କ୍ୟାସ୍ ଫର୍ କ୍ଵେରୀ ମାମଲା: ମହୁଆ ମୈତ୍ରୀଙ୍କୁ ଟାର୍ଗେଟ କଲେ କେନ୍ଦ୍ରମନ୍ତ୍ରୀ ଅନୁରାଗ ଠାକୁର
ନୂଆଦିଲ୍ଲୀ: (ଓଡ଼ିଶା ଭାସ୍କର) କେନ୍ଦ୍ରମନ୍ତ୍ରୀ ଅନୁରାଗ ଠାକୁର ମଙ୍ଗଳବାର ତୃଣମୂଳ କଂଗ୍ରେସ (ଟିଏମସି) ସାଂସଦ ମହୁଆ ମୋଇତ୍ରୀଙ୍କୁ କଡ଼ା ସମାଲୋଚନା କରିଛନ୍ତି। ପୂରା ମାମଲା ଦୁର୍ନୀତିର ବୋଲି ସେ କହିଛନ୍ତି। ବିଜେପି ନେତା ଅନୁରାଗ ଠାକୁର କହିଛନ୍ତି, ଜାତୀୟ ସୁରକ୍ଷା ଏକ ଗୁରୁତ୍ୱପୂର୍ଣ୍ଣ ବିଷୟ। ସଂସଦ ସମ୍ପର୍କିତ ସୂଚନା ରହିଛି। ଏଭଳି ସ୍ଥିତିରେ ଏହା ଜାତୀୟ ନିରାପତ୍ତା ପ୍ରସଙ୍ଗ ହେବା ସହ ଦୁର୍ନୀତିର ପ୍ରସଙ୍ଗ। ତଦନ୍ତ ଜାରି ରହିଛି। ଆମେ ଚାହୁଁଛୁ ଯେ ଯଥାଶୀଘ୍ର ତଦନ୍ତ ଶେଷ କରି ଉପଯୁକ୍ତ କାର୍ଯ୍ୟାନୁଷ୍ଠାନ ଗ୍ରହଣ କରାଯାଉ।
ସେପଟେ ମହୁଆ ମୋଇତ୍ରୀ ଏହି ଅଭିଯୋଗକୁ ଖଣ୍ଡନ କରି କହିଛନ୍ତି, “ଆଦାନୀ ମାମଲାରେ ତାଙ୍କୁ ଚୁପ୍ କରାଇବା ପାଇଁ ଏପରି କରାଯାଉଛି। ଯଦି ଡକାଯାଇଥାଏ, ତେବେ ମୁଁ ସିବିଆଇ ଏବଂ ନୈତିକତା କମିଟିର ପ୍ରଶ୍ନର ଉତ୍ତର ଦେବାକୁ ପ୍ରସ୍ତୁତ ଅଛି। ଅଦାନି କିମ୍ବା ବିଜେପି ଟ୍ରୋଲରଙ୍କ ଦ୍ୱାରା ନିର୍ଦ୍ଦେଶିତ ମିଡିଆ ସର୍କସ ଟ୍ରାଏଲର ଜବାବ ଦେବା ପାଇଁ ମୋ ପାଖରେ ସମୟ ନାହିଁ କି ଆଗ୍ରହ ନାହିଁ । ମୁଁ ନଦିଆରେ ଦୁର୍ଗାପୂଜା ପାଳନ କରୁଛି।”
#WATCH | Hamirpur, Himachal Pradesh: On the allegations of bribery against TMC MP Mahua Moitra, Union Minister Anurag Thakur says, "National security is an important issue. Sharing information that is linked to Parliament or any other information that might create trouble is a… pic.twitter.com/6UdHrFT8F4
— ANI (@ANI) October 24, 2023
ବିଜେପି ସାଂସଦ ନିଶିକାନ୍ତ ଦୁବେ ଟିଏମସି ନେତ୍ରୀ ମହୁଆ ମୋଇତ୍ରୀଙ୍କ ବିରୋଧରେ ସଂସଦରେ ପ୍ରଶ୍ନ ପଚାରିବା ବଦଳରେ ଟଙ୍କା ନେଇଥିବା ଅଭିଯୋଗ କରିଛନ୍ତି। ହିରାନନ୍ଦାନୀ ଗ୍ରୁପ୍ ସିଇଓ ଦର୍ଶନ ହିରାନନ୍ଦାନୀ ମଧ୍ୟ ସତ୍ୟପାଠରେ ଦାବି କରିଛନ୍ତି ଯେ ସେ ଆଦାନୀ ଗ୍ରୁପ୍ ମାମଲାରେ ପ୍ରଶ୍ନ ପଚାରିବା ପାଇଁ ମୈତ୍ରୀଙ୍କୁ ଟଙ୍କା ଦେଇଥିଲେ। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଭାବମୂର୍ତ୍ତିକୁ ଖରାପ କରିବାକୁ ଚେଷ୍ଟା କରିବା ପାଇଁ ଏପରି କରାଯାଇଛି।
