ଅଜବ ସ୍କୁଲର ଗଜବ କାରନାମା ! ପିଲାଙ୍କ ଉପରେ ଅଧିକ ଚାପ ହେଲେ ସିଗାରେଟ୍ ଟାଣିବାକୁ ଛାଡୁଛନ୍ତି ଶିକ୍ଷକ
ନୂଆଦିଲ୍ଲୀ: ଘର ପରେ ପିଲାମାନଙ୍କୁ ବିଦ୍ୟାଳୟକୁ ପଠାଯାଏ,ଯାହା ଦ୍ୱାରା ସେମାନେ ଅନୁଶାସନ ଶିଖିପାରିବେ ଏବଂ ଜୀବନକୁ କିପରି ସଠିକ୍ ଭାବରେ ବଞ୍ଚିବେ ତାହାର ଟେକନିକ୍ ଜାଣିପାରିବେ । ବିଦ୍ୟାଳୟଗୁଡ଼ିକ ସେମାନଙ୍କୁ ସାମାଜିକ ଆଚରଣ ଶିଖେଇବାର କାର୍ଯ୍ୟ ମଧ୍ୟ କରନ୍ତି ।
ଯଦି ପିଲା ସ୍କୁଲରୁ କିଛି ଏପରି ଜିନିଷ ଶିଖିବା ଆରମ୍ଭ କରେ ଯାହା ତାଙ୍କ ଜୀବନକୁ ନଷ୍ଟ କରିଦେବ, ତେବେ କ’ଣ ହେବ? କିଛି ଏପରି ଘଟଣା ବିଦେଶୀ ସ୍କୁଲରେ ଘଟୁଛି ।
ବିଦ୍ୟାଳୟରେ ପିଲାମାନଙ୍କୁ ଉପଯୁକ୍ତ ଆଚରଣ କରିବାକୁ ଶିକ୍ଷା ଦିଆଯାଉଥିବାବେଳେ ସେଠାରେ ସ୍କୁଲ ପକ୍ଷରୁ ସେମାନଙ୍କୁ ସିଗାରେଟ୍ ଟାଣିବାର ଟ୍ରେନିଂ ଦିଆଯାଉଛି । ଆପଣ ଜାଣି ଆଶ୍ଚର୍ଯ୍ୟ ହେବେ କିନ୍ତୁ ଅଷ୍ଟ୍ରେଲିଆର ଏକ ବିଦ୍ୟାଳୟରେ ଏକ ଅଦ୍ଭୁତ ଖେଳ ଚାଲିଛି । ଡେଲି ଷ୍ଟାରର ରିପୋର୍ଟ ଅନୁଯାୟୀ, କୁଇନ୍ସଲ୍ୟାଣ୍ଡର ଆରେଥୁସା କଲେଜର ଛାତ୍ରଛାତ୍ରୀମାନଙ୍କୁ ଧୂମପାନ ପାଇଁ ଉପଯୁକ୍ତ ବିରତି ଦିଆଯାଉଛି ।
ସିଗାରେଟ୍ ଟାଣିବା ପାଇଁ ସ୍କୁଲ ବ୍ରେକ୍ ଦେଉଛି :-
ଆରେଥୁସା କଲେଜରେ ସମସ୍ତ ବୟସର ଛାତ୍ରମାନଙ୍କୁ ସ୍ମୋକ୍ ବ୍ରେକ୍ ଅର୍ଥାତ୍ ସିଗାରେଟ୍ ଟାଣିବା ପାଇଁ ଏକ ବିରତି ଦିଆଯାଉଛି । ଅଲଗା ଅଲଗା ବୟସର ୫୦ ଜଣ ଛାତ୍ରଛାତ୍ରୀଙ୍କୁ ଏହି ତାଲିକାରେ ରଖାଯାଇଛି, ଯେଉଁମାନେ ସ୍ମୋକିଂ ପାଇଁ ସ୍ୱଳ୍ପ ବିରତି ନେଇଥାନ୍ତି । ଏଥିପାଇଁ ଏକ ସ୍ୱତନ୍ତ୍ର ଜାଗା ମଧ୍ୟ ସୃଷ୍ଟି କରାଯାଇଛି ।
ଆପଣ ଜାଣି ଆଶ୍ଚର୍ଯ୍ୟ ହେବେ ଯେ ଅଷ୍ଟ୍ରେଲିଆର ଏହା ପ୍ରଥମ ବିଦ୍ୟାଳୟ ନୁହେଁ, ଯେଉଁଠାରେ ଏହି ଅଦ୍ଭୁତ ନିୟମ କରାଯାଇଛି । ବ୍ରିସବେନରେ ମଧ୍ୟ ଏକ ବିଦ୍ୟାଳୟରେ ଧୂମପାନ ପାଇଁ ଛାତ୍ରଛାତ୍ରୀମାନଙ୍କୁ ବିରତି ଦିଆଯାଏ । ପ୍ରାୟ ଏକ ବର୍ଷ ପୂର୍ବେ ବିଦ୍ୟାଳୟରେ ଏହି ନିୟମ ପ୍ରଣୟନ କରାଯାଇଥିଲା । ବିଦ୍ୟାଳୟ ଅନୁଯାୟୀ, ଏହି ନିୟମ ପିତାମାତାଙ୍କ ଅନୁମତି କ୍ରମେ କରାଯାଇଥିଲା । କିଛି ପିତାମାତାଙ୍କର ମଧ୍ୟ ଏହାକୁ ନେଇ ସମସ୍ୟା ରହିଛି ।
