X ୟୁଜର୍ସଙ୍କୁ ଝଟକା! ଏବେ ମିଳିବନି ଏହି ସୁବିଧା, Elon Musk ଙ୍କ ବଡ଼ ଘୋଷଣା

ନୂଆଦିଲ୍ଲୀ: ସୋସିଆଲ ମିଡିଆ ପ୍ଲାଟଫର୍ମ ଏକ୍ସର ବ୍ୟବହାର ସାରା ଦୁନିଆରେ କୋଟି କୋଟି ଲୋକେ କରିଥାଆନ୍ତି। ଏହି ତାଲିକାରେ ସିଲିବ୍ରିଟୀ, ନେତା, ବିଜନେସମ୍ୟାନଙ୍କ ଠାରୁ ନେଇ ଜନସାଧାରଣଙ୍କ ଯାଏଁ ସମସ୍ତେ ବ୍ୟବହାର କରିଥାଆନ୍ତି। ବେଳେ ବେଳେ ଏଲନ ମସ୍କ ଏକ୍ସ ପାଇଁ ନୂଆ ଫିଚର ଆଣିଥାଆନ୍ତି। ଏହାରି ମଧ୍ୟରେ ମସ୍କ ଏକ୍ସ ୟୁଜର୍ସଙ୍କୁ ଏକ ପରାମର୍ଶ ଦେଇଛନ୍ତି।

ଏଲନ ମସ୍କ ସୋସିଆଲ ମିଡିଆ ପ୍ଲାଟଫର୍ମ ଏକ୍ସର ୟୁଜର୍ସଙ୍କୁ ନିଜ ପୋଷ୍ଟରେ ଅଧିକ ବୋଲ୍ଡ ଫଣ୍ଟର ବ୍ୟବହାର କରିବାଠାରୁ ଦୂରେଇ ରହିବାକୁ କହିଛନ୍ତି। ସେ କହିଛନ୍ତି ଯେ, ଏପରି ପୋଷ୍ଟ ବର୍ତ୍ତମାନ ମେନ ଟାଇମଲାଇନରେ ଦେଖାଯିବ ନାହିଁ। ସେ ଆହୁରି କହିଛନ୍ତି ଯେ, ବୋଲ୍ଡ ଫଣ୍ଟ ଫିଚର ୟୁଜର୍ସଙ୍କୁ ନିଜ ମେସେଜର କିଛି ଭାଗକୁ ହାଇଲାଇଟ କରିବାର ସୁବିଧା ଦେଇଥାଏ। ଯଦି ଆପଣଙ୍କ ଆବଶ୍ୟକତା ପଡେ ଏହାର ବ୍ୟବହାର କରିପାରିବେ। ଯଦି ଏହାର ଅଧିକ ବ୍ୟବହାର କରାଯାଉଛି ତେବେ ଏହି ପୋଷ୍ଟର ଆକର୍ଷଣକୁ କମ କରାଯାଇପାରିବ।

ଏହି ପରିବର୍ତ୍ତନ ତୁରନ୍ତ ପ୍ରଭାବଶାଳୀ ହେବ। ଏହାର ଅର୍ଥ ହେଉଛି ଯେ, ବୋଲ୍ଡରେ ଫର୍ମାଟ କରାଯାଇଥିବା କୌଣସି ଟେକ୍ସଟ ମେନ ଫିଡରେ ସିଧାସଳଖ ଦେଖାଯିବା ପାଇଁ ଲୁଚାଯାଇଛି। ୟୁଜର୍ସଙ୍କୁ ବର୍ତ୍ତମାନ ବୋଲ୍ଡ ଟେକ୍ସଟ ଦେଖିବା ପାଇଁ ବ୍ୟକ୍ତିଗତ ପୋଷ୍ଟ ଉପରେ କ୍ଲିକ କରିବାକୁ ପଡିବ। ଏହି ଅପଡେଟ ୱେବ ୟୁଜର୍ସଙ୍କ ସହ ଆଣ୍ଡ୍ରୋଏଡ ଆପ୍ସ ୟୁଜର୍ସଙ୍କ ପାଇଁ ଉପଲବ୍ଧ କରାଯାଉଛି।