(Video): ଡଗ୍ ପ୍ଲେଟରୁ ବିସ୍କୁଟ ଦେଲେ ରାହୁଲ ଗାନ୍ଧୀ, ବିଜେପିର ଅଭିଯୋଗ
ନୂଆଦିଲ୍ଲୀ: ଦେଶରେ କଂଗ୍ରେସ ନେତା ରାହୁଲ ଗାନ୍ଧୀଙ୍କ ‘ଭାରତ ଯୋଡ଼ୋ ନ୍ୟାୟ ଯାତ୍ରା’ ଚାଲିଛି । ଏଥିମଧ୍ୟରେ ଭାରତୀୟ ଜନତା ପାର୍ଟି(ବିଜେପି) ରାହୁଲ ଗାନ୍ଧୀଙ୍କ ଉପରେ ଅଭିଯୋଗ କରିଥିବା ଘଟଣା ସାମ୍ନାକୁ ଆସିଛି । ଏହି ପରିପ୍ରେକ୍ଷୀରେ ବିଜେପିର IT cellର ପ୍ରମୁଖ ଅମିତ ମାଲଭିଆ ସୋସିଆଲ ମିଡ଼ିଆ ପ୍ଲାଟଫର୍ମ ‘ଏକ୍ସ’ରେ ଏକ ପୋଷ୍ଟ କରି ଲେଖିଛନ୍ତି, ‘କିଛି ଦିନ ପୂର୍ବରୁ କଂଗ୍ରେସ ଅଧ୍ୟକ୍ଷ ମଲ୍ଲିକାର୍ଜୁନ ଖଡ଼ଗେ ଦଳରୁ ବୁଥ୍ ଏଜେଣ୍ଟମାନଙ୍କୁ କୁକୁର ସହ ତୁଳନା କରିଥିଲେ । ବର୍ତ୍ତମାନ ରାହୁଲ ଗାନ୍ଧୀ ଯାତ୍ରା ସମୟରେ କୁକୁରମାନଙ୍କୁ ବିସ୍କୁଟ ଖୁଆଉଛନ୍ତି । ଆଉ ଯେତେବେଳେ କୁକୁର ବିସ୍କୁଟ ଖାଉନି ତାହା ତାଙ୍କ କର୍ମୀଙ୍କୁ ଦେଉଛନ୍ତି । ଯେଉଁଠି ଦଳର ଅଧ୍ୟକ୍ଷ ଏବଂ ନେତା ଦଳର କର୍ମୀଙ୍କୁ କୁକୁର ପରି ବ୍ୟବହାର କରୁଛନ୍ତି ସେଭଳି ଦଳ ଲୋପ ପାଇବା ସ୍ୱାଭାବିକ ।’ ବର୍ତ୍ତମାନ ଏହି ଭିଡ଼ିଓ ସୋସିଆଲ ମିଡ଼ିଆରେ ଭାଇରାଲ ହେବାରେ ଲାଗିଛି । ତେବେ କଂଗ୍ରେସ ନେତାଙ୍କ ଏଭଳି କାର୍ଯ୍ୟକୁ ସାଧାରଣରେ ନିନ୍ଦା କରାଯାଉଛି ।
अभी कुछ दिन पहले कांग्रेस अध्यक्ष खड़गे जी ने पार्टी के बूथ एजेंटों की तुलना कुत्तों से की और यहाँ राहुल गांधी अपनी यात्रा में एक कुत्ते को बिस्किट खिला रहे हैं और जब कुत्ते ने नहीं खाया तो वही बिस्किट उन्होंने अपने कार्यकर्ता को दे दिया।
जिस पार्टी का अध्यक्ष और युवराज अपने… pic.twitter.com/70Mn2TEHrx
— Amit Malviya (@amitmalviya) February 5, 2024
ତେବେ ରାହୁଲ ଗାନ୍ଧୀଙ୍କ ଏଭଳି ବ୍ୟବହାରକୁ ଲଜ୍ଜ୍ୟାଜନକ କହି ବିଜେପି ନେତ୍ରୀ ପଲ୍ଲଭୀ ସିଟି ‘ଏକ୍ସ’ରେ ପ୍ରତିକ୍ରିଆ ପ୍ରକାଶ କରିଛନ୍ତି । ସେ ସେହି ଦିନକୁ ମନେ ପକାଇଥିଲେ ଯେତେବେଳେ ପୂର୍ବତନ କଂଗ୍ରେସ ନେତା ତଥା ବର୍ତ୍ତମାନ ଆସାମର ମୁଖ୍ୟମନ୍ତ୍ରୀ ହିମନ୍ତ ବିଶ୍ୱ ସର୍ମାଙ୍କୁ ରାହୁଲ ଗାନ୍ଧୀଙ୍କ ପୋଷା କୁକୁର Pidiର ପ୍ଲେଟରୁ ବିସ୍କୁଟ୍ ଖାଇବା ପାଇଁ କୁହାଯାଇଥିଲା । ବର୍ତ୍ତମାନ କୁକୁର ନ ଖାଉଥିବା ବିସ୍କୁଟ ରାହୁଲ ତାଙ୍କ ଦଳ କର୍ମୀଙ୍କୁ ଦେଇଛନ୍ତି । ଦଳ କର୍ମୀ, ସମର୍ଥକ ଏବଂ ଭୋଟରମାନଙ୍କ ପାଇଁ ଏହା ହେଉଛି ସମ୍ମାନ ? ତେବେ ବିଜେପି ନେତ୍ରୀ ପଲ୍ଲଭୀ ସିଟିଙ୍କ ପ୍ରତିକ୍ରିୟା ଉପରେ ହିମନ୍ତ ସର୍ମା ପୋଷ୍ଟ କରି ଲେଖିଛନ୍ତି, ‘ପଲ୍ଲଭୀ ଜୀ, କେବଳ ରାହୁଲ ଗାନ୍ଧୀ ନୁହେଁ ବରଂ ତାଙ୍କ ପୁରା ପରିବାର ମୋତେ ସେହି ବିସ୍କୁଟ ଖୁଆଇ ପାରିବେ ନାହିଁ । ମୁଁ ଜଣେ ଆସାମୀୟ ଏବଂ ଭାରତୀୟ ଭାବେ ଗର୍ବ ଅନୁଭବ କରୁଛି । ମୁଁ ଖାଇବା ପାଇଁ ମନା କରିଲି ଏବଂ କଂଗ୍ରେସରୁ ଇସ୍ତଫା ଦେଇଦେଲି ।’
