ରାଜ୍ୟରେ ପୁଣି ବଢିଲା ତାତି, ୫ ଦିନ ପର୍ଯ୍ୟନ୍ତ ଲାଗିରହିବ ଖରା
ଭୁବନେଶ୍ୱର: ରାଜ୍ୟରେ କିଛିଦିନର ଖରାରୁ ଆଶ୍ୱସ୍ତି ମିଳିବା ପରେ ପୁଣି ତାତି ବଢିଛିା ଏହି ତାତି ଆଗାମୀ ୫ ଦିନ ପର୍ଯ୍ୟନ୍ତ ରହିବ ବୋଲି କୁହାଯାଉଛି । ଦିନ ତାପମାତ୍ରାରେ ସାମାନ୍ୟ ପରିବର୍ତ୍ତନ ହୋଇ ୩ ରୁ ୫ ଡିଗ୍ରୀ ପର୍ଯ୍ୟନ୍ତ ରହିବ । ଏନେଇ ଆଞ୍ଚଳିକ ପାଣିପାଗ ବିଜ୍ଞାନ କେନ୍ଦ୍ର ପକ୍ଷରୁ ସୂଚନା ମିଳିଛି । ପାଣିପାଗ କେନ୍ଦ୍ରର ନିର୍ଦ୍ଦେଶକ କହିବାନୁସାରେ ଓଡିଶାରେ କିଛି ସ୍ଥାନରେ ବର୍ଷା ଓ ବଜ୍ରପାତ ହେବାର ସମ୍ଭାବନା ରହିଥିବା ବେଳେ ଅନ୍ୟ ସବୁଆଡେ ଗ୍ରୀଷ୍ମର ପ୍ରକୋପ ଜାରି ରହିବ । ଆଗାମୀ ୨୪ ଘଣ୍ଟା ପର୍ଯ୍ୟନ୍ତ ରାଜ୍ୟରେ ଗୁଳୁଗୁଳିର ପ୍ରଭାବ ଜାରି ରହିବ ।
ରାଜ୍ୟରେ ତାପମାତ୍ରା ବୃଦ୍ଧି ହେଲେ ବି ଦିନରେ ଅତ୍ୟଧିକ ତାପମାତ୍ରା ରହିବ ନାହିଁ । ରାଜ୍ୟର ଉପକୂଳିଆ ଅଞ୍ଚଳ ମାନଙ୍କରେ ତାପମାତ୍ରା କମ ଏବଂ ଅଧିକ ଆର୍ଦ୍ରତା ଥିବାରୁ ସେଠାରେ ବେଶୀ ଗୁଳଗୁଳି ଅନୁଭୂତ ହେଉଛି ।
ସେହିପରି ଆଗାମୀ ଚାରି ୫ ଦିନ ମଧ୍ୟରେ ଓଡିଶାରେ ମୌସୁମୀର ପ୍ରଭାବ ଦେଖାବାକୁ ମିଳିବ । ଏହି ବର୍ଷ ରାଜ୍ୟରେ କିଛି ସ୍ଥାନରେ ହାଲୁକା ବର୍ଷା ଥିବା ବେଳେ କେତେକ ସ୍ଥାନରେ ସ୍ୱଳ୍ପ ଧରଣର ବର୍ଷା ହେବ ବୋଲି ପାଣିପାଗ ବିଭାଗ ପକ୍ଷରୁ ଆକଳନ କରାଯାଇଛି ।
ରାଜ୍ୟରେ କିଛି ସହର ଗୁଡିକରେ ତାପମାତ୍ରା ଆଜି ୪୦ ଡିଗ୍ରୀ ରହିଛି । ଝାରସୁଗୁଡା ୪୨.୪ ଡିଗ୍ରୀ, ସମ୍ବଲପୁର ୪୦.୭ ଡିଗ୍ରୀ, ନୂଆପଡା ୪୦.୪ ଡିଗ୍ରୀ, ବଲାଙ୍ଗୀର ୪୦.୩ ଏବଂ ସୋନପୁର, ଟିଟଲାଗଡରେ ୪୦, କଟକରେ ୩୫.୫ ଡିଗ୍ରୀ ରେକର୍ଡରେ ହ୍ରାସ ପାଇଛିା
