୧୦୦ ଅମୃତ ଟ୍ରେନ୍ ଚଳାଇବେ ମୋଦୀ ସରକାର: ଜାଣନ୍ତୁ କେତେ ହେବ ଭଡ଼ା, ଗତି ଓ ଷ୍ଟପେଜ୍
ନୂଆଦିଲ୍ଲୀ: କାରିଗର ଏବଂ ଶ୍ରମିକମାନଙ୍କୁ ଧ୍ୟାନରେ ରଖି ମୋଦୀ ସରକାର ଦେଶରେ ଏକାସାଙ୍ଗରେ ୧୦୦ ଅମୃତ ଭାରତ ଟ୍ରେନ୍ ଚଳାଇବାକୁ ଯୋଜନା ପ୍ରସ୍ତୁତ କରୁଛନ୍ତି । ଏହା ଅଧୀନରେ ଭାରତୀୟ ରେଳବାଇର ସମସ୍ତ କାରଖାନା ୨୦୦ ରେଳ ଇଞ୍ଜିନ ଏବଂ ୨୨୦୦ କୋଚ ଉତ୍ପାଦନରେ ନିୟୋଜିତ ଅଛନ୍ତି । ମୋଦୀ ସରକାର ଏହି ଟ୍ରେନର ସମସ୍ତ କୋଚ୍ ଏଲଏଚବି ଟେକ୍ନୋଲୋଜି ସହିତ ପ୍ରସ୍ତୁତ କରୁଛନ୍ତି । ଯାହାଦ୍ୱାରା କୌଣସି ଦୁର୍ଘଟଣା ସମୟରେ ଏହି କୋଚ୍ ପରସ୍ପର ଉପରେ ଚଢ଼ିଯିବ ନାହିଁ । ଏହା ବ୍ୟତୀତ ଏଗୁଡ଼ିକରେ କମ୍ ଧକ୍କା ହେବ । ଅଯୋଧ୍ୟାରୁ ଚାଲୁଥିବା ପ୍ରଥମ ଅମୃତ ଭାରତ ଟ୍ରେନକୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ସବୁଜ ପତାକା ଦେଖାଇଥିଲେ ।
ଭଡା ୧୫ ପ୍ରତିଶତ ଅଧିକ ମହଙ୍ଗା ହେବ :-
ରେଳ ବୋର୍ଡ ଅଧିକାରୀ କହିଛନ୍ତି ଯେ, ସାଧାରଣ ମେଲ ଏବଂ ଏକ୍ସପ୍ରେସ ଟ୍ରେନ ତୁଳନାରେ ଏହି ଟ୍ରେନର ଭଡା ୧୫ ପ୍ରତିଶତ ଅଧିକ ହେବ । ତେବେ ଅନ୍ୟ ଟ୍ରେନ୍ ତୁଳନାରେ ଏହି ଟ୍ରେନ୍ ବହୁତ ସୁବିଧାଜନକ ହେବ । ଯାତ୍ରୀମାନେ ସେମାନଙ୍କ ଯାତ୍ରାରେ ବହୁତ ଆରାମ ପାଇବେ ।
ଟ୍ରେନ୍ ପାଇଁ ମାର୍ଗ ଚୟନ କରାଯାଉଛି :-
ରେଳ ବୋର୍ଡ ଅଧିକାରୀ କହିଛନ୍ତି ଯେ, ୧୦୦ ଟି ଟ୍ରେନ୍ ପାଇଁ ରେଳ ମାର୍ଗ ଚୟନ କରାଯାଉଛି । ଏହି ଟ୍ରେନ୍ ଗୁଡିକ ଦେଶର ପ୍ରମୁଖ ରେଳପଥରେ ଚାଲିବ । ବର୍ତ୍ତମାନ ପ୍ରଥମ ଟ୍ରେନ୍ ଦରଭଙ୍ଗା ଠାରୁ ଆନନ୍ଦ ବିହାର ପର୍ଯ୍ୟନ୍ତ ଚଳାଚଳ କରିଛି । ଏହା ଅଯୋଧ୍ୟା ମାଧ୍ୟମରେ ପରିଚାଳିତ ହେଉଛି । ଦ୍ୱିତୀୟ ଟ୍ରେନ୍ ମାଲଦାଟାଉନ୍ ଏବଂ ବେଙ୍ଗାଲୁରୁ ମଧ୍ୟରେ ଚଳାଚଳ କରୁଛି ।
ଟ୍ରେନ୍ ପୁସ୍-ପଲ୍ ଟେକ୍ନୋଲୋଜି ସହିତ ଚାଲିବ :-
ବନ୍ଦେ ଭାରତ ପରି ଅମୃତ ଭାରତ ଟ୍ରେନ୍ ପୁସ୍-ପଲ୍ ଟେକ୍ନୋଲୋଜିରେ ଚାଲିବ । ଉଭୟ ପାର୍ଶ୍ୱରେ ଇଞ୍ଜିନ୍ ରହିବ । ଏଥିରେ ଆଗ ଇଞ୍ଜିନ୍ ଟ୍ରେନ୍ ଚଲାଇଥାଏ ଏବଂ ପଛ ଇଞ୍ଜିନ୍ ଟ୍ରେନ୍ କୁ ଠେଲିଥାଏ । ଏହି ଟେକ୍ନୋଲୋଜି ସହିତ ଟ୍ରେନ୍ ଖୁବ୍ ଗତି ଧରିଥାଏ । ଏହି ଟ୍ରେନ୍ ଘଣ୍ଟା ପ୍ରତି ୧୬୦ କିଲୋମିଟର ବେଗରେ ଚାଲିପାରିବ । ଏହାକୁ ଏକ ସେମି ବୁଲେଟ୍ ଟ୍ରେନ୍ କହିବା ଭୁଲ୍ ହେବ ନାହିଁ ।
ଅମୃତ ଭାରତ ଟ୍ରେନରେ ୨୨ ଟି କୋଚ୍ ରହିବେ
ଭାରତୀୟ ରେଳ ବୋର୍ଡ ଅଧିକାରୀ କହିଛନ୍ତି ଯେ, ଅମୃତ ଭାରତ ଟ୍ରେନର ସମସ୍ତ ଟ୍ରେନରେ ୨୨ ଟି କୋଚ ରହିବ । ଆଗରେ ଗୋଟିଏ ଇଞ୍ଜିନ୍ ଏବଂ ପଛରେ ଗୋଟିଏ ଇଞ୍ଜିନ୍ ଇନଷ୍ଟଲ୍ କରିବା ପରେ ଏହା ୨୪ କୋଚ୍ ର ଟ୍ରେନ୍ ହେବ । ବର୍ତ୍ତମାନ ଦେଶରେ ୨୪ ଟି କୋଚର ଲମ୍ବା ଟ୍ରେନ୍ ଚଳାଚଳ କରୁଛି । ବର୍ତ୍ତମାନ ଏହି ଆଧାରରେ ଦେଶରେ ପ୍ଲାଟଫର୍ମ ମଧ୍ୟ ନିର୍ମାଣ କରାଯାଉଛି । ଲମ୍ବା ଟ୍ରେନର କାର୍ଯ୍ୟ ଅଧିକରୁ ଅଧିକ ଲୋକଙ୍କୁ ନିଜ ଗନ୍ତବ୍ୟ ସ୍ଥଳରେ ପହଞ୍ଚିବାରେ ସାହାଯ୍ୟ କରେ ।
