ସାପ ଉଦ୍ଧର କରିବା ଏବଂ ମୁକ୍ତ କରିବା ପାଇଁ ଓଡ଼ିଶା ସରକାରଙ୍କ ନିର୍ଦ୍ଦେଶାବଳୀ ଜାରି
ଭୁବନେଶ୍ୱର: ଓଡ଼ିଶାରେ ମୋଟ୍ ମୃତ୍ୟୁ ସଂଖ୍ୟାରୁ ୪୦% ସାପ କାମୁଡ଼ାରେ ହେଉଥିବା ବେଳେ ସାପ ଉଦ୍ଧାର କରିବା ଏବଂ ସେମାନଙ୍କୁ ମୁକ୍ତ କରିବା ନେଇ ଗାଇଡଲାଇନ୍ ଆଣିଛନ୍ତି ରାଜ୍ୟ ସରକାର । ସାପ ଧରାଳିଙ୍କ ଦ୍ୱାରା ଅଧିକ ଲୋକେ ରହୁଥିବା ସ୍ଥାନ କିମ୍ବା ଘର ଭିତରୁ ସାପକୁ ଉଦ୍ଧାର ତଥା ମୁକ୍ତ କରିବା ପାଇଁ ଓଡିଶା ଜଙ୍ଗଲ, ପରିବେଶ ଏବଂ ଜଳବାୟୁ ପରିବର୍ତ୍ତନ ବିଭାଗ ନୂତନ ନିର୍ଦ୍ଦେଶନାମା ଜାରି କରିଛି ।
ରାଜ୍ୟରେ ଗତ ୭ ବର୍ଷ ମଧ୍ୟରେ ସାପ କାମୁଡ଼ାରେ ୬୩୫୧ ଜଣ ପ୍ରାଣ ହରାଇଥିବା ଓଡିଶା ଜଙ୍ଗଲ, ପରିବେଶ ଏବଂ ଜଳବାୟୁ ପରିବର୍ତ୍ତନ ବିଭାଗ ରିପୋର୍ଟରୁ ଜଣାପଡ଼ିଛି । ଏବେ ବିଭାଗର ଗାଇଡଲାଇନ୍ ଆସିବା ପରେ ସାପ ଧରାଳୀମାନେ ଅଧିକ ଦାୟିତ୍ୱବାନ୍ ହୋଇ ମଣିଷ ପ୍ରବଣ ଅଞ୍ଚଳରୁ ସାପ ଉଦ୍ଧାର କରିବା ସହିତ ସେମାନଙ୍କୁ ନେଇ ପ୍ରାକୃତିକ ପରିବେଷରେ ସୁରକ୍ଷିତ ଛାଡ଼ିବେ।
ବିଭାଗ ଦ୍ୱାର ଜାରି ହୋଇଥିବା ଗାଇଡଲାଇନ୍ ପାଳନ କରିବାରେ ତୃଟି ପରିଲକ୍ଷିତ ହେଲେ ବନ୍ୟ ସୁରକ୍ଷା ଆଇ ୧୯୭୨ ଦ୍ୱାରା କାର୍ଯ୍ୟାନୁଷ୍ଠାନ ହୋଇପାରେ । ନୂତନ ଗାଇଡଲାଇନ୍ ଅନୁଯାୟୀ ଏକ ସାପକୁ ସେତେବେଳେ ଉଦ୍ଧାର କରାଯିବ, ଯେଉଁ ସମରେ ସାପ ଦ୍ୱାରା ଜନବସତୀକୁ କୌଣସି କ୍ଷତିର ଆଶଙ୍କା ଥିବ । ଯଥା-ଘର ଭିତରୁ ସାପ ବାହାରିବା, କିମ୍ବା ଏହାର ଆଖପାଖରେ ଦୃଶ୍ୟମାନ ହେଲେ ।
ବିଷାକ୍ତ କିମ୍ବା ବିଷାକ୍ତ ନହେଉନା କାହିଁକି ମନୁଷ୍ୟର ବାସସ୍ଥାନରେ ପ୍ରବେଶ କରୁଥିବା ସାପମାନଙ୍କୁ ଉଦ୍ଧାର କରିବା ସୀମିତ ରହିବା ଆବଶ୍ୟକ। ସାପର ପରିବେଶଗତ ଗୁରୁତ୍ୱ, ସାପର ଚିହ୍ନଟ ଏବଂ ସାପକୁ କିପରି ଏଡାଇ ହେବ ସେନେଇ ସ୍ଥାନୀୟ ଜନସଂଖ୍ୟାରେ ସଚେତନତା ସୃଷ୍ଟି କରିବାକୁ ଓଡ଼ିଶା ବନ ବିଭାଗ ପ୍ରମାଣିତ ସାପ ହ୍ୟାଣ୍ଡେଲରଙ୍କ ସେବା ବ୍ୟବହାର କରିପାରିବ।
ପଂଜିକୃତ ହୋଇଥିବା ସାପ ଧରାଳୀମାନେ ସେମାନଙ୍କ ସେବା ପ୍ରତି କୌଣସି ପେମେଣ୍ଟ କରିବା ପାଇଁ ଓଡ଼ିଶା ବନ ବିଭାଗର ବାଧ୍ୟ ନୁହେଁ। ସାର୍ଟିଫାଏଡ୍ ସାପ ହ୍ୟାଣ୍ଡେଲର୍ ଦ୍ୱାରା ଉଦ୍ଧାର କାର୍ଯ୍ୟରେ ବାଧା ସୃଷ୍ଟି କରୁଥିବା ବ୍ୟକ୍ତିଙ୍କ ପ୍ରତି ଦଣ୍ଡବିଧାନ ହୋଇପାରେ। ମାଓବାଦୀ ଆତଙ୍କ ସୃଷ୍ଟି କରିବା, ଉଦ୍ଧାର ହୋଇଥିବା ସାପ (ମାନଙ୍କୁ) ସର୍ବସାଧାରଣରେ ଦେଖାଇବା ଏବଂ ସାପ ସହିତ ଅନ୍ୟ କୌଣସି ସର୍ବସାଧାରଣ ପ୍ରଦର୍ଶନ, ଏପରିକି ସାପ ନିୟନ୍ତ୍ରକ ନିଜେ ମଧ୍ୟ ଦଣ୍ଡବିଧାନ ପାଇଁ ଦାୟୀ ରହିବେ।
