Video: ଟି-୨୦ ବ୍ଲାଷ୍ଟ୍ରେ ଶାହୀନ ଆଫ୍ରିଦୀଙ୍କ ଧମାକା, ପ୍ରଥମ ଓଭରରେ ୪ ଉଇକେଟ୍ ନେଇ ରଚିଲେ ଇତିହାସ
ନୂଆଦିଲ୍ଲୀ: ପାକିସ୍ତାନ ଦ୍ରୁତ ବୋଲର ଶାହିନ ଆଫ୍ରୀଦ ଇଂଲଣ୍ଡରେ ଚାଲିଥିବା ଟି-୨୦ ବ୍ଲାଷ୍ଟରେ ଇତିହାସ ରଚିଛନ୍ତି । ନଟିଂହାମଶାୟର୍ ପାଇଁ ଖେଳି ପ୍ରଥମ ଉଭରରେ ୪ ଟି ଉଇକେଟ୍ ନେଇଥିଲେ । ଏହା ସହିତ ଆଫ୍ରୀଦ ଏପରି ବିରଳ ରେକର୍ଡ କରିବାରେ ପ୍ରଥମ ବୋଲର ହୋଇପାରିଛନ୍ତି । ଶାହୀନ ଏହି ଓଭରରେ ମାତ୍ର ୭ ରନ୍ ବ୍ୟୟ କରି ଏହି ସଫଳତା ପାଇଛନ୍ତି । ତେବେ ଶାହୀନଙ୍କ ଏହି ଅବିଶ୍ୱସନୀୟ ପ୍ରଦର୍ଶନ ପରେ ମଧ୍ୟ ତାଙ୍କ ଟିମ୍କୁ ପରାଜୟର ସାମ୍ନା କରିବାକୁ ପଡ଼ିଥିଲା ।
୩୦ ଜୁନ୍ରେ ନଟିଂହାମଶାୟର୍ ଏବଂ ୱାର୍କୀସାୟାର ମଧ୍ୟରେ ଟ୍ରେଣ୍ଟବ୍ରିଜ୍ରେ ଖେଳାଯାଇଥିବା ଏହି ମ୍ୟାଚ୍ରେ ଟସ୍ ହରାଇବା ପରେ ବ୍ୟାଟିଂ କରିବାକୁ ଚୟନ କରି ନଟିଂହାମଶାୟର୍ ୨୦ ଓଭରରେ ୧୬୮ ରନ୍ ସଂଗ୍ରହ କରିଥିଲେ । ୱିକେଟ୍ କିପର ବ୍ୟାଟ୍ସମ୍ୟାନ୍ ଟମ୍ ମୋର୍ସ୍ ଦଳକୁ ଏହି ସ୍କୋରରେ ପହଞ୍ଚିବାରେ ସାହାଯ୍ୟ କରିବାରେ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିଲେ, ଯିଏ ୪୨ ବଲ୍ରେ ୭୩ ରନ୍ ସଂଗ୍ରହ କରିଥିଲେ । ହସନ ଅଲି ନ୍ୟୁୟର୍କସାୟାର ପାଇଁ ୨୫ ରନ୍ ବ୍ୟୟ କରି ସର୍ବାଧିକ ୩ ୱିକେଟ୍ ନେଇଥିଲେ ।
Shaheen Afridi, you cannot do that!! 💥 https://t.co/ehXxmtz6rX pic.twitter.com/wvibWa17zA
— Vitality Blast (@VitalityBlast) June 30, 2023
୧୬୯ ରନ୍ର ଟାର୍ଗେଟକୁ ଡିଫେଣ୍ଡ କରିବାକୁ ଯାଇ ନଟିଂହାମଶାୟାର ଏକ ଭଲ ଆରମ୍ଭ ଅବଶ୍ୟ କରିଥିଲା । ଶାହିନ୍ ଆଫ୍ରିଦି ପ୍ରଥମ ଓଭରରେ ଚାରିଟି ୱିକେଟ୍ ନେଇଥିବାରୁ ଦଳ ଭଲ ଆରମ୍ଭ କରିଥିଲା । କିନ୍ତୁ ପରବର୍ତ୍ତୀ ବଲରେ ସେ ନ୍ୟୁୟର୍କସାୟାରକୁ ପ୍ରଥମ ଝଟକା ଦେଇଥିଲେ ଯାହା ଆଲେକ୍ସ ଡେଭିସ୍ ହୋଇ ପ୍ୟାଭିଲିୟନ ଫେରିଥିଲେ । ଏହାପରେ କ୍ରିସ୍ ବେଞ୍ଜାମିନ୍ଙ୍କୁ ଶାହିନ କ୍ଲିନ୍ ବୋଲ୍ଡ କରି ଦେଇଥିଲେ । ଶାହୀନ ତୃତୀୟ ବଲ୍ରେ ହାଟ୍ରିକ ଦ୍ୱାରଦେଶରେ ଥିଲେ । କିନ୍ତୁ ଏହି ସୁଯୋଗକୁ ସେ ହାତଛଡ଼ା କରିଥିଲେ । ତେବେ ପଞ୍ଚମ ବଲ୍ରେ ସେ ଡେନ୍ ମୁସଲୀ ଏବଂ ଶେଷ ବଲ୍ରେ ଏଡ ବରନାର୍ଡଙ୍କୁ ଆଉଟ୍ କରିଥିଲେ । ଶାହିନ ଆଫ୍ରିଦଙ୍କ ଏହି ଧମାକାଦାର ଆରମ୍ଭ ପରେ ମଧ୍ୟ ଏହି ମ୍ୟାଚ୍ରେ ନଟିଂହାମଶାୟର୍ ୨ ଉଇକେଟ୍ରେ ପରାଜିତ ହୋଇଥିଲା ।
