(video)ନବବଧୂ ପରି ସଜେଇ ହେଉଛି ଅଯୋଧ୍ୟା, ଶ୍ରଦ୍ଧାଳୁଙ୍କ ପାଇଁ କରାଯାଉଛି ସମସ୍ତ ପ୍ରକାର ସୁବିଧା
ନୂଆଦିଲ୍ଲୀ: ଅଯୋଧ୍ୟାରେ ରାମ ମନ୍ଦିରରେ ପ୍ରାଣ ପ୍ରତିଷ୍ଠା ପୂର୍ବରୁ ବିକାଶ କାର୍ଯ୍ୟ ଦ୍ରୁତ ଗତିରେ ଆଗେଇ ଚାଲିଛି । ଅଯୋଧ୍ୟାର ଡିଭିଜନାଲ କମିଶନର ଗୌରବ ଦୟାଲ କହିଛନ୍ତି ମୁଖ୍ୟ ରୂପରେ ୪ଟି କରିଡର ନିର୍ମାଣ କରାଯାଉଛି । ଯେଉଁଥିରୁ ୩ଟିର କାର୍ଯ୍ୟ ଶେଷ ହୋଇ ସାରିଲାଣି । ରାମପଥରେ କାର୍ଯ୍ୟ ଯୁଦ୍ଧ ସ୍ତରରେ ଚାଲିଛି । ସମସ୍ତ କାର୍ଯ୍ୟ ୩୦ ଡିସେମ୍ବର ସୁଦ୍ଧା ସାରିବାକୁ ଲକ୍ଷ୍ୟ ରଖାଯାଇଛି । ରାମ ଜନ୍ମଭୂମି ପର୍ଯ୍ୟନ୍ତ ପହଞ୍ଚିବା ଲାଗି ଯେଉଁ ଦୁଇ ROB ନିର୍ମାଣ ହୋଇଛି ତାହା ଖୁବ୍ ଶୀଘ୍ର ଲାଗୁ ହୋଇଯିବ । ସେ କହିଛନ୍ତି କି କେତେକ ଲେନ୍ ୩୦ ଡିସେମ୍ବର ସୁଦ୍ଧା ଖୋଲିଯିବ ଓ ଅନ୍ୟ ଲେନ୍ରେ କାମ ପୁରା ହେବା ପରେ ଜନସାଧାରଣଙ୍କ ଲାଗି ଖୋଲିଦିଆଯିବ ।
#WATCH उत्तर प्रदेश: अयोध्या में विकास कार्य तेजी से चल रहा है। pic.twitter.com/KEh0p2mqsT
— ANI_HindiNews (@AHindinews) December 22, 2023
ତେବେ ରାମଲାଲାଙ୍କ ପ୍ରାଣ ପ୍ରତିଷ୍ଠା କାର୍ଯ୍ୟକ୍ରମ ଲାଗି ଅଯୋଧ୍ୟା ନଗରୀକୁ ଏକ ନବବଧୂ ପରି ସଜାଇ ଦିଆଯିବ । ରାମ ମନ୍ଦିର ଆଡକୁ ଯାଉଥିବା ମାର୍ଗ, ପାଚେରୀକୁ ପେଣ୍ଟ କରାଯାଇ ସେଥିରେ ରାମାୟଣ ସମୟର କଳାକୃତି ପ୍ରଦର୍ଶିତ କରାଯାଇଛି । ବିକାଶ କାର୍ଯ୍ୟ ତଦାରଖ ପାଇଁ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ନିଜେ ମଝିରେ ମଝିରେ ଅଯୋଧ୍ୟା ଆସୁଛନ୍ତି । ତେବେ ଦେଶର ବିଭିନ୍ନ ଅଞ୍ଚଳରୁ ଶ୍ରଦ୍ଧାଳୁମାନଙ୍କ ଆଗମନକୁ ଲକ୍ଷ୍ୟ କରି ତାମିଲ, ତେଲଗୁ ସହିତ ଅନ୍ୟାନ୍ୟ ଆଞ୍ଚଳିକ ଭାଷାରେ ସୂଚନା ଲଗାଯିବ । ଶ୍ରଦ୍ଧାଳୁଙ୍କ ସୁବିଧା ପାଇଁ ପ୍ରମୁଖ ମନ୍ଦିର ଆଡକୁ ଯାଉଥିବା ରାସ୍ତାକୁ ଚିହ୍ନିତ କରିବା ପାଇଁ ଯୋଜନା ପ୍ରସ୍ତୁତ କରାଯାଇଛି ଓ ଯେଉଁ ମାର୍ଗରେ ଶ୍ରଦ୍ଧାଳୁ ଚାଲି ଚାଲି ଯିବେ ସେଠାରେ ଗାଡି ଚଳାଚଳ ବନ୍ଦ କରିଦିଆଯାଇଛି ।
#WATCH | Ayodhya: Development works underway ahead of the grand consecration ceremony of the Ram Janmabhoomi Temple.
Gaurav Dayal, Divisional Commissioner, Ayodhya, says, “Four major corridors are being constructed out of which three have been completed. The work at Rampath has… pic.twitter.com/03thIiYGdZ
— ANI (@ANI) December 22, 2023
