କ’ଣ ଆପଣଙ୍କ ଫୋନକୁ ଆସିଛି କି ଏମରଜେନ୍ସି ଆଲର୍ଟ ? ଜାଣନ୍ତୁ ଏହାର ଅର୍ଥ

ନୂଆଦିଲ୍ଲୀ: ଆଜି ଦେଶର ଲୋକଙ୍କ ପାଇଁ ଏକ ଭିନ୍ନ ଦିନ ଥିଲା । ଆରମ୍ଭ ତ’ ସବୁଦିନ ପରି ଥିଲା, କିନ୍ତୁ ଅପରାହ୍ନରେ ଲୋକଙ୍କ ମୋବାଇଲ୍ ଫୋନରେ ହଠାତ୍ ‘ଏମରଜେନ୍ସି ଆଲର୍ଟ’ ଆସିବାକୁ ଲାଗିଥିଲା । କାହାକୁ କିଛି ବୁଝାରପଡ଼ିନଥିଲା । ଏହି ଏମରଜେନ୍ସି ଆଲର୍ଟ କାହିଁକି ଆସୁଛି ବୋଲି ସାଧାରଣ ଜନତା ଚିନ୍ତାରେ ପଡ଼ିଯାଇଛନ୍ତି । ତେବେ ଆଜି କେନ୍ଦ୍ର ସରକାର ଅନେକ ସ୍ମାର୍ଟଫୋନରେ ଟେଷ୍ଟ ଫ୍ଲାସ ପଠାଇ ଏହାର ଏମରଜେନ୍ସି ଆଲର୍ଟ ସିଷ୍ଟମ ପରୀକ୍ଷା କରିଛନ୍ତି । ଅନେକ ଗ୍ରାହକଙ୍କ ମୋବାଇଲ୍ ଫୋନରେ ଏମରଜେନ୍ସି ଆଲର୍ଟ ବାର୍ତ୍ତା ଆସିଥିଲା । ଏହି ବାର୍ତ୍ତା ଭାରତ ସରକାରଙ୍କ ଟେଲିକମ୍ ବିଭାଗର ସେଲ୍ ବ୍ରୋଡକାଷ୍ଟିଂ ସିଷ୍ଟମ୍ ମାଧ୍ୟମରେ ପଠାଯାଇଛି । ଏହି ବାର୍ତ୍ତା ଏକ ପରୀକ୍ଷଣ ନମୁନା । ଏହି ବାର୍ତ୍ତା ସମସ୍ତ ଆଣ୍ଡ୍ରଏଡ୍ ବ୍ୟବହାରକାରୀଙ୍କ ମୋବାଇଲରେ ଅପରାହ୍ନ୧.୩୦ ରେ ଆସିଛି ।

ଯଦି ଆପଣ ମଧ୍ୟ ଏହିପରି ମେସେଜ୍ ଗ୍ରହଣ କରିଛନ୍ତି, ତେବେ ଆପଣ ସେଗୁଡିକୁ ଅଣଦେଖା କରିପାରିବେ । ଏହିପରି ମେସେଜରେ କୌଣସି ପଦକ୍ଷେପ ନେବା ଆବଶ୍ୟକ ନାହିଁ । ଜାତୀୟ ବିପର୍ଯ୍ୟୟ ପରିଚାଳନା ପ୍ରାଧିକରଣ ଦ୍ୱାରା ଏହିପରି ମେସେଜ୍ ସମଗ୍ର ଭାରତରେ ଏମରଜେନ୍ସି ଆଲର୍ଟ ସିଷ୍ଟମକୁ ପଠାଯାଇଛି । ଏହାର ଉଦ୍ଦେଶ୍ୟ ହେଉଛି ଜନସାଧାରଣଙ୍କ ସୁରକ୍ଷାକୁ ବଢ଼ାଇବା ଏବଂ ଜରୁରୀକାଳୀନ ପରିସ୍ଥିତିରେ ଠିକ୍ ସମୟରେ ସତର୍କ ସୂଚନା ପ୍ରଦାନ କରିବା ।

