ଚାମଚରେ ମାପି ପିଲାଙ୍କୁ ମେଡିସିନ୍ ଦେଉଥିଲେ ହୋଇଯାଅ ସାବଧାନ୍ ! ହୋଇପାରେ ଏହି କ୍ଷତି

ନୂଆଦିଲ୍ଲୀ: ବର୍ତ୍ତମାନ ଦେଶର ଅନେକ ଅଞ୍ଚଳରେ ବର୍ଷା ହେଉଛି । ବର୍ଷା ଋତୁରେ ଲୋକମାନେ ପ୍ରାୟତଃ ଅସୁସ୍ଥ ହୋଇପଡନ୍ତି  । ଛୋଟ ପିଲାମାନେ ମଧ୍ୟ ଏହି ଋତୁରେ ଥଣ୍ଡା, ଜ୍ୱରରେ ପୀଡିତ ହୁଅନ୍ତି  । ଯେତେବେଳେ ଛୋଟ ପିଲାମାନେ ଅସୁସ୍ଥ ହୁଅନ୍ତି, ସେବେ ଆମେ ସେମାନଙ୍କୁ ଏକ ଚାମଚ ସହିତ ମାପ କରି ସିରପ୍ ପିଆଇଥାଉ  । କିନ୍ତୁ ଆପଣ ଜାଣନ୍ତି କି, ଏହା କରିବା ଦ୍ୱାରା ଆପଣ ଜାଣିଶୁଣି ସେମାନଙ୍କ ସ୍ୱାସ୍ଥ୍ୟ ସହିତ ଖେଳୁଛନ୍ତି  । ଛୋଟ ପିଲାମାନଙ୍କୁ ସଠିକ୍ ପରିମାଣର ମେଡିସିନ୍ ଦେବା ଜରୁରୀ  ।

ଚାମଚ କିମ୍ବା ମେଡିସନ୍ ବୋତଲ କ୍ୟାପ୍ ବ୍ୟବହାର କରନ୍ତି :-

୪୨ ପ୍ରତିଶତ ଏପରି ଅଛନ୍ତି, ଯେଉଁମାନେ ମେଡିସିନ୍ ବୋତଲ ସହିତ ଆସୁଥିବା ଠିପି ବ୍ୟବହାର କରନ୍ତି  । ଏଥି ସହିତ ଅନେକ ପିତାମାତା ଘରେ ଉପସ୍ଥିତ ଚାମଚରୁ ପିଲାମାନଙ୍କୁ ମେଡିସିନ୍ ଦିଅନ୍ତି  । ଦିଲ୍ଲୀର ଫାର୍ମାସ୍ୟୁଟିକାଲ ସାଇନ୍ସ ଆଣ୍ଡ ରିସର୍ଚ୍ଚ ୟୁନିଭରସିଟି ଅଭିଭାବକମାନେ ପିଲାମାନଙ୍କୁ ମେଡିସିନ୍ ଦେବା ଉପରେ ଏକ ବିସ୍ତୃତ ଅଧ୍ୟୟନ କରିଥିଲେ । ଏଥିରେ ଦିଲ୍ଲୀ ସମେତ ଚାରୋଟି ମେଟ୍ରୋ ସହରର ପ୍ରାୟ ୩୦୦ ଅଭିଭାବକ ସାମିଲ ହୋଇଥିଲେ । ଅଧ୍ୟୟନରୁ ଜଣାପଡିଛି ଯେ ବହୁ ସଂଖ୍ୟକ ପିତାମାତା ଆଧୁନିକ ଉପକରଣ ବିଷୟରେ ଅବଗତ ନୁହଁନ୍ତି । ଏଥି ସହିତ, ଡାକ୍ତରମାନେ ବିଶ୍ୱାସ କରନ୍ତି ଯେ ଟିକିଏ ସାବଧାନ ହେଲେ ଆପଣ ନିଜ ପିଲାମାନଙ୍କୁ ଉପଯୁକ୍ତ ପରିମାଣର ମେଡିସିନ୍ ଦେଇପାରିବେ  ।

ଏହିପରି ପିଲାମାନଙ୍କୁ ମେଡିସିନ୍ ଦିଆଯିବା ଉଚିତ୍ :-

ଅନୁସନ୍ଧାନକାରୀଙ୍କ ଅନୁଯାୟୀ, ୮୬ ପ୍ରତିଶତ ପିତାମାତା କେବେହେଲେ ଓରାଲ୍ ସିରିଞ୍ଜ କିମ୍ବା ମେଡିସିନ୍ ଖୁଆଉଥିବା ଅନ୍ୟ କୌଣସି ଉପକରଣ ଦେଖି ନଥିଲେ । ତଥାପି ବହୁ ସଂଖ୍ୟକ ପିତାମାତା ଆଧୁନିକ ଉପକରଣ ବିଷୟରେ ଅବଗତ ନୁହଁନ୍ତି  । ମୁହଁରେ ମେଡିସିନ୍ ଦେଉଥିବା ଓରାଲ୍ ସିରିଞ୍ଜ୍, ଡିସପେନସର,  ପ୍ୟାସିଫାୟର୍ ହେଉଛି ଏକ ମେସିନ୍ ଯାହା ପିଲାଙ୍କୁ ମେଡିସିନ୍ ଖୁଆଇବାରେ ବ୍ୟବହୃତ ହୋଇପାରେ  ।

ମେଡିସିନ୍ ସହିତ ଆସୁଥିବା ଠିପି ସଠିକ୍ ନୁହେଁ :-

ଇଂଲଣ୍ଡର ମଞ୍ଚେଷ୍ଟରରେ କାମ କରୁଥିବା ଶିଶୁରୋଗ ବିଶେଷଜ୍ଞ ଡାକ୍ତର ରାହୁଲ ଚୌଧୁରୀ କହିଛନ୍ତି ଯେ ପାଶ୍ଚାତ୍ୟ ଦେଶମାନଙ୍କରେ ମେଡିସିନ୍ ବିତରଣ ଉପକରଣ ପ୍ରତି ଅଧିକ ଧ୍ୟାନ ଦିଆଯାଏ । ଭାରତୀୟ ବଜାରରେ ମେଡିସିନ୍ ସହିତ ମାପିବା ଠିପି ଦିଆଯାଇଥାଏ, କିନ୍ତୁ ଅନେକ ଥର ସେଥିରେ ସଠିକ୍ ମାପ ମିଳିନଥାଏ  । ଉଦାହରଣ ସ୍ୱରୂପ, ପ୍ଲାଷ୍ଟିକ୍ କଭରରେ ୫ ମିଲି ମାପିବା ପରେ, ୧୦ ମିଲି ଦିଆଯାଏ ଏବଂ ପିଲାକୁ ୬ ମିଲି ମେଡିସିନ୍ ଦିଆଯିବାକୁ କୁହାଯାଇଥିବ, ତେବେ ପିତାମାତା କିପରି ମାପ କରିବେ  । ଯଦି ଏକ ଓରାଲ ସିରିଞ୍ଜ ବ୍ୟବହାର କରାଯାଏ, ତେବେ ସଠିକ୍ ପରିମାଣର ମେଡିସିନ୍ ଦିଆଯାଇପାରେ  ।