(Video) ଭକ୍ତଙ୍କ ହାତରୁ କ୍ଷୀର ପିଉଛନ୍ତି ବାବା ଭୋଳାନାଥଙ୍କ ସହ ମାତା ପାର୍ବତୀ: ସାଙ୍ଗରେ ନନ୍ଦୀ ମହାରାଜ ବି…
ମୁରୈନା: ଆରମ୍ଭ ହେବାକୁ ଯାଉଛି ଶ୍ରାବଣ ମାସ । ଏହି ମାସକୁ ଦେବ ଦେବ ମହାଦେବଙ୍କ ମାସ ବୋଲି କୁହାଯାଏ । ଶ୍ରାବଣ ମାସରେ ଭୋଳାନଥଙ୍କୁ ପୂଜାର୍ଚ୍ଚନା କଲେ ଉପରେ ସେ ବହୁତ ଖୁସି ହୁଅନ୍ତି ଏବଂ ଭକ୍ତଙ୍କ ମନୋସ୍କାମନା ପୂର୍ଣ୍ଣ ହୁଏ ବୋଲି ବିଶ୍ୱାସ ରହିଛି । ଏହି ବିଶ୍ୱାସକୁ ନେଇ ଏକ ଅଦ୍ଭୁତ ଘଟଣା ଏବେ ଦେଖିବାକୁ ମିଳିଛି ମଧ୍ୟପ୍ରଦେଶର ମୁରୈନା ଜିଲ୍ଲାରେ । ଏଠାରେ ମାତା ପାର୍ବତୀଙ୍କ ଏବଂ ନନ୍ଦୀ ମହାରାଜଙ୍କ ସହ ଆବିର୍ଭାବ ହୋଇଛନ୍ତି ସ୍ୱୟଂ ପ୍ରଭୂ ଶିବଶଙ୍କର । ଭକ୍ତଙ୍କୁ ଦର୍ଶନ ଦେବା ସହିତ ସେମାନଙ୍କ ହାତରୁ କ୍ଷୀର ମଧ୍ୟ ପିଉଛନ୍ତି ଭକ୍ତବତ୍ସଳ ଭୋଳାବାବା । ତେଣୁ ନୀଳକଣ୍ଠଙ୍କୁ ହାତରେ ଟିକିଏ କ୍ଷୀର ପିଆଇ ଦେବା ପାଇଁ ସେଠାରେ ଲୋକଙ୍କ ଭିଡ ଲାଗିଯାଇଛି ।
ମୁରୈନା ଜିଲ୍ଲାର ମଡେଲ ସ୍କୁଲ ନିକଟସ୍ଥ ମାତା ଶୀତଳାଙ୍କ ମନ୍ଦିରରେ ଏଭଳି ଅଲୌକିକ ଘଟଣା ଘଟିଛି । ଯେଉଁଠି ପ୍ରଭୂ ନୀଳକଣ୍ଠ ଦେବୀ ପାର୍ମତୀ ଏବଂ ନନ୍ଦୀଙ୍କ ସହ ଆସି ଭକ୍ତଙ୍କ ହାତରୁ କ୍ଷୀର ପାନ କରୁଛନ୍ତି । ବର୍ତ୍ତମାନ ବାବାଙ୍କୁ ଟିକିଏ କ୍ଷୀର ପିଆଇ ଦେବା ପାଇଁ ଶ୍ରଦ୍ଧାଳୁ ହାତରେ କ୍ଷୀର ଏବଂ ଚାମଚ ଧରି ଭିଡ ଲଗାଇଛନ୍ତି । ତେବେ ଏହି ଘଟଣା ପ୍ରଥମେ ଜଣେ ମହିଳାଙ୍କୁ ଜଣା ପଡିଥିଲା । ମହିଳାଙ୍କ କହିବା ଅନୁସାରେ, ମଧ୍ୟାହ୍ନରେ ଗ୍ୱାଲିୟରରୁ ତାଙ୍କ ପାଖକୁ ଏକ ଫୋନ ଆସିଥିଲା ଏବଂ କେହି ଜଣେ ଏ ବିଷୟରେ କହିଥିଲେ । ତାଙ୍କୁ କେହି ଜଣେ ଫୋନରେ କହିଥିଲେ ଯେ, ଭଗବାନ ଶିବ-ମା’ ପାର୍ବତୀ ଏବଂ ନନ୍ଦୀ ମହାରାଜ କ୍ଷୀର ପାନ କରୁଛନ୍ତି । ଏହା ଶୁଣି ସେ ଶୀତଳା ମାତାଙ୍କ ମନ୍ଦିରକୁ ଚାଲି ଆସିଥିଲେ । ତେବେ ଏଠାକୁ ଆସିବା ପରେ ସେ ଭଗବାନଙ୍କୁ କ୍ଷୀର ପିଆଇଥିଲେ ଏବଂ ଯାହା ଦେଖିଲେ ନିଜକୁ ମଧ୍ୟ ବିଶ୍ୱାସ କରିପାରି ନଥିଲେ ଏହି ମହିଳା ।
मुरैना–माता के मंदिर में बिराजे भोले नाथ और नंदी पार्वती की प्रतिमाएं पी रही दूध, श्रद्धालुओं के द्वारा चम्मच से पिलाया जा रहा दूध, मूर्तियों के द्वारा दूध पीने की खबर फैलते ही मंदिर पर उमड़ी श्रद्धालुओं की भीड़,गणेशपुरा स्थित में मॉडल स्कूल के पास शीतला माता मंदिर का मामला pic.twitter.com/1ZN9jnfk0M
— Amit Sharma (Arele) (@amit_arele) July 2, 2023
ବାବା ଭୋଳାନାଥଙ୍କ ସହ ମାତା ପାର୍ବତୀ ଏବଂ ନନ୍ଦୀ ବାବା ମଧ୍ୟ ମହିଳାଙ୍କ ହାତରୁ କ୍ଷୀର ପାନ କରିଥିଲେ । ତେବେ ଏହି ଘଟଣା କିଛି ସମୟ ଭିତରେ ସାରା ଅଞ୍ଚଳରେ ଖେଳି ଯାଇଥିଲା । ତେଣୁ ସମସ୍ତେ ହାତରେ କ୍ଷୀର ଧରି ମନ୍ଦିର ପାଖରେ ଭିଡ ଜମାଇଛନ୍ତି । ତେବେ କୁହାଯାଉଛି ଯେ, ବାବା ସମସ୍ତଙ୍କ ହାତରୁ କ୍ଷୀର ପାନ କରୁଛନ୍ତି । ତେବେ ଭୋଳାନାଥଙ୍କ କ୍ଷୀର ପିଉଥିବାର ଏକ ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । କଳିଯୁଗରେ ଏପରି ଘଟଣା ଘଟିବାକୁ ଏକ ଚମତ୍କାର ବୋଲି କହିଛନ୍ତି ସମସ୍ତ ଶ୍ରଦ୍ଧାଳୁ । ବର୍ତ୍ତମାନ ଶୀତଳା ମନ୍ଦିରକୁ ଜିଲ୍ଲାର ବିଭିନ୍ନ ପ୍ରାନ୍ତରୁ ଭକ୍ତଙ୍କ ସୁଅ ଛୁଟିଛି ।