ଭାରତରେ ସଡ଼କ ଦୁର୍ଘଟଣା ଏକ ବଡ଼ ବିପଦ: ଚିନ୍ତା ପ୍ରକାଟ କଲେ ନିତିନ ଗଡକରୀ
ନୂଆଦିଲ୍ଲୀ: କେନ୍ଦ୍ର ସଡକ ପରିବହନ ମନ୍ତ୍ରୀ ନିତିନ ଗଡକରୀ କହିଛନ୍ତି ଯେ, ଭାରତରେ ଯୁଦ୍ଧ, ଆତଙ୍କବାଦ ଏବଂ ନକ୍ସଲବାଦ ଅପେକ୍ଷା ସଡ଼କ ଦୁର୍ଘଟଣାରେ ଅଧିକ ମୃତ୍ୟୁ ଘଟିଛି । ଏଫଆଇସିସିଆଇ ସଡକ ସୁରକ୍ଷା ପୁରସ୍କାର ଏବଂ କନକ୍ଲେଭ ୨୦୨୪ ର ଚତୁର୍ଥ ସଂସ୍କରଣରେ ସେ ଏହା କହିଛନ୍ତି । ବିସ୍ତୃତ ପ୍ରକଳ୍ପ ରିପୋର୍ଟ (ଡିପିଆର) ରେ ତ୍ରୁଟି ହେତୁ ବ୍ଲାକ୍ ସ୍ପଷ୍ଟ ସଂଖ୍ୟା ବୃଦ୍ଧି ପାଉଛି ବୋଲି ସେ କହିଛନ୍ତି ।
ଗଡକରୀ କହିଛନ୍ତି ଯେ, ଭାରତରେ ପ୍ରତିବର୍ଷ ୫୦୦,୦୦୦ ସଡ଼କ ଦୁର୍ଘଟଣା ଘଟୁଛି, ଯେଉଁଥିରେ ୧,୫୦,୦୦୦ ଲୋକ ପ୍ରାଣ ହରାଉଥିବା ବେଳେ ୩୦୦,୦୦୦ ଆହତ ହେଉଛନ୍ତି । ଏହା ଦେଶର ଜିଡିପିରେ ତିନି ପ୍ରତିଶତ କ୍ଷତି ଘଟାଇଥାଏ । ସେ କହିଛନ୍ତି ଯେ, ଦୁର୍ଘଟଣା ପାଇଁ ଡ୍ରାଇଭରମାନଙ୍କୁ ପ୍ରାୟତଃ ଦୋଷ ଦିଆଯାଏ, କିନ୍ତୁ ବେଳେବେଳେ ରୋଡ୍ ଇଞ୍ଜିନିୟରିଂରେ ଦୋଷ ଥାଏ । ଦୁର୍ଘଟଣା ହ୍ରାସ କରିବାକୁ ଚାହୁଁଥିଲେ ସମସ୍ତ ରାଜପଥର ସୁରକ୍ଷା ଅଡିଟ୍ ଏବଂ ଲେନ୍ ପ୍ରିଣ୍ଟିଙ୍ଗ୍ ଆବଶ୍ୟକ ।
ଗଡକରୀ କହିଛନ୍ତି ଯେ, ସଡ଼କ ଦୁର୍ଘଟଣାରେ ଆହତ ଲୋକଙ୍କ ଜୀବନ ରକ୍ଷା କରିବା ପାଇଁ ସଡକ ପରିବହନ ଏବଂ ରାଜପଥ ମନ୍ତ୍ରଣାଳୟ ଆମ୍ବୁଲାନ୍ସ ଏବଂ ସେମାନଙ୍କ ଡ୍ରାଇଭରମାନଙ୍କ ପାଇଁ ନୂଆ ନିୟମ ପ୍ରସ୍ତୁତ କରୁଛି । ଦୁର୍ଘଟଣାରେ ଆହତ ବ୍ୟକ୍ତିମାନେ ଠିକ୍ ସମୟରେ ଚିକିତ୍ସା ପାଇବାକୁ ନିଶ୍ଚିତ କରିବାକୁ ଆଇଆଇଟିରୁ ପରାମର୍ଶ ନିଆଯାଉଛି ।