ୟୁପିରେ ଶ୍ରଦ୍ଧାଙ୍କ ପରି ମାମଲା! ଲିଭ୍-ଇନ୍ ଗର୍ଲଫ୍ରେଣ୍ଡ ଗର୍ଭବତୀ ହେବାରୁ ହତ୍ୟା କଲା ପ୍ରେମିକ, ଶରୀରକୁ କରିଦେଲା ଖଣ୍ଡ ଖଣ୍ଡ
ନୂଆଦିଲ୍ଲୀ: ଉତ୍ତରପ୍ରଦେଶର ଦେଓରିଆରେ ୩୦ ସେପ୍ଟେମ୍ବରରେ, ୩୦ ବର୍ଷ ବୟସ୍କା ମହିଳାଙ୍କ ମୃତଦେହ ତିନି ଖଣ୍ଡରେ ମିଳିଥିଲା । ଏହି ହତ୍ୟାକାଣ୍ଡର ଖୁଲାସା କରି ଅଭିଯୁକ୍ତ ମୁନ୍ନା ନିଶାଦଙ୍କୁ ଗିରଫ କରାଯାଇଛି । ଅଭିଯୁକ୍ତ ଜଣକ ମହିଳାଙ୍କ ସହ ଲିଭ୍-ଇନ୍ ରିଲେସନସିପର ରହୁଥିଲେ । ପଚରାଉଚରା ବେଳେ ଅଭିଯୁକ୍ତ ଜଣକ କହିଥିଲେ ଯେ ସେ ମହିଳାଙ୍କ ସହ ଗୋରଖପୁରର ଏକ ଭଡା ଘରେ ରହୁଥିଲେ ।
ଅଭିଯୁକ୍ତ ଜଣକ କହିଥିଲେ ଯେ, ଏହି ସମୟ ମଧ୍ୟରେ ସେ ଗର୍ଭବତୀ ହୋଇଥିଲେ । ଯେତେବେଳେ ଅଭିଯୁକ୍ତ ତାଙ୍କୁ ଗର୍ଭପାତ କରିବାକୁ କହିଥିଲେ, ସେ ମନା କରିଦେଇଥିଲେ । ଏଥିରେ ରାଗିଯାଇ ଅଭିଯୁକ୍ତ ତାଙ୍କର ଗଳା କାଟି ହତ୍ୟା କରିବା ପରେ ମୃତଦେହକୁ ତିନି ଖଣ୍ଡ କରି ଧାନ କ୍ଷେତରେ ଫିଙ୍ଗି ଦେଇଥିଲା । ପୋଲିସର ପଚରାଉଚରା ବେଳେ ଅଭିଯୁକ୍ତ ମୁନ୍ନା ନିଶାଦ କହିଛି ଯେ, ସେ ବରହଜ ପୋଲିସ ଷ୍ଟେସନର ପେନା ଗାଁର ବାସିନ୍ଦା । ଖୁସବୁ ସିଂ ସେହି ଗାଁର ବାସିନ୍ଦା । ସେ ୨୦୧୬ ରେ କାହା ସହିତ କୋର୍ଟ ବିବାହ କରିଥିଲେ ଏବଂ ୨୦୨୨ ରେ ତାଙ୍କର ଛାଡପତ୍ର ହୋଇଥିଲା ।
ଅଭିଯୁକ୍ତ କହିବା ମୁତାବକ, ସେ ଦୁବାଇରେ କାମ କରୁଥିଲା । ଛାଡପତ୍ର ପରେ ଯେତେବେଳେ ଫୋନରେ କଥା ହୋଇଥିଲୁ, ସେ ଗାଁକୁ ଫେରି ଗୋରଖପୁରରେ ରହୁଥିଲେ । ସେ ଅନଲାଇନ୍ ଡେଲିଭରୀରେ କାର୍ଯ୍ୟ କରିଥିଲେ ଏବଂ ମହିଳା ଜଣକ ବିୟୁଟି ପାର୍ଲରରେ କାମ କରୁଥିଲେ । ଏହା ପରେ ସେ ଖୁସବୁଙ୍କ ସହ କଥାବାର୍ତ୍ତା