(Video) ‘I Love You’ କହିବାରୁ ଏମିତି ଦଣ୍ଡ: ରାସ୍ତା ମଝିରେ ଯୁବକଙ୍କୁ ଚପଲରେ ପିଟିଲେ ଯୁବତୀ
ନୂଆଦିଲ୍ଲୀ: ପ୍ରେମ ବ୍ୟାପାରକୁ ନେଇ ଆଜିକାଲିର ଯୁବକ, ଯୁବତୀଙ୍କ ମଧ୍ୟରେ ଅନେକ ସମୟରେ କିଛି ବିବାଦ ଦେଖିବାକୁ ମିଳିଥାଏ । କିଏ ପ୍ରେମରେ ପାଗଳ ହୋଇ ଆତ୍ମହତ୍ୟା କରୁଛି ତ ଆଉ କିଏ ଅନ୍ୟର ଜୀବନ ନେଉଛି । ତେବେ ଏହା ମଧ୍ୟରେ ଏକ ପ୍ରେମଜନିତ ଘଟଣା ସାମ୍ନାକୁ ଆସିଛି । ‘ଆଇ ଲଭ୍ ୟୁ’ କହିବା କାରଣରୁ ଜଣେ ଯୁବତୀ କ୍ରୋଧାନ୍ୱିତ ହୋଇ ଜଣେ ଯୁବକଙ୍କୁ ଚପଲରେ ପିଟିଛନ୍ତି । ଏହି ଘଟଣାର ଭିଡିଓ ଏବେ ସୋସିଆଲ ମିଡ଼ିଆରେ ଭାଇରାଲ ହେବାରେ ଲାଗିଛି ।
ସୂଚନା ମୁତାବକ, ଉତ୍ତରପ୍ରଦେଶର ଆଗ୍ରାର ସଡ଼କ ମଝିରେ ଦେଖିବାକୁ ମିଳିଥିଲା ଏପରି ଏକ ଦୃଶ୍ୟ । ‘ଆଇ ଲଭ୍ ୟୁ’ କହିବାରୁ ଜଣେ ଯୁବତୀ ଓ ତାଙ୍କର ବାନ୍ଧବୀ ଜଣେ ଯୁବକଙ୍କୁ ଚପଲରେ ପିଟିଥିଲେ । କମଲା ନଗରରେ ଘଟିଥିବା ଏହି ଘଟଣାର ଭିଡିଓ ଏବେ ସୋସିଆଲ ମିଡ଼ିଆରେ ଘୂରି ବୁଲୁଛି । ଖବର ପୋଲିସ ଘଟଣାସ୍ଥଳରେ ପହଞ୍ଚି ଅଭିଯୁକ୍ତ ଯୁବକଙ୍କୁ ଉଦ୍ଧାର କରିବା ସହିତ ମାମଲା ଦାୟର କରିଥିଲା ।
ଘଟଣାଟି ସକାଳ ସମୟରେ ଘଟିଥିଲା । ଦୁଇଜଣ ଯୁବତୀ ପ୍ରଥମେ ଯୁବକଙ୍କୁ ରାସ୍ତା ମଝିରେ ଧରିଥିଲେ । ଏହାପରେ ଜଣେ ଯୁବତୀ ଗାଲକୁ ଚାପୁଡ଼ା ମାରିଥିଲେ ଓ ତା’ପରେ ଅନ୍ୟ ଯୁବତୀ ହାତରେ ଚପଲ ଧରି ଯୁବକଙ୍କୁ ପିଟିଥିଲେ । ପିଟିବା ସମୟରେ ‘ଆଇ ଲଭ ୟୁ’ କହ ବୋଲି ଜଣେ ଯୁବତୀ କହୁଥିଲେ । ଏହି ଦୃଶ୍ୟ ଦେଖି ରାସ୍ତାରେ ଲୋକଙ୍କ ଭିଡ଼ ଜମିଥିଲା । ତେବେ ଯୁବତୀଙ୍କୁ ଅସଦାଚରଣ କରିବା ଅଭିଯୋଗରେ ଯୁବକଙ୍କୁ ପୋଲିସ ଗିରଫ କରିଥିବା ଜଣାପଡ଼ିଛି । ଅଭିଯୁକ୍ତଙ୍କ ନାମ ରାଜେଶ ଓ ସେ ଲଙ୍ଗଡ଼େର ଚୌକି ଅଞ୍ଚଳର ବାସିନ୍ଦା ବୋଲି ଜଣାପଡ଼ିଛି ।
#Watch: यूपी के आगरा में बीच सड़क पर युवती को आई लव यू बोलना एक मनचले को भारी पड़ गया। इसके बाद युवती और उसके सहेलियों ने मनचले को धुन डाला। चप्पल से उसकी पिटाई की। शुक्रवार को हुई इस घटना का वीडियो सोशल मीडिया पर वायरल हो रहा है।#UttarPradesh #Agra #Viralvideo pic.twitter.com/4QyeqiXxwh
— Hindustan (@Live_Hindustan) August 4, 2023
