍କୁ ସାହାଯ୍ୟ କରିବାକୁ ଚାହୁୁଁଛି ।
