ମୋହନ ଯାଦବଙ୍କ କ୍ୟାବିନେଟ୍ ବିସ୍ତାର, ମନ୍ତ୍ରୀ ପଦର ଶପଥ ନେଲେ ରାମନିୱାସ ରାୱତ
ଭୋପାଲ: ମଧ୍ୟପ୍ରଦେଶ ରାଜନୀତିରୁ ଏକ ବଡ଼ ଖବର ସାମ୍ନାକୁ ଆସିଛି । ମଧ୍ୟପ୍ରଦେଶ ମୁଖ୍ୟମନ୍ତ୍ରୀ ମୋହନ ଯାଦବ ତାଙ୍କ କ୍ୟାବିନେଟ୍ ବିସ୍ତାର କରିଛନ୍ତି । କଂଗ୍ରେସ ଛାଡ଼ି ବିଜେପିରେ ଯୋଗ ଦେଇଥିବା ରାମନିୱାସ ରାୱତ କ୍ୟାବିନେଟ ମନ୍ତ୍ରୀ ପଦ ପାଇଁ ଶପଥ ଗ୍ରହଣ କରିଛନ୍ତି । ଶିଓପୁର ଜିଲ୍ଲାର ବିଜୟପୁର ବିଧାନସଭା ଆସନର ବିଧାୟକ ଅଛନ୍ତି ଏବଂ ତାଙ୍କୁ ଓବିସି ସମ୍ପ୍ରଦାୟର ବଡ଼ ନେତା ଭାବେ ବିବେଚିତ କରାଯାଇଛି । ଆଜି ରାଜଭବନରେ ମଧ୍ୟପ୍ରଦେଶର ରାଜ୍ୟପାଳ ମଙ୍ଗୁ ଭାଇ ପଟେଲ ତାଙ୍କୁ ରାୱତଙ୍କୁ ମନ୍ତ୍ରୀ ପଦର ଶପଥ ଗ୍ରହଣ କରାଇଛନ୍ତି ।
ରାମନିୱାସ ରାୱତ ବିଜୟପୁର ଆସନରୁ ୬ ଥର ବିଧାୟକ ହୋଇଛନ୍ତି । ପୂର୍ବରୁ ସେ ଦିଗବିଜୟ ସରକାରଙ୍କ ସମୟରେ ମନ୍ତ୍ରୀ ଭାବେ ଦାୟିତ୍ୱ ତୁଲାଇଥିଲେ । ଏହା ବ୍ୟତୀତ ପୂର୍ବତନ କେନ୍ଦ୍ର ମନ୍ତ୍ରୀ ନରେନ୍ଦ୍ର ସିଂହ ତୋମାରଙ୍କ ବିପକ୍ଷରେ କଂଗ୍ରେସ ଟିକେଟରୁ ଲୋକସଭା ନିର୍ବାଚନରେ ପ୍ରତିଦ୍ୱନ୍ଦିତା କରିଥିଲେ । ବରିଷ୍ଠ ନେତାଙ୍କ ମଧ୍ୟରେ ରାମନିୱାସ ଅନ୍ୟତମ । କଂଗ୍ରେସ ହାଇକମାଣ୍ଡ୍ ତାଙ୍କ ପ୍ରତି ଅଣଦେଖା କରୁଥିଲେ । ବିଧାନସଭାରେ ତାଙ୍କୁ ନେତା ପ୍ରତିପକ୍ଷ ଭାବରେ ମଧ୍ୟ ଚୟନ କରାଯାଇନଥିଲା । ଏହା ରାମନିୱାସଙ୍କ ଅସନ୍ତୁଷ୍ଟ ହେବାର ପ୍ରମୁଖ କାରଣ ଥିଲା । ରାଜ୍ୟରେ କମଲନାଥ ସରକାରଙ୍କ ସମୟରେ ମଧ୍ୟ ତାଙ୍କୁ କୌଣସି ଗୁରୁତ୍ୱପୂର୍ଣ୍ଣ ପଦରେ ନିଯୁକ୍ତ କରାଯାଇନଥଲା । ଚଳିତ ବର୍ଷ ଏପ୍ରିଲ ୩୦ରେ ମଧ୍ୟପ୍ରଦେଶ ମୁଖ୍ୟମନ୍ତ୍ରୀ ମୋହନ ଯାଦବ, ପ୍ରଦେଶ ଅଧ୍ୟକ୍ଷ ଭିଡି ଶର୍ମା ଏବଂ ଡା. ନରୋତ୍ତମ ମିଶ୍ରଙ୍କ ଉପସ୍ଥିତିରେ ରାୱତ ବିଜେପିରେ ଯୋଗ ଦେଇଥିଲେ ।
आज राजभवन में माननीय राज्यपाल श्री मंगुभाई पटेल जी एवं मुख्यमंत्री डॉ. मोहन यादव जी की गरिमामयी उपस्थिति में मध्यप्रदेश मंत्रिमंडल के विस्तार हेतु आयोजित शपथ ग्रहण समारोह संपन्न हुआ।
राज्यपाल श्री मंगुभाई पटेल ने विधायक श्री रामनिवास रावत को कैबिनेट मंत्री के रूप में पद एवं… pic.twitter.com/JiSNpC4gLR
— Chief Minister, MP (@CMMadhyaPradesh) July 8, 2024
