Big Breaking… ଯାତ୍ରୀବାହୀ ଟ୍ରେନର ୫ଟି ବଗିରେ ଲାଗିଗଲା ନିଆଁ: କେମିତି ଅଛନ୍ତି ଯାତ୍ରୀ?

ମୁମ୍ବାଇ: ପୁଣିଥରେ ଟ୍ରେନକୁ ନେଇ ଘଟିଯାଇଛି ଏକ ବଡ଼ ଦୁର୍ଘଟଣା । ଚଳନ୍ତା ଯାତ୍ରୀବାହୀ ଟ୍ରେନରେ ହଠାତ୍ ଅଗ୍ନିକାଣ୍ଡ ଘଟିଥିବା ଜାଣିବାକୁ ମିଳିଛି । ମହାରାଷ୍ଟ୍ର ଅହମ୍ମଦନଗରରୁ ଅସ୍ତି ଅଭିମୁଖେ ଯାଉଥିବା ଏକ ଯାତ୍ରୀବାହୀ ଯ୍ରେନରେ ଏହି ଅଗ୍ନିକାଣ୍ଡ ଘଟିଛି । ତେବେ ଟ୍ରାକ ଉପରେ ହିଁ ଟ୍ରେନର ୫ଟି ବଗିରେ ନିଆଁ ଲାଗିଯାଇଛି । ଖବର ପାଇ ଘଟଣାସ୍ଥଳରେ ଅଗ୍ନିଶମ ବାହିନୀ ପହଞ୍ଚିବା ସହ ନିଆଁ ଲିଭାଇବା ପାଇଁ ଉଦ୍ୟମ ଜାରି ରଖିଛନ୍ତି । ତେବେ ଟ୍ରେନରେ ନିଆଁ ଲାଗିଯିବା ପରେ ଗାଡ଼ିରେ ଥିବା ସମସ୍ତ ଯାତ୍ରୀ ଓହ୍ଲାଇ ଜୀବନ ବଞ୍ଚାଇବା ପାଇଁ ସେଠାରୁ ଧାଇଁ ପଳାଇବାକୁ ଚେଷ୍ଟା କରିଛନ୍ତି । ଫଳରେ ବର୍ତ୍ତମାନ ସୁଦ୍ଧା କୌଣସି ଯାତ୍ରୀ ଆହତ ହୋଇଥିବା ନେଇ ସୂଚନା ମିଳିନାହିଁ । ଟ୍ରେନରେ ଯାତ୍ରା କରୁଥିବା ସମସ୍ତ ଯାତ୍ରୀ ସୁରକ୍ଷିତ ଥିବେ ବୋଲି ଆଶା କରାଯାଉଛି ।