(Video) “ମୋଦି-ଯୋଗୀ ଯୁଗ ପରେ ରାମ ମନ୍ଦିରକୁ ଭାଙ୍ଗି ଫୋପାଡ଼ି ଦେବୁ”: ଜାଣନ୍ତୁ ମୁସଲମାନ ବ୍ୟକ୍ତିଙ୍କର ଏପରି ବିବୃତି ପଛର କାରଣ
ଅଯୋଧ୍ୟା: ଅଯୋଧ୍ୟାରେ ରାମ ମନ୍ଦିରର ବିଶାଳ ଉଦଘାଟନ ଯେତିକି ପାଖେଇ ଆସୁଛି ଲୋକମାନଙ୍କ ମନରେ ଉକ୍ରଣ୍ଠା ମଧ୍ୟ ସେତେ ବଢ଼ିବାରେ ଲାଗିଛି । ତେବେ ଏହା ମଧ୍ୟରେ ସ୍ଥାନୀୟ ସମ୍ପ୍ରଦାୟର ଜଣେ ବୃଦ୍ଧ ମୁସଲମାନ ବ୍ୟକ୍ତିଙ୍କ ଏକ ଭିଡିଓ ସାମ୍ନାକୁ ଆସିଛି। ତେବେ ଏହି ଭିଡିଓରେ ବ୍ୟକ୍ତି ଜଣଙ୍କ ଏହି ଭିଡିଓରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏବଂ ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ବିଷୟରେ ଆପତ୍ତିଜନକ ବିବୃତି ଦେଇଥିବା ଦେଖିବାକୁ ମିଳିଛି । ରାମ ମନ୍ଦିର ନିର୍ମାଣ ପଛରେ ଉଭୟଙ୍କର ରାଜନୈତିକ ଉଦ୍ଦେଶ୍ୟ ଥିବା ସେ ଅଭିଯୋଗ କରିଛନ୍ତି ।
“ରାମ ମନ୍ଦିର ତିଆରି କର ଏବଂ ପୂଜାପାଠ ଜାରି ରଖ। ତେବେ ଯେଉଁ ଦିନ ମୋଦୀ-ଯୋଗୀ ଚାଲିଯିବେ ଆମେ ରାମ ମନ୍ଦିରକୁ ଭାଙ୍ଗି ଫିଙ୍ଗିଦେବୁ” ବୋଲି ବୃଦ୍ଧ ଜଣକ ଏହି ଭିଡିଓରେ କହିଛନ୍ତି । ତେବେ ଏହି ଭିଡିଓ ବର୍ତ୍ତମାନ ସୋସିଆଲ ମିଡିଆ ପ୍ଲାଟଫର୍ମ ‘X’ରେ ଭାଇରାଲ ହେବାରେ ଲାଗିଛି।
Make Ram Mandir, Keep on worshiping, the day Modi-Yogi are gone, We'll demolish and throw away the Ram Mandir, Babri will rise again- A persecuted muslim minority man pic.twitter.com/iBvBNnNdaB
— Megh Updates 🚨™ (@MeghUpdates) December 15, 2023
ତେବେ ଏହି ଭିଡିଓରେ ବ୍ୟକ୍ତିଙ୍କ ବାର୍ତ୍ତା ଉପରେ ପ୍ରତିକ୍ରିୟା ପ୍ରକାଶ କରି ଜଣେ ‘X’ ବ୍ୟବହାରକାରୀ କହିଛନ୍ତି, “ଏହା ଭଲ ଯେ ସେମାନେ ଭାବନ୍ତି ଯେ ସେମାନଙ୍କର ଦୁଃସ୍ୱପ୍ନ ମୋଦୀ-ଯୋଗୀଙ୍କ ପାଖରେ ସମାପ୍ତ ହୋଇଛି। ପରବର୍ତ୍ତୀ ପିଢ଼ି ସେମାନଙ୍କୁ ସମ୍ପୂର୍ଣ୍ଣରୂପେ ଜଗି ରହିବେ। ଏକ ନିର୍ଭୀକ ପିଢ଼ି ବର୍ତ୍ତମାନ ସମୟରେ ମୁଣ୍ଡ ଟେକିଛି ।”
ଏହା ସହିତ ଅନ୍ୟଜଣେ ‘X’ ବ୍ୟବହାରକାରୀ ଆହୁରି ମଧ୍ୟ କହିଛନ୍ତି, “ମୋଦୀ-ଯୋଗୀ କେବେହେଲେ ଲୋକମାନଙ୍କ ହୃଦୟରୁ ଯିବେ ନାହିଁ । ଯଦି ଆପଣ ସତରେ ନିଜର ଧର୍ମକୁ ଭଲ ପାଆନ୍ତି, ତେବେ ଆପଣଙ୍କ ଭଗବାନ ଆମର ରାମ ଜୀ ଏବଂ ସୀତା ଜୀଙ୍କୁ ଘୃଣା କରିବା ଅନୁପ୍ରାଣିତ କରିନଥିବେ। ମୋଦୀ-ଯୋଗୀ ଏଠାରେ ସବୁଦିନ ପାଇଁ ରହିପାରିବେ ନାହିଁ କିନ୍ତୁ ସେମାନଙ୍କର ଆଦର୍ଶ ସେଠାରେ ରହିବ। ଜୟ ଶ୍ରୀ ରାମ। ”
ସୂଚନାଯୋଗ୍ୟ, ଆସନ୍ତା ବର୍ଷ ଜାନୁଆରୀ ୨୨ ରେ ଅଯୋଧ୍ୟାରେ ଭବ୍ୟ ରାମ ମନ୍ଦିରର ଉଦଘାଟନୀ ସମାରୋହକୁ ଉତ୍ସାହର ସହିତ ଅପେକ୍ଷା କରିଥିବାବେଳେ ଏହାର ନିର୍ମାଣରେ ଉଲ୍ଲେଖନୀୟ ଅଗ୍ରଗତି ହୋଇଛି । ‘ଶ୍ରୀ ରାମ ଜନ୍ମଭୂମି ତିରଥ କ୍ଷେତ୍ର ଟ୍ରଷ୍ଟ’ କିଛି ଦିନ ତଳେ ରାମ ମନ୍ଦିରର ପ୍ରଥମ ମହଲାରେ ଚାଲିଥିବା କାର୍ୟ୍ୟର ଫଟୋ ସେୟାର କରିଛନ୍ତି। ଲକ୍ଷ ଲକ୍ଷ ଭକ୍ତଙ୍କ ପାଇଁ ଏକ ଦୀର୍ଘ ଦିନର ସ୍ୱପ୍ନ ପୂରଣ ହେବା ଦିଗରେ ଏହାଏକ ଗୁରୁତ୍ୱପୂର୍ଣ୍ଣ ପଦକ୍ଷେପ ହେବ ବୋଲି କୁହାଯାଉଛି ।
ଜାନୁଆରୀ ୨୨ ରେ ଧାର୍ୟ୍ୟ ହୋଇଥିବା ସମର୍ପଣ ସମାରୋହରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଯୋଗଦେବାକୁ ଯାଉଛନ୍ତି । ଏହା ସହିତ ଏହି ଐତିହାସିକ ଘଟଣାକୁ ଅତି ନିକଟରୁ ଦେଖିବା ପାଇଁ ୩୦୦୦ ଭିଭିଆଇପିଙ୍କ ସମେତ ୭,୦୦୦ ରୁ ଅଧିକ ଅତିଥିଙ୍କୁ ନିମନ୍ତ୍ରଣ କରାଯାଇଛି।
