ବ୍ୟାଡମିଣ୍ଟନରେ ସାତ୍ବିକ-ଚିରାଗଙ୍କ ନୂଆ ରେକର୍ଡ: ପଛରେ ରହିଗଲେ ସିନ୍ଧୁ
ଓଡ଼ିଶା ଭାସ୍କର: ସରିବାକୁ ବସିଲାଣି ବର୍ଷ୨୦୨୩, ଆଶାତିତ ଖୁସି ପାଇଲେନି ଭାରତୀୟ ବ୍ୟାଡମିଣ୍ଟନ ପ୍ରଶଂସକ। ପୁରୁଷ ବର୍ଗରେ ବିଶେଷକରି ସାତ୍ବିକସାଇରାଜ ରାଙ୍କିରେଡ୍ଡୀ ଓ ଚିରାଗ ସେଟ୍ଟୀଙ୍କ ଯୋଡ଼ି ରେକର୍ଡ ଭାଙ୍ଗି ଟାଇଟଲ ହାସଲ କରିଥିବା ବେଳେ ମହିଳା ବର୍ଗରେ ସିନ୍ଧୁଙ୍କ ପାଇଁ ସୃଷ୍ଟି ହୋଇଛି ଚ୍ୟାଲେଞ୍ଜ। ଆସନ୍ତୁ ଜାଣିବା ବିଶ୍ୱସ୍ତରରେ କିପରି ଥିଲା ଭାରତୀୟ ବ୍ୟାଡମିଣ୍ଟନ ଖେଳାଳିଙ୍କ ଯାତ୍ରା। ବିଜୟ ଏବଂ ସଂଘର୍ଷର ପୁରା କାହାଣୀ।
ବର୍ଷ ୨୦୨୩ରେ ବ୍ୟାଡମିଣ୍ଟନ ଇତିହାସରେ ନିଜ ନାମ ଲେଖାଇଥିଲେ ରାଙ୍କିରେଡ୍ଡୀ ଏବଂ ସେଟ୍ଟୀଙ୍କ ଯୋଡ଼ି। ବିଶ୍ୱରେ ବନାଇଲେ ନିଜର ସ୍ୱତନ୍ତ୍ର ପରିଚୟ। ଜାନୁଆରୀରେ ସେମାନଙ୍କ ଟୁର୍ଣ୍ଣାମେଣ୍ଟ ବିନା ମ୍ୟାଚ୍ ରେ ଶେଷ ହୋଇ ପାରେ – ଇଣ୍ଡିଆ ଓପନର ପ୍ରଥମ ରାଉଣ୍ଡ ମ୍ୟାଚ୍ ସକାଳେ ରାଙ୍କିରେଡ୍ଡୀ ଆହତ ହୋଇଥିଲେ – କିନ୍ତୁ ଏହି ଯୋଡ଼ି ଖୁବ୍ ଶୀଘ୍ର ବ୍ୟାଡମିଣ୍ଟନ ଏସିଆ ମିକ୍ସଡ ଟିମ୍ ଚାମ୍ପିୟନଶିପ୍ ରେ ବ୍ରୋଞ୍ଜ ପଦକ ଜିତି ନିଜର ପରିଚୟ ସୃଷ୍ଟି କରିଥିଲେ।
ସୁଇସ୍ ଓପନ୍ ରେ ସେମାନେ ପ୍ରଥମ ଥର ପାଇଁ ବିଡବ୍ଲ୍ୟୁଏଫ୍ ବିଶ୍ୱ ଟୁର୍ ଟାଇଟଲ୍ ହାସଲ କରିଥିଲେ। ଦୁବାଇରେ ଅନୁଷ୍ଠିତ ବ୍ୟାଡମିଣ୍ଟନ ଏସିଆ ଚାମ୍ପିୟନଶିପରେ ସ୍ୱର୍ଣ୍ଣ ପଦକ ଜିତିବା ଭାରତୀୟ ପୁରୁଷ ଡବଲ୍ସ ପାଇଁ ଏକ ଐତିହାସିକ ମୁହୂର୍ତ୍ତ। ଇଣ୍ଡୋନେସିଆ ଓପନ୍ ରେ ବିଡବ୍ଲ୍ୟୁଏଫ୍ ବିଶ୍ୱ ସୁପର ୧୦୦୦ ଟାଇଟଲ ହାସଲ କରିବା ସହ ପ୍ରଥମ ଭାରତୀୟ ଯୋଡ଼ି ଭାବେ ଏହି ସଫଳତା ହାସଲ କରିଛନ୍ତି।
ସିନ୍ଧୁଙ୍କ ପାଇଁ ୨୦୨୩ ଏକ ଚ୍ୟାଲେଞ୍ଜିଂ ଅଧ୍ୟାୟ ଥିଲା। ୨୦୨୨ର ଚମତ୍କାର ପ୍ରଦର୍ଶନ ପରେ ସିନ୍ଧୁ ଆହତ ହୋଇ ଫେରିବା ପରେ ତାଙ୍କୁ ଝଟକା ଲାଗିଥିଲା। ଜାନୁଆରିରେ ସିନ୍ଧୁ ବିଶ୍ୱ ଚାମ୍ପିୟନଶିପ୍ ସମେତ ୭ଟି ଟୁର୍ଣ୍ଣାମେଣ୍ଟରେ ଆରମ୍ଭରୁ ବିଦାୟ ନେଇଥିଲେ। ଏସୀୟ କ୍ରୀଡ଼ାରେ ସେ ମହିଳା ଦଳର ନେତୃତ୍ୱ ନେଇଥିଲେ, କିନ୍ତୁ ସେ କ୍ୱାର୍ଟର ଫାଇନାଲରୁ ବିଦାୟ ନେଇ ଥିଲେ।
