ନିର୍ମାଣାଧୀନ ଘରର ଭୁଶୁଡ଼ିଲା କାନ୍ଥ, ୨ ଶିଶୁ ମୃତ, ଜଣେ ଗୁରୁତର ଆହତ
ନୂଆଦିଲ୍ଲୀ: ଦିଲ୍ଲୀର ଜୟତପୁର ଅଞ୍ଚଳରେ ଏକ ବଡ଼ ଦୁର୍ଘଟଣା ଘଟିଛି। ନିର୍ମାଣାଧୀନ ଘରର କାନ୍ଥ ଭୁଶୁଡ଼ିବାରୁ ଦୁଇ ଶିଶୁଙ୍କର ମୃତ୍ୟୁ ଘଟିଥିବା ବେଳେ ଜଣେ ଗୁରୁତର ଅବସ୍ଥାରେ ଡାକ୍ତରଖାନାରେ ଭର୍ତ୍ତି ହୋଇଛନ୍ତି। ବର୍ତ୍ତମାନ ଦିଲ୍ଲୀରେ ନିର୍ମାଣ ଏବଂ ଭାଙ୍ଗିବା ଉପରେ ସମ୍ପୂର୍ଣ୍ଣ ନିଷେଧାଦେଶ ରହିଛି। ଏହା ସତ୍ତ୍ୱେ କେତେକ ସ୍ଥାନରେ ନିର୍ମାଣ କାର୍ଯ୍ୟ ଜୋରସୋରରେ ଚାଲିଛି। ଦୁର୍ଘଟଣା ସମ୍ପର୍କରେ ସୂଚନା ପାଇବା ପରେ ପୋଲିସ ଘଟଣାସ୍ଥଳରେ ପହଞ୍ଚି ଉଭୟ ଶିଶୁଙ୍କ ମୃତଦେହକୁ ପୋଷ୍ଟମର୍ଟମ ପାଇଁ ପଠାଇଥିବା ବେଳେ ଆହତମାନଙ୍କୁ ଚିକିତ୍ସା ପାଇଁ ଡାକ୍ତରଖାନାରେ ଭର୍ତ୍ତି କରାଇଛି।
ପୋଲିସ କହିଛି ଯେ, ସନ୍ଧ୍ୟା ପ୍ରାୟ ୬.୩୦ ସମୟରେ ଜଣେ ଶିଶୁର ମୃତ୍ୟୁ ଏବଂ ଅନ୍ୟ ଦୁଇଜଣଙ୍କର କାନ୍ଥ ଭୁଶୁଡ଼ିବା କାରଣରୁ ଆହତ ହୋଇଥିବା ସୂଚନା ମିଳିଥିଲା। ସୂଚନା ପାଇବା ମାତ୍ରେ ଏସଆଇ ବେଦ ପ୍ରକାଶ ଟିମ ସହ ଘଟଣାସ୍ଥଳରେ ପହଞ୍ଚିଥିଲେ। ପୋଲିସ ଟିମ୍ ତୁରନ୍ତ ସମସ୍ତ ତିନି ଶିଶୁଙ୍କୁ ଡାକ୍ତରଖାନାରେ ଭର୍ତ୍ତି କରିଥିଲା ଯେଉଁଠାରେ ଡାକ୍ତରଙ୍କ ଦ୍ୱାରା ଦୁଇଜଣ ମୃତ ଘୋଷଣା ହୋଇଥିବାବେଳେ ଜଣଙ୍କର ଅବସ୍ଥା ଗୁରୁତର ଥିଲା। ବର୍ତ୍ତମାନ ତାଙ୍କୁ ଚିକିତ୍ସା କରାଯାଉଛି।
ପୋଲିସ କହିଛି ଯେ, ଯେତେବେଳେ କାନ୍ଥ ଭୁଶୁଡ଼ି ପଡ଼ିଲା ସେତେବେଳେ ପିଲାମାନେ ଯାଉଥିଲେ। ସମସ୍ତ ତିନି ପିଲା କାନ୍ଥରେ ଆଘାତ ପାଇଥିଲେ। ମୃତମାନଙ୍କ ମଧ୍ୟରେ ଇଶାନ ଏବଂ ହାମଜା ମଧ୍ୟ ଥିଲେ। ତୃତୀୟ ଝିଅ ୬ ବର୍ଷର ରୋଶନିଙ୍କ ଅବସ୍ଥା ଗୁରୁତର ରହିଛି।