ବଡ଼ ଖବର; ବର୍ଷା ଯୋଗୁ ଅଧାରୁ ଅଟକିଲା ଭାରତ-ଅଷ୍ଟ୍ରେଲିଆ ମ୍ୟାଚ
ମୋହଲି; ଭାରତ-ଅଷ୍ଟ୍ରେଲିଆ ମଧ୍ୟରେ ଜାରି ରହିଛି ମୁକାବିଲା। ମୋହଲିରେ ଆଜି ଭାରତ-ଅଷ୍ଟ୍ରେଲିଆ ସିରିଜର ପ୍ରଥମ ମ୍ୟାଚ ଖେଳା ଯାଉଛି । ଭାରତୀୟ ସମୟରେ ଅପରାହ୍ନ ୧.୩୦ରେ ଏହି ମ୍ୟାଚ ଆରମ୍ଭ ହୋଇଥିବା ବେଳେ ବର୍ଷା ଯୋଗୁ ଅଧାରୁ ଅଟକିଛି ମ୍ୟାଚ । ଖେଳାଯାଉଥିବା ପ୍ରଥମ ଦିନିକିଆରେ ବର୍ଷା ଏକ ବଡ଼ ବାଧକ ସାଜିଥିବା ଦେଖିବାକୁ ମିଳିଛି । ବର୍ଷା କାରଣରୁ ମ୍ୟାଚ ଅଧାରୁ ଖେଳ ବନ୍ଦ ହୋଇଯାଇଛି। ବର୍ତ୍ତମାନ ପର୍ୟ୍ୟନ୍ତ ଅଷ୍ଟ୍ରେଲିଆ ୩୫.୪ ଓଭରରେ ୪ ଉଇକେଟ୍ ହରାଇ ୧୬୬ ରନ ସଂଗ୍ରହ କରିଛି। ଆଜିର ପ୍ରଥମ ମ୍ୟାଚରେ ଭାରତ ଟସ୍ ଜିତି ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଥିବା ବେଳେ ଅଷ୍ଟ୍ରେଲିଆ ବ୍ୟାଟିଂ କରିବାକୁ ପଡିଆକୁ ଓହ୍ଲାଇଛି ।
ସୂଚନା ଥାଉକି, ଆଜିର ମ୍ୟାଚ୍ ଜିତିବା ସହ ଆଇସିସି ଦିନିକିଆରେ ଏକ ନମ୍ବର ସ୍ଥାନ ଅକ୍ତିଆର କରିବାକୁ ଟାର୍ଗେଟ ରଖିଛି ଟିମ୍ ଇଣ୍ଡିଆ । ଏବେ ପାକିସ୍ତାନ ୧୧୫ ପଏଣ୍ଟ ସହ ୧ନମ୍ବର ସ୍ଥାନରେ ରହିଥିବା ବେଳେ ସମାନ ୧୧୫ ପଏଣ୍ଟ ସହ ଭାରତ ଦ୍ୱିତୀୟ ସ୍ଥାନରେ ରହିଛି । ୧୧୩ ପଏଣ୍ଟ ସହ ଅଷ୍ଟ୍ରେଲିଆ ତୃତୀୟ ସ୍ଥାନରେ ରହିଛି । ଆଜିର ମ୍ୟାଚ୍ ଜିତିଲେ ଭାରତ ଶୀର୍ଷ ସ୍ଥାନକୁ ଉନ୍ନୀତ ହେବ । ଏବେ ଭାରତ ଟେଷ୍ଟ ଓ ଟି-ଟ୍ବେଣ୍ଟି ରାଙ୍କିଂରେ ଏକ ନମ୍ବର ସ୍ଥାନରେ ରହିଛି ।
