(Video)ଜରି ଗୋଟାଉଥିବା ବାଳକର ପାଦ ଧୋଇ ପିନ୍ଧାଇଲେ ନୂଆ ପୋଷାକ, ଭିଡିଓ ଦେଖି ଭରିଯିବ ହୃଦୟ
ନୂଆଦିଲ୍ଲୀ: ବହୁ ସମୟରେ ଆମେ ଛୋଟ ଛୋଟ ପିଲାଙ୍କୁ ରାସ୍ତାରେ ମଜୁରୀ ଲାଗୁଥିବାର ଦେଖିଥାଉ କିମ୍ବା ଅଳିଆ ଗଦାରେ ପଶି ଜରି ଗୋଟାଉଥିବାର ଦେଖିଥାଉ । ଏବେ ଏପରି ଏକ ଭିଡିଓ ସୋସିଆଲ ମିଡିଆରେ ଭାଇରାଲ୍ ହେଉଛି ଯାହା ଦେଖିବା ପରେ ଆପଣଙ୍କ ହୃଦୟ ଭରିଉଠିବ । ଭିଡିଓରେ ଅଳିଆ ଗଦାରେ ଏକ ବାଳକକୁ ଦେଖିବାକୁ ମିଳୁଛି । ଏହି ସମୟରେ ଜଣେ ବ୍ୟକ୍ତି ସେହି ବାଳକଙ୍କ ପାଖକୁ ଯାଉଛନ୍ତି ଓ ତାଙ୍କୁ ସେଠାରୁ ଧରି ଆଣି ପ୍ରଥମେ ତାଙ୍କ ଗୋଡ ଧୋଇ ଦେଉଛନ୍ତି । ସେ ବାଳକକୁ ନୂଆ ଡ୍ରେସ୍ ଦେବା ସହ ତାକୁ ଭଲ ଖାଦ୍ୟ ବି ଖାଇବାକୁ ଦେଉଛନ୍ତି ।
ଭିଡିଓଟିକୁ ଲୋକମାନେ ଖୁବ୍ ପସନ୍ଦ କରୁଛନ୍ତି । ଭିଡିଓରେ ଯୁବକ ଜଣକ ବାଳକକୁ ଅଳିଆ ଗଦାରୁ ଆଣି ପ୍ରଥମେ ତା’ ପାଦରୁ ଛିଣ୍ଡା ଚପଲ ଖୋଲି ଦେଉଛନ୍ତି ଓ ପରେ ତା ପାଦକୁ ରଗଡି ରଗଡି ନିଜ ହାତରେ ସଫା କରୁଛନ୍ତି । ଏହାପରେ ସେ ତା’ର ମୁହଁକୁ ଧୋଇ ଦେଉଛନ୍ତି । ବାଳକକୁ ନୂଆ ଡ୍ରେସ୍ ପିନ୍ଧାଇ ଅଟୋରେ ବସାଇ ସେ ତାକୁ ମାକ୍ଡୋନାଲ୍ଡ ନେଇ ଯାଉଛନ୍ତି । ସେଠାରେ ସେ ତାଙ୍କୁ ଖାଇବାକୁ ଦେଉଛନ୍ତି । ଏହି ସମୟରେ ବାଳକଟି ନିଜ ହାତରେ ତ୍ରିରଙ୍ଗା ଧରିଥିବାର ଦେଖିବାକୁ ମିଳୁଛି । ଶେଷରେ ଯୁବକ ବାଳକ ସହ ଫଟୋ ଉଠାଉଛନ୍ତି ।
View this post on Instagram
ଭିଡିଓଟିକୁ ଇନଷ୍ଟାଗ୍ରାମରେ help_by__god ନାମକ ଆକାଉଣ୍ଟରେ ସେୟାର କରାଯାଇଛି । ଭିଡିଓଟି ୟୁଜର୍ସଙ୍କ ହୃୃଦୟ କିଣିନେଇଛି ।