ଆରମ୍ଭ କରିଥିଲେ ଏବଂ ଡିସେମ୍ବର ୨୦୨୨ ରେ ସେ ଘରକୁ ଫେରି ଗୋରଖପୁରର ଏକ ଭଡା ଘରେ ଖୁସବୁଙ୍କ ସହ ଲିଭ୍-ଇନ ରିଲେସନସିପରେ ରହିବାକୁ ଲାଗିଲେ । ଯେତେବେଳେ ସେ ଗର୍ଭବତୀ ହେଲେ, ଅଭିଯୁକ୍ତ ଗର୍ଭପାତ କରିବାକୁ କହିଥିଲା କିନ୍ତୁ ଏଥିପାଇଁ ପ୍ରତିଦିନ ଝଗଡା ହେବାକୁ ଲାଗିଲା ।
ମୃତ ଶରୀରକୁ ଖଣ୍ଡ କରି କ୍ଷେତରେ ଫିଙ୍ଗି ଦେଲା:-
ଅଭିଯୁକ୍ତ କହିଛି ଯେ, ୨୯ ସେପ୍ଟେମ୍ବର ୨୦୨୩ ରେ ଯୁକ୍ତିତର୍କ ବେଳେ ସେ ଖୁସବୁଙ୍କୁ ଠେଲି ଦେଇଥିଲା । ଏଥିରେ ତାଙ୍କ ମୁଣ୍ଡରେ ଆଘାତ ଲାଗିଥିଲା ଓ ସେ ଚେତାଶୂନ୍ୟ ହୋଇଗଲେ । ଏହା ପରେ ସେ ତାଙ୍କ ଗଳା କାଟି ଶବକୁ ତିନି ଖଣ୍ଡ କାଟି ଦେଇଥିଲା । ଅଭିଯୁକ୍ତ ଶରୀରର ଦୁଇ ଅଂଶକୁ ଟ୍ରଲି ବ୍ୟାଗରେ ଏବଂ ଗୋଟିଏ ଅଂଶ ଗଦା ଭିତରେ ଗୁଡ଼ାଇ ସିଲେଇ କରି ଘର ମାଲିକଙ୍କୁ ଘର ଖାଲି କରିବା କହି ସେଠାରୁ ଚାଲିଯାଇଥିଲା ।
ଏହା ପରେ ଅଭିଯୁକ୍ତ ମୃତଦେହକୁ ପିକଅପରେ ଭର୍ତ୍ତି କରି ନିଜ ଗାଁ ପାନାକୁ ଚାଲିଯାଇଥିଲା । ବାଟରେ ସେ ଛୁରୀ ଏବଂ ଖୁସବୁଙ୍କ ଆଧାର କାର୍ଡକୁ ରାପ୍ତି ନଦୀରେ ଫିଙ୍ଗିଥିଲା । ଏହା ପରେ ଦେଓରିଆ ଜିଲ୍ଲାର ତାଙ୍କ ଗାଁ ପୂର୍ବରୁ ମୃତଦେହକୁ ଭାଲୁନି ପୋଲିସ ଷ୍ଟେସନର ବାରୁଲି କରାୟାଲ ଶୁକ୍ଲା ମାର୍ଗରେ ପିକଅପରୁ ବାହାର କରି ଡ୍ରାଇଭରକୁ ପଠାଇଦେଲା । ପିକଅପ୍ ଡ୍ରାଇଭର ଚାଲିଯିବା ପରେ ସେ ମୃତଦେହକୁ ରାସ୍ତା କଡ଼ରେ ଥିବା ଏକ ଧାନ କ୍ଷେତରେ ଫୋପାଡି ଦେଇ ଘଟଣାସ୍ଥଳରୁ ପଳାଇ ଯାଇଥିଲା । ଏସପି ସଙ୍କଳ୍ପ ଶର୍ମା କହିଛନ୍ତି ଯେ, ଏହି ଘଟଣାର ଖୁଲାସା କରୁଥିବା ଟିମକୁ ଆଇଜି ରେଞ୍ଜ ଗୋରଖପୁର ୫୦ ହଜାର ଟଙ୍କା ପୁରସ୍କାର ଘୋଷଣା କରିଛନ୍ତି ।
