ଗୁଗୁଲର ଏ କି ପ୍ରକାର ଫିଚର୍ସ ! ଅଶ୍ଳୀଳ କଣ୍ଟେଣ୍ଟ ଦେଖିବା ପୂର୍ବରୁ ହୋଇଯାଉଛି ବ୍ଲର୍

ନୂଆଦିଲ୍ଲୀ : କ’ଣ ଆପଣ ସେହି ସ୍ମାର୍ଟଫୋନ୍ ଉପଭୋକ୍ତାମାନଙ୍କ ମଧ୍ୟରୁ ଜଣେ , ଯେଉଁମାନେ ନିଜ ଫୋନକୁ ନିଜ ପିଲାମାନଙ୍କୁ ଦିଅନ୍ତି । ଆପଣ ମଧ୍ୟ ଜାଣନ୍ତି ଯେ ଗୁଗୁଲ୍ ଆପଣଙ୍କର ସମସ୍ତ ପ୍ରଶ୍ନର ଉତ୍ତର ପାଠ୍ୟ ଏବଂ ଚିତ୍ର ଆକାରରେ ଦେଇଥାଏ ।

ସର୍ଚ୍ଚ ବକ୍ସରେ ଏପରି କୌଣସି ଶବ୍ଦ ଟାଇପ୍ କରିବା ଏକ ବଡ ଅସୁବିଧା ଆଣିପାରେ । ଯୌନ କାର୍ଯ୍ୟ, ରକ୍ତପାତ ଏବଂ ହିଂସା ସହ ଜଡିତ ଫଟୋ ସର୍ବସାଧାରଣ ସ୍ଥାନରେ ସାମ୍ନାକୁ ଆସିବା ଲଜ୍ଜାର କାରଣ ହୋଇପାରେ । ସେହିଭଳି ଆପଣଙ୍କ ପିଲା ଏହିପରି ବିଷୟବସ୍ତୁ ଦେଖିବା ସେମାନଙ୍କର କୋମଳ ମନ ଉପରେ ଗଭୀର ପ୍ରଭାବ ପକାଇପାରେ । ଯଦି ଆପଣଙ୍କର ପିଲା ମଧ୍ୟ ଆପଣଙ୍କର ଫୋନ୍ ବ୍ୟବହାର କରନ୍ତି, ତେବେ ଆପଣ ଗୁଗୁଲ୍ ସର୍ଚ୍ଚର ଏହି ବିଶେଷ ଫିଚର୍ସ ବିଷୟରେ ଜାଣିବା ଜରୁରୀ ।

ଯୌନ ବିଷୟବସ୍ତୁ ଅସ୍ପଷ୍ଟ ହେବ :-

ଗୁଗୁଲ୍ ଏହାର ସର୍ଚ୍ଚ ଇଞ୍ଜିନ୍ ସହିତ ସେଫ୍ ସର୍ଚ୍ଚ ଫିଚର୍ସର ସୁବିଧା ପ୍ରଦାନ କରେ । ଗୁଗୁଲ ଦ୍ୱାରା ଦିଆଯାଇଥିବା ସୂଚନା ଅନୁଯାୟୀ, ସେଫ୍ ସର୍ଚ୍ଚ ଫିଚର ସହ ନଗ୍ନତା, ସେକ୍ସୁଆଲ୍ ଆକ୍ଟ ଦେଖାଉଥିବା ଗ୍ରାଫିକ୍ସ ବା କଣ୍ଟେଣ୍ଟକୁ ଅଶ୍ଳୀଳ ବର୍ଗରେ ରଖାଯାଏ । ସେହିଭଳି ହିଂସା ଏବଂ ରକ୍ତପାତ ଦେଖାଉଥିବା କଣ୍ଟେଣ୍ଟକୁ ମଧ୍ୟ ଏହିପରି ବର୍ଗରେ ରଖାଯାଇଥାଏ ।

ଫୋନରେ ସେଫ୍ ସର୍ଚ୍ଚ ସେଟିଂକୁ ଇନେବଲ୍ କରିବା ମାତ୍ରେ ଏହି ପ୍ରକାରର କଣ୍ଟେଣ୍ଟ ଫିଲ୍ଟର୍ ହୋଇଯାଏ । ଏହା ବ୍ୟତୀତ ଏହିପରି ସର୍ଚ୍ଚ ଫଳାଫଳଗୁଡିକ ସେଟିଙ୍ଗ୍ ସହିତ ଅସ୍ପଷ୍ଟ ହୋଇଯାଏ ।

କିପରି କରିବେ ଏସବୁ :-

ସର୍ବପ୍ରଥମେ ଆପଣଙ୍କୁ ଫୋନରେ ଗୁଗୁଲ୍ ଆପ୍ ଖୋଲିବାକୁ ପଡିବ ।
ବର୍ତ୍ତମାନ ଆପଣଙ୍କୁ ଉପର ଡାହାଣରେ ଥିବା ପ୍ରୋଫାଇଲ୍ ଉପରେ ଟ୍ୟାପ୍ କରିବାକୁ ପଡିବ ।
ଏଠାରେ ଆପଣଙ୍କୁ ସେଫ୍ ସର୍ଚ୍ଚ ଅପ୍ସନ୍ ଉପରେ ଟ୍ୟାପ୍ କରିବାକୁ ପଡିବ ।
ଏଠାରେ ଆପଣ ଫିଲ୍ଟର୍ କିମ୍ବା ବ୍ଲୁର୍ ଅପ୍ସନ୍ ଉପରେ ଟ୍ୟାପ୍ କରନ୍ତୁ ।
ଫିଲ୍ଟରର ଅର୍ଥ ହେବ ଯେ ଅଶ୍ଳୀଳ ବିଷୟବସ୍ତୁ ଖୋଜିବାବେଳେ ରେଜଲ୍ଟ ଫିଲ୍ଟର୍ ହେବ । ଏହିପରି ଫଟୋ ସ୍କିନରେ ଦୃଶ୍ୟମାନ ହେବ ନାହିଁ ।