ପୁଣି କର୍ମଚାରୀଙ୍କ ଛଟେଇ କରିବାକୁ ମେଟାର ପ୍ରସ୍ତୁତି ! ଏହି ଡିଭିଜନରୁ ଲୋକଙ୍କୁ କରାଯାଇପାରେ ବାହାର
ନୂଆଦିଲ୍ଲୀ: ହ୍ୱାଟ୍ସଆପ୍ ଏବଂ ଇନଷ୍ଟାଗ୍ରାମର ପ୍ୟାରେଣ୍ଟ୍ କମ୍ପାନୀ ମେଟାରେ ପୁଣିଥରେ ଛଟେଇ ପାଇଁ ପ୍ରସ୍ତୁତି ଚାଲିଛି । ରିଅଲମ ଲ୍ୟାବ ଡିଭିଜନରୁ ଛଟେଇ କରିବାକୁ କମ୍ପାନୀ ପ୍ରସ୍ତୁତ ହେଉଛି । ଏହି ଦଳ କମ୍ପାନୀ ପାଇଁ କଷ୍ଟମ୍ ଚିପସେଟ ତିଆରି କରେ । ରଏଟର୍ସ ରିପୋର୍ଟ ଅନୁଯାୟୀ, କମ୍ପାନୀର ପେସାଦାର ନେଟୱାର୍କିଂ ପ୍ଲାଟଫର୍ମ ମାଧ୍ୟମରେ କର୍ମଚାରୀଙ୍କୁ ଛଟେଇ ବିଷୟରେ ଅବଗତ କରାଯାଇଛି ।
ରିପୋର୍ଟରେ କୁହାଯାଇଛି ଯେ, ବୁଧବାର ଦିନ ପ୍ରଭାବିତ କର୍ମଚାରୀଙ୍କୁ ସେମାନଙ୍କ ସ୍ଥିତି ସମ୍ପର୍କରେ ଅବଗତ କରାଯିବ । ଛଟେଇ ବିଷୟରେ ମେଟା କୌଣସି ଅଫିସିଆଲ୍ ସ୍ପଷ୍ଟିକରଣ କରିନାହିଁ । ତେବେ ଏହି ଛଟେଇ ଫେସବୁକ୍ ଆଜିଲ୍ ସିଲିକନ୍ ଟିମ୍ ବା ଏଫଏଏସଟି ଟିମରେ ହେବ ବୋଲି ରିପୋର୍ଟରେ ଦର୍ଶାଯାଇଛି ।
ଚଳିତ ବର୍ଷ ପ୍ରାରମ୍ଭରେ ଏକ ବିବୃତ୍ତିରେ ଜୁକରବର୍ଗ ସୂଚାଇ ଦେଇଛନ୍ତି ଯେ, ବର୍ଷର ଅଧିକାଂଶ ଛୁଟି ବସନ୍ତ ସମୟରେ ଘଟିବ, କିନ୍ତୁ ବର୍ଷ ଶେଷ ସୁଦ୍ଧା କିଛି ପରିବର୍ତ୍ତନ ହୋଇପାରେ ।