ଏହିପରି ଏମରଜେନ୍ସି ଆଲର୍ଟ ମେସେଜ୍ ସମୟ ସମୟରେ ଆସିବ :-
ଏହି ପରିପ୍ରେକ୍ଷୀରେ, ଟେଲିକମ୍ ବିଭାଗର ସେଲ୍ ବ୍ରୋଡକାଷ୍ଟିଂ ସିଷ୍ଟମ୍ କହିଛି ଯେ, ମୋବାଇଲ୍ ଅପରେଟର ଏବଂ ସେଲ୍ ପ୍ରସାରଣ ପ୍ରଣାଳୀର ଏମରଜେନ୍ସି ଆଲର୍ଟ ପ୍ରସାରଣ କ୍ଷମତାର ଦକ୍ଷତା ଏବଂ କାର୍ଯ୍ୟକାରିତାକୁ ଆକଳନ କରିବା ପାଇଁ ସମୟ ସମୟରେ ଏପରି ପରୀକ୍ଷା କରାଯିବ । ଭୂକମ୍ପ, ସୁନାମି ଏବଂ ବନ୍ୟା ପରି ବିପର୍ଯ୍ୟୟ ପାଇଁ ଭଲ ପ୍ରସ୍ତୁତି ପାଇଁ ସରକାର ଜାତୀୟ ବିପର୍ଯ୍ୟୟ ପରିଚାଳନା ପ୍ରାଧିକରଣ ସହିତ କାର୍ଯ୍ୟ କରୁଛନ୍ତି ।

ଏମରଜେନ୍ସି ଆଲର୍ଟ କ’ଣ :-

ଏମରଜେନ୍ସି ଆଲର୍ଟରେ ମୋବାଇଲ୍ ଫୋନର ସ୍କ୍ରିନରେ ହଠାତ୍ ଏକ ବିଜ୍ଞପ୍ତି ପପ୍-ଅପ୍ ଆକାରରେ ଦେଖାଯାଏ । ଏହି ବିଜ୍ଞପ୍ତି ପ୍ରାୟ ୩୦ ସେକେଣ୍ଡ ପାଇଁ ଡିସପ୍ଲେରେ ଦୃଶ୍ୟମାନ ରହିଥାଏ । ପରଦାରେ ବିଜ୍ଞପ୍ତିଗୁଡ଼ିକ ଫ୍ଲାସ୍ ହେବା ମାତ୍ରେ ମୋବାଇଲ୍ କମ୍ପିବା ଆରମ୍ଭ କରେ । ଫୋନର ବିଜ୍ଞପ୍ତି ରିଙ୍ଗଟୋନ୍ ମଧ୍ୟ ବାଜିବା ଆରମ୍ଭ କରେ । ବିଜ୍ଞପ୍ତିର ଉତ୍ତର ନହେବା ପର୍ଯ୍ୟନ୍ତ ଏହା ଚାଲୁଥାଏ । ଏହାର ପ୍ରତିକ୍ରିୟା ଦେବା ପାଇଁ ଉପଭୋକ୍ତାଙ୍କୁ ବିଜ୍ଞପ୍ତିରେ ଦିଆଯାଇଥିବା ମେସେଜ୍ ପଢ଼ିବାକୁ ପଡିବ ଏବଂ ତା’ପରେ ସେଥିରେ ଥିବା ‘ଓକେ’ ବଟନ୍ ଦବାଇବାକୁ ପଡିବ ।

ଫୋନରେ ଆସୁଥିବା ଜରୁରୀକାଳୀନ ଆଲର୍ଟର ଅର୍ଥ କ’ଣ?
ଯଦି ଆପଣ ମଧ୍ୟ ଏମରଜେନ୍ସି ଆଲର୍ଟର ଏପରି ବାର୍ତ୍ତା ଗ୍ରହଣ କରିଛନ୍ତି, ତେବେ ଭୟଭୀତ ହେବାର କୌଣସି ଆବଶ୍ୟକତା ନାହିଁ । ଏହି ଆଲର୍ଟଗୁଡିକ ସରକାର ପଠାଉଛନ୍ତି । ଏହା ଭାରତୀୟ ବେତାର ଟେଲିଗ୍ରାଫି ନିୟମ, ୨୦୨୩ ଅଧୀନରେ କାର୍ଯ୍ୟ କରୁଛି । ରିଲାଏନ୍ସ ଜିଓ, ଏୟାରଟେଲ ଏବଂ ଭି ସମସ୍ତ କମ୍ପାନୀର ମୋବାଇଲ୍ ନମ୍ବରରେ ଏଭଳି ମେସେଜ୍ ମିଳିବ ।