ସୀମା-ସଚୀନଙ୍କ ନାଁରେ ନୂଆଗୀତ, ଗୀତର ଶୀର୍ଷକ “ସୀମା ହାଇଦର ଚାଳିଷା”

ନୂଆଦିଲ୍ଲୀ : ନିଜ ପ୍ରେମ ପାଇଁ ପାକିସ୍ତାନରୁ ଚାଲି ଆସିଥିଲେ ସୀମା ହାଇଦର । ସଚ୍ଚିନ ଏବଂ ସୀମାଙ୍କ ପ୍ରେମ କାହାଣୀ ଏବେ ଚର୍ଚ୍ଚାର ବିଷୟ ପାଲଟିଛି । ଏବେ ଆଉ ଏକ ଖବର ସାମ୍ନାକୁ ଆସିଛି ଏହି ପ୍ରେମୀ ଯୁଗଳଙ୍କ ନାରେ ନୂଆ ଗୀତ ବାହାରିଛି । ଏହି ଗୀତକୁ ନିର୍ମାଣ କରିଛନ୍ତି ଦିଲ୍ଲୀର ଗୁଡ୍ଡୁ ଗୋଲଡ । ଏହି ଗୀତର ଟାଇଟେଲ ହେଉଛି “ସୀମା ହାଇଦର ଚାଳିଷା” ।

ଏବେ ନିକଟରେ ଶୁଣିବାକୁ ମିଳୁଛି ସୀମା ହାଇଦର “ବିଗ ବସ”ରେ ମଧ୍ୟ ଭାଗନେବେ । ଯେବେ ଠାରୁ ସୀମା ହାଇଦର ଭାରତ ଆସିଛନ୍ତି ସେବେଠାରୁ ସୀମା ଭାରତର ସବୁ ପରମ୍ପରାକୁ ଆପଣାଇ ନେଇଛନ୍ତି । ଏହା ଛଡା ସୀମା ହାଇଦର ରାକ୍ଷୀପୂର୍ଣ୍ଣିମାରେ ପ୍ରଧାନମନ୍ତ୍ରୀ ମୋଦୀ, ଗ୍ରୃହ ମନ୍ତ୍ରୀ ଅମିତ ଶାହାଙ୍କ ସମେତ ଅନେକ ନୋମାନଙ୍କୁ ରାକ୍ଷୀ ପଠାଇ ଚର୍ଚ୍ଚାକୁ ଆସିଥିଲେ ।ଏବେ ସୀମାଙ୍କ ଉପରେ ଏକ ଫିଲ୍ମ ବି ନିର୍ମାଣ ହେବାକୁ ଯାଉଛି । ଯାହାର ନାମ ହେଉଛି “କରାଚି ଟୁ ନୋଇଡା” ।