କେବେ ମିଳିବ ଶସ୍ତା ଟମାଟୋ ? ଆରବିଆଇ ଗଭର୍ଣ୍ଣର ଦେଲେ ଉତ୍ତର

ନୂଆଦିଲ୍ଲୀ: ଗତ କିଛି ମାସ ଧରି ଟମାଟୋ ଏତେ ‘ଲାଲ’ ହୋଇଗଲାଣି ଯେ ବର୍ତ୍ତମାନ ଟମାଟୋ ସମେତ ମହଙ୍ଗା ପନିପରିବା ଯୋଗୁଁ ମୁଦ୍ରାସ୍ଫୀତି ବୃଦ୍ଧି ପାଇଛି ବୋଲି ଆରବିଆଇ କହୁଛି । ତେବେ ଗତ କିଛି ମାସ ଧରି ଟମାଟୋ ମୂଲ୍ୟରେ ବହୁତ ବୃଦ୍ଧି ଘଟିଛି । ଏପରି ପରିସ୍ଥିତି ସୃଷ୍ଟି ହୋଇଛି କି, ଲୋକଙ୍କ ରୋଷେଇଘରୁ ଟମାଟୋ ଗାଏବ୍ ହୋଇଯାଇଛି । ତେବେ ଗତ କିଛି ମାସ ଧରି ପନିପରିବା ମୂଲ୍ୟରେ କ୍ରମାଗତ ବୃଦ୍ଧି ଦେଖିବାକୁ ମିଳୁଛି । ଟମାଟୋ ପରେ ଅନ୍ୟ ପନିପରିବା ମଧ୍ୟ ମହଙ୍ଗା ହୋଇଗଲାଣି । ବର୍ତ୍ତମାନ ପନିପରିବା ମୁଦ୍ରାସ୍ଫୀତି ନେଇ ଭାରତର ରିଜର୍ଭ ବ୍ୟାଙ୍କ ମଧ୍ୟ ଚିନ୍ତିତ ।

ଆରବିଆଇ ଗଭର୍ଣ୍ଣର ଶକ୍ତିକାନ୍ତ ଦାସ ମନିଟରୀ ପଲିସିର ସାମ୍ବାଦିକ ସମ୍ମିଳନୀରେ ମଧ୍ୟ ମୁଦ୍ରାସ୍ଫୀତି ବିଷୟରେ କହିଥିଲେ । ଶକ୍ତିକାନ୍ତ ଦାସ କହିଛନ୍ତି ଯେ, ମହଙ୍ଗା ପନିପରିବା ହେତୁ ଜୁଲାଇ ଏବଂ ଅଗଷ୍ଟରେ ମଧ୍ୟ ମୁଦ୍ରାସ୍ଫୀତି ବୃଦ୍ଧି ପାଇବ ବୋଲି ଆଶା କରାଯାଉଛି । ଦାସ କହିଛନ୍ତି ଯେ, ଆଗାମୀ ଦିନରେ ପନିପରିବା ଏବଂ ଚାଉଳର ମୂଲ୍ୟ ହେତୁ ସାମଗ୍ରିକ ମୁଦ୍ରାସ୍ଫୀତି ବୃଦ୍ଧି ପାଇବ, କିନ୍ତୁ ଏହା ପରେ ମୁଦ୍ରାସ୍ଫୀତି ହ୍ରାସ ପାଇବ ବୋଲି ଆଶା କରାଯାଉଛି ।

ଆଗାମୀ ଦିନରେ ମୁଦ୍ରାସ୍ଫୀତି ହ୍ରାସ ପାଇବ ନାହିଁ ବୋଲି ଭାରତୀୟ ରିଜର୍ଭ ବ୍ୟାଙ୍କ ଗଭର୍ଣ୍ଣର ଏକ ସ୍ପଷ୍ଟ ସୂଚନା ଦେଇଛନ୍ତି । ବିଶେଷକରି ପନିପରିବା । ଖରାପ ପାଣିପାଗ, ଅତିରିକ୍ତି ବର୍ଷା ଏବଂ ମୌସୁମୀ କାରଣରୁ ଯୋଗାଣ-ଶୃଙ୍ଖଳା ବ୍ୟାଘାତ ହେବାରୁ ମୁଦ୍ରାସ୍ଫୀତି ବୃଦ୍ଧି ପାଉଛି ବୋଲି ଗଭର୍ଣ୍ଣର କହିଛନ୍ତି । ତେବେ ଆଶା କରାଯାଉଛି ଯେ, ବର୍ତ୍ତମାନ ବଜାରରେ ତାଜା ଯୋଗାଣ ବୃଦ୍ଧି ହେବାରୁ ଏହାକୁ ନିୟନ୍ତ୍ରଣ କରିବାରେ ଲଗାମ୍ ଲାଗିବ । ବାସ୍ତବରେ ପନିପରିବା, ଅଣ୍ଡା, ଡାଲି ଏବଂ ମସଲାର ମୂଲ୍ୟ ବୃଦ୍ଧି ହେତୁ ଜୁନ୍ ମୁଦ୍ରାସ୍ଫୀତି ୪.୮ ପ୍ରତିଶତରେ ପହଞ୍ଚିଛି, ଯାହା ମେ ମାସରେ ୪.୩ ପ୍ରତିଶତ ଥିଲା ।