ଦେଶର ପ୍ରତ୍ୟେକ ଜିଲ୍ଲାରେ ଅତି କମରେ ୭୫ଟି ଅମୃତ ସରୋବର ନିର୍ମାଣ ହେବ: କେନ୍ଦ୍ର ଗ୍ରାମୀଣ ବିକାଶ ମନ୍ତ୍ରଣାଳୟ
ନୂଆଦିଲ୍ଲୀ: ରାଜ୍ୟରେ ଯେଉଁଠି ଜଳ ସଙ୍କଟ ଦେଖାଯାଉଛି, ଲୋକ ପାନୀୟ ଜଳ ପାଇବାରେ ସମସ୍ୟା ହେଉଛି ସେଠାରେ ଅଗ୍ରାଧିକାର ଭିତ୍ତିରେ ପୋଖରୀ ଖୋଳାଯିବ। ପ୍ରତି ଜିଲ୍ଲାରେ ଏହିଭଳି ୭୫ଟି ଲେଖାଏଁ ପୋଖରୀ ଖୋଳାଯିବ। ଦେଶରେ ଏ ପର୍ଯ୍ୟନ୍ତ ୬୬ ହଜାରରୁ ଅଧିକ ଅମୃତ ସରୋବରର ନିର୍ମାଣ ଓ ପୁନଃ ବିକଶିତ କରାଯାଇଛି ବୋଲି କେନ୍ଦ୍ର ଗ୍ରାମୀଣ ବିକାଶ ମନ୍ତ୍ରଣାଳୟ ପକ୍ଷରୁ କୁହାଯାଇଛି ।
ଦେଶର ପ୍ରତ୍ୟେକ ଜିଲ୍ଲାରେ ଅତି କମ୍ରେ ୭୫ଟି ଅମୃତ ସରୋବର ନିର୍ମାଣ କରାଯିବ । ଏହା ସହ କେତୋଟି ସରରୋବରକୁ ପୁନଃବିକଶିତ କରାଯିବାର ଯୋଜନା ରହିଛି । ମନ୍ତ୍ରଣାଳୟ ପକ୍ଷରୁ ଏକ ବିବୃତିରେ କୁହାଯାଇଛି, ଏ ପର୍ଯ୍ୟନ୍ତ ୧ଲକ୍ଷ ୧୨ ହଜାର ୨୭୭ଟି ଚିହ୍ନଟ ଅମୃତ ସରୋବର ମଧ୍ୟରୁ ୮୧ ହଜାର ୪୨୫ଟି ମୋଟ୍ ୬୬ ହଜାର ୨୭୮ଟି ଅମୃତ ସରୋବର ନିର୍ମାଣ ତଥା ପୁନଃ ବିକଶିତ କରାଯାଇଛି ।
ସେହିପରି ଏହି ପ୍ରକଳ୍ପରୁ ରାଜନେତାଙ୍କୁ ଦୂରରେ ରଖାଯିବ। ଲୋକଙ୍କ ସହଭାଗିତାରେ କାମ ହେବ। ସ୍ବାଧୀନତା ସଂଗ୍ରାମୀ, ସହିଦଙ୍କ ପରିବାର, ଉକ୍ତ ଅଞ୍ଚଳର ବରିଷ୍ଠ ନାଗରିକଙ୍କ ଦ୍ବାରା ଏହି ପ୍ରକଳ୍ପର ଶିଳାନ୍ୟାସ ଓ ଉଦ୍ଘାଟନ କରିବାକୁ କୁହାଯାଇଛି। ସ୍ବାଧୀନତା ସଂଗ୍ରାମୀ ଏବଂ ସହିଦଙ୍କ ଗାଁରେ ଅଗ୍ରାଧିକାର ଭିତ୍ତିରେ ଏହି ଅମୃତ ସରୋବର କରାଯିବ। ଏହି ଅମୃତ ସରୋବର କାର୍ଯ୍ୟରେ ସ୍ଥାନୀୟ ସ୍ବୟଂସହାୟିକା ଗୋଷ୍ଠୀକୁ ଅନ୍ତର୍ଭୁକ୍ତ କରିବାକୁ କୁହାଯାଇଛି।
