ଏଥର ସ୍ୱତନ୍ତ୍ର ଶ୍ରାବଣ: ଭୋଳାନାଥଙ୍କୁ ପ୍ରସନ୍ନ କରିବା ପାଇଁ ଏହି ଜିନିଷଠାରୁ ଦୂରେଇ ରୁହନ୍ତୁ

ଶ୍ରାବଣ ମାସକୁ ହିନ୍ଦୁ ଧର୍ମର ସବୁଠାରୁ ପବିତ୍ର ମାସ ଭାବରେ ବିବେଚନା କରାଯାଏ । ଏହି ମାସରେ ଭଗବାନ ଶିବ ଶଙ୍କରଙ୍କର ବିଶେଷ ଉପାସନା ରହିଛି ଏବଂ ଭକ୍ତମାନେ ସେମାନଙ୍କର ଯାହା ଇଚ୍ଛା ମାଗନ୍ତି ତାହା ପୂରଣ ହୋଇଥାଏ । ଶ୍ରାବଣ ସୋମବାରରେ ଉପାସ ରଖି ଭୋଳାନାଥଙ୍କୁ ଉପଯୁକ୍ତ ଉପାସନା କରାଯାଇଥାଏ । ବିଶ୍ୱାସ ଅଛି ଯେ ଏହା କରିବା ଦ୍ୱାରା ଇଚ୍ଛା କରୁଥିବା ବରପ୍ରାପ୍ତ ହୋଇଥାଏ ।

ଏହି ବର୍ଷ ଶ୍ରାବଣ ମାସ ଏକ ସ୍ୱତନ୍ତ୍ର ହେବାକୁ ଯାଉଛି । କାରଣ ଏଥର ଶ୍ରାବଣ ୩୦ ଦିନ ନୁହେଁ ୫୯ ଦିନ ହେବ । ହିନ୍ଦୁ ପଞ୍ଚଙ୍ଗ ବିକ୍ରମ ସମ୍ୱତ ୨୦୮୦ ଅନୁଯାୟୀ, ଚଳିତ ବର୍ଷ ଅଧିକ ମାସ ପାଳନ କରାଯାଉଛି, ତେଣୁ ଶ୍ରାବଣ ମାସ ୩୦ ବଦଳରେ ୫୯ ଦିନ ହେବ । ଏହି ମାସରେ ଭଗବାନ ଶଙ୍କରଙ୍କର ଏକ ବିଶେଷ ପୂଜାପାଠ ହେବା ସହିତ ଖାଦ୍ୟ ଏବଂ ପାନୀୟ ସମ୍ବନ୍ଧୀୟ ଅନେକ ନିୟମ ମଧ୍ୟ ପାଳନ କରାଯାଏ ।

ଆସନ୍ତୁ ଜାଣିବା ଶ୍ରାବଣରେ କେଉଁ ପ୍ରକାରର ଖାଦ୍ୟ ଶୁଦ୍ଧ ବୋଲି ବିବେଚନା କରାଯାଏ ଏବଂ କେଉଁ ଜିନିଷଠାରୁ ଦୂରରେ ରହିବା ଉଚିତ୍ । ଏହି ମାସରେ ସାତ୍ତ୍ୱିକ ଭୋଜନ କରିବା ଉଚିତ । ରସୁଣ, ପିଆଜ, ମାଂସ, ମାଛ, ଅଣ୍ଡା ଏବଂ କୌଣସି ପ୍ରକାରର ଅଣ ଶାକାହାରୀକୁ ଏଡ଼ାଇବା ଉଚିତ୍ । ଏହା ବ୍ୟତୀତ ମଦ୍ୟପାନ ଏବଂ ଅନ୍ୟାନ୍ୟ ନିଶା ଜିନିଷ ଠୁ ଦୂରରେ ରହିବା ଉଚିତ୍ । ରସୁଣଏବଂ ପିଆଜ ନ ଖାଇ ଦେଶୀ ଘିଅ କିମ୍ବା ସୋରିଷ ତେଲରେ ସମ୍ପୂର୍ଣ୍ଣ ଶୁଦ୍ଧତା ସହିତ ଖାଦ୍ୟ ରାନ୍ଧିବା ଉଚିତ୍ । ଏହା ବ୍ୟତୀତ କିଛି ଲୋକ ପୁରା ମାସ ସାରା ବ୍ରତ ରଖିଥାନ୍ତି । ଏହି ବ୍ୟକ୍ତିମାନେ ଫଳ ଖାଇପାରନ୍ତି କିମ୍ବା ସାତ୍ତ୍ୱିକ ଖାଦ୍ୟ ଖାଇ ଉପବାସ ରଖିପାରିବେ ।