(Video) ରାଜଭବନ ସାମ୍ନାରେ ୧୦ ଫୁଟ ଉପରକୁ ଉଡ଼ିଲା କାର: ଏହି ଦୃଶ୍ୟ ଦେଖି କାବା ହୋଇଗଲେ ରାଜଧାନୀବାସୀ….

ଭୁବନେଶ୍ୱର(ଓଡ଼ିଶା ଭାସ୍କର): ଦିନକୁ ଦିନ ଯାନବାହାନର ଚଳପ୍ରଚଳ ବଢ଼ିବା ସହିତ ଦୁର୍ଘଟଣା ମଧ୍ୟ ବୃଦ୍ଧି ପାଉଥିବାର ଦେଖାଯାଉଛି । ତେବେ ଅନେକ ସମୟରେ ଏପରି କିଛି ଦୁର୍ଘଟଣା ଘଟିଥାଏ, ଯେଉଁ ଖବର ବିଷୟରେ ଶୁଣି ସହଜରେ କେହି ବିଶ୍ୱାସ କରନ୍ତି ନାହିଁ । ତେବେ ଏହା ମଧ୍ୟରେ ରାଜଧାନୀ ଭୁବନେଶ୍ୱରରେ ଘଟିଯାଇଛି ଏକ ବଡ଼ ଅଘଟଣ । ଗୋଟିଏ କାର ୧୦ ଫୁଟ ଉଚ୍ଚ ପର୍ୟ୍ୟନ୍ତ ଉଡ଼ିଯାଇଥିବା ଦେଖି ଲୋକମାନେ ତାଜୁବ ହୋଇଯାଇଛନ୍ତି ।

ସୂଚନା ମୁତାବକ, ରାଜଧାନୀର ରାଜଭବନ ସାମ୍ନାରେ ଗୋଟିଏ କାର ୧୦ ଫୁଟ ଉପରେ ଉଡ଼ୁଥିବାର ଦୃଶ୍ୟ ଦେଖିଥିଲେ କିଛି ଲୋକ । ଏହି ଦୃଶ୍ୟକୁ ଦେଖିବା ପରେ ସମସ୍ତେ ଆଶ୍ଚର୍ୟ୍ୟ ହୋଇଯାଇଥିଲେ । କାରଟି କିଛି ଉଚ୍ଚକୁ ଉଠିଯିବା ପରେ ତଳେ ପଡ଼ି ଭାଙ୍ଗିରୁଜି ଯାଇଥିଲା । ସବୁଠାରୁ ବଡ଼ କଥା ହେଉଛି, ସେହି କାର ଭିତରେ ୩ ଜଣ ବ୍ୟକ୍ତି ମଧ୍ୟ ବସିଥିଲେ । ଏହି ଦୁର୍ଘଟଣାରେ କାରଟି ସମ୍ପୂର୍ଣ୍ଣ ଭାବେ ନଷ୍ଟ ହୋଇଯାଇଥିବା ବେଳେ ୩ ଜଣ ବ୍ୟକ୍ତିଙ୍କ ଅବସ୍ଥା ଗୁରୁତର ଥିବା ଜଣାପଡ଼ିଛି ।

କାରଟି ଦୁର୍ଘଟଣାଗ୍ରସ୍ତ ହେବା ପରେ ୧୦ ଫୁଟ ଉଚ୍ଚକୁ ଉଡ଼ିଯାଇଥିଲା ଓ ତା’ପରେ ତଳେ ପଡ଼ିଯାଇଥିଲା । ଫଳରେ ଧଳା ରଙ୍ଗର ସେହି କାରଟି ଭାଙ୍ଗିରୁଜି ନଷ୍ଟ ହେବା ସହିତ ସେଥିରେ ବସିଥିବା ବ୍ୟକ୍ତିମାନେ ଗୁରୁତର ହୋଇଯାଇଥିଲେ । କାରଟି ଆସୁଥିବା ସମୟରେ ରାଜଭବନ ଫାଉଣ୍ଟେନ ପାର୍କ ବାଡ଼ରେ ପିଟି ହୋଇ ଦୁର୍ଘଟଣାଗ୍ରସ୍ତ ହୋଇଥିଲା । ଦୁର୍ଘଟଣା ସମୟର ଏଭଳି ଛାତିଥରା ଦୃଶ୍ୟକୁ ଦେଖି ଦେଖହଣାହାରୀଙ୍କ ହୋସ୍ ଉଡ଼ିଯାଇଥିଲା । ତେବେ ଗୁରୁତରମାନଙ୍କୁ ପ୍ରଥମେ କ୍ୟାପିଟାଲ ହସ୍ପିଟାଲ ଓ ପରେ କଟଟ ବଡ଼ ମେଡିକାଲରେ ଚିକିତ୍ସା ନିମନ୍ତେ ଭର୍ତ୍ତି କରାଯାଇଥିବା ଜଣାପଡ଼ିଛି ।